تهديد اجهاض :((

[chobits.19]

السلام عليكم

شلونكم شخباركم عزيزاتي .. :eh_s(22):

:eh_s(17)::eh_s(17)::eh_s(17):

انا عندي تهديد اجهاض :eh_s(16):

بالبداية سويت تحليل حمل بعد خمس ايام من تاخر الدورة كان بتاريخ 24-8 قالولي حمل ضعيف
وقالت لي بعد 5 ايام سوي تحليل مرة ثانية
وباليوم السابع من 24-8 يعني وصلنا تاربخ 31-8 كان ثاني يوم عيد
الفجر ... نزل معاي افرازات دم اول شي طلع مني افراز بسيط
وبعد جم ساعه قام ينزل مني دم ع شكل فارازات ودم سايل جنه الجرح
بس ما حصل نزيف نزيف
انا اعرف اقدر الكمية ماينقال لها نزيف بس كمية تخرع شوي
رحت سويت تحليل حمل طلع في حمل
دخلت ع الدكتورة قالت تهديد اجهاض والبيبي صغير ومايبين فقالت ع اسبوعين تستمرين ع حبوب التثبيت ديفاستون وراحة تامه لين يكبر الجنين واشوفه واطمن عليه ...
رديت البيتت الظهر وخذيت حبتي وجاني عوار مو طبيعي بمنطقة الحوض وحسيت بدوخه وحسيت اني بستفرخ وقام العوار يروح شوي شوي جن مفعول الحبوب وقام الدم يقل شوي شوي ...
لين تقريبا وصلت ظهر اليوم الثاني والحين اليوم الثالث تقريبا ولي الحين تنزل مني قطع صغيرة حييييييييل مع تكرمون لي دخلت الحمام ...

وقلت لرجلي ابي اسوي تحليل هرموني عيااا قال ماعليج الا بالراحة مايبيني اطلع خايف لا اتعب ...
وانا الحين حيييييل تعبانة نفسيتي اقعد مرات ابجي وانا بروحي

:eh_s(17)::eh_s(17)::eh_s(17):

مع العلم هذي حملتي الثانية وانا دورتي منتظمه والحمدالله

:eh_s(17)::eh_s(17)::eh_s(17):

فشنو تفسيراتكم هل تتوقعون البيبي طاح
وشنو الدم الي ينزل بشكل افرازات (

 

[الأميرة جوري]

عادي صار معاي ارتحت علي ظهري ما اتحرك الا تكرمين للحمام وبعد شهر من الراحه والمثبتات تطمنت عالبيبي وخف الدم ...بس حد ماتقدرين اكلي لاتيوعين لان اليوع مو زين وعلشان البيبي وشربي برتقال فرررررررش <<يبثت الجنين ...بعد اسبوعين سوي سونار

 

[yasmeen_q8]

حبيبتي طلبي ابرة مثبته احسن من الحبوب وانسدحي على ظهرج لا ترهقين نفسج

 

[chobits.19]

مشكورة حبيبتي ع الرد ...
زين شنو كانت خصائص الدم الي نزل وشلون كانت كميته وكم يوم استمر ؟
اوك انا الحين عندي دوام الجامعه 18-9
اتوقعين تأثر الحركة اذا وقف الدم مني خلال هالاسبوعين ؟

(

 

[chobits.19]

انا حاليا ما اقدر اطلب لان مومبين البيبي توه صغير
لان كان حمل ضعيف يعني التلقيح متأخر
يعني مادري اذا البيبي له نبض او لأ : (

 

[الأميرة جوري]

لا الابره ديري بالج منها ممكن تنزل البيبي قويه .....انا كان ينزل عالخفيف ومرات يزيددم بنى ومرات احمررررر واقول خلاص راح اجهض مع مغص وتقريبا اسبوعين ووقف وانا التزمت بالرااااااااحه وعدم الجماع والتغذيه والحمد الله طمنتنى كل شي اوكى بس استمريت عالحبوب الي ان دخلت الشهر الخامس وقفتها...الجامعه حاولي تمشين عالخفيف ليمن توصلين للقاعه ولاتمشين وايد والله يطمنج

 

[chobits.19]

مشكورة يقلبي ... طمنتيني
حتى انا صايرة اوسوس حييييل
بس مو جن حبوب الدفيستون غالية شريط كامل ب 6 ويكفي بس اسبوع
وانا بستمر عليها لي الشهر الخامس :/
زين ممكن يكون هالدم يطلع دم خارج الرحم ؟

 

[انثى الكويت]

حبيبتي لا تخافين

انا قبل اجهضت يعني سبحان الله سويت الي علي خذيت حبوب وابره هم طاح لان ممكن يكون مشوه الجنين

بس انتي رفعي ريولج ولا تمشين ديري بالج انا طاح بسبب المشي

شغل بيت بتقولين بشيل مخده لا تشيلين شي نطري بس يثبت بعدين كيفج

والي الله كاتبه يصير

انا على فكره اجهضت بس وقف الدم جان احمل وراها ولله الحمد يعني لا تحاتين انج بتطولين ولا شي

ولا تبجين ترى مو زين لج الحين

حبيبتي حبوب الدافستون عطوني ياها مع بيبي اسبرين الي علبته حمره

انا خذيتهم للشهر الثالث اول الرابع ووقفهم لي الدكتور لان ثبت الحمل

ليش راح تستمرين عليها للخامس ماراح يبين الحين

ممكن يكون هذا الدم تحذير ديري بالج اهتمي بنفسج

لان انا بحملتي هاذي نزل دم ورحت دار الشفا وعزوني ابره مثبت قالت احتمال يطيح واحتمال لا والحمدلله تثبت

 

[chobits.19]

انا الدكتورة قالت لي استمري بالحبوب لين يكبر عشان تشوف صحت الجنين
انا بس كتبت لي الدفاستون ماكتبت شي ثاني ...
زين اذا صار اجهاض ربي يبعد عني وعنكم الاجهاض
بس حبيت اعرف شنو يصير بضبط لازم يجي نزيف ويطول الدم وهو ينزل ؟

 

[بحر الذكريات]

الله يثبته لج يارب وارتاااحي قد ماتقدرين

والدوفيستون غاليه صح بس شتسوين لاجل عين تكرم مدينه

وسوي تحليل هرموني احسن عشان يبين اذا النسبه قاعده ترتفع ان شاء الله او تنزل لاسمح الله

 

[@ام يوسف@]

الله يتمم عليج ويثبته انا في بجري كان ينزل علي دم من الشهر الاول والشهر الثالث اسم الله علينا كان قطع مو بس دم والحمدلله بس ولدت ولاده مبكره

 

[يا عيون سمي]

حبيبتي شلون تحكم الدكتوره حمل اضعيف وانتي مومسويه هرموني مايبين اذا ضعيف اللي اذا سويتي تحليل رقمي
وبعدين الدم اللي طلع منج ماتقدرين تحكمين من وين اهي تعطيج احتمال اجهاض واحتمال خارج الرحم

انا انصحج سوي هرموني اضمن من كلام الدكتوره يمكن مرتفع يعني حمل عادي بس ينزل دم عادي عرفتي *

 

[طـير7]

الله يتمم عليج ويثبته

وتكملين حملج بخير وسلامه

يااااااااارب

 

[نارنجه]

الله يثبت حملج
مثل ما قالت الدكتورة عليج بالراحه لاااتحوسين نوم وصلاة لين يثبت ان شاااء الله
مو وقته حوسة تحاليل الحين صبري لين المراجعه الياية

وشربي نشااااا مرتين او ثلاث لين يوقف الدم وايد وايد زين ولو تخلين زوجج ياخذ لج النشا الايراني من الحواي بعد يكون احسن
طريقته قفشة كبيرة من النشا مع قلاص ماي واذا ما حبيتيه جربيه مع الحليب المهم شربي نشاااااا يوقف الدم ان شاااء الله


وهالله هالله بالدعااااااااااء بكل صلاة و بكل وقت طلعي من النت ادعية الحامل بتلاقين وايييييد

وماتشوفين شر يااارب

 

[chobits.19]

الله يثبت حملج
مثل ما قالت الدكتورة عليج بالراحه لاااتحوسين نوم وصلاة لين يثبت ان شاااء الله
مو وقته حوسة تحاليل الحين صبري لين المراجعه الياية

وشربي نشااااا مرتين او ثلاث لين يوقف الدم وايد وايد زين ولو تخلين زوجج ياخذ لج النشا الايراني من الحواي بعد يكون احسن
طريقته قفشة كبيرة من النشا مع قلاص ماي واذا ما حبيتيه جربيه مع الحليب المهم شربي نشاااااا يوقف الدم ان شاااء الله


وهالله هالله بالدعااااااااااء بكل صلاة و بكل وقت طلعي من النت ادعية الحامل بتلاقين وايييييد

وماتشوفين شر يااارب

شكورة يقلبي ماقصرتي ع الرد

 

[شواخي]

انتبهي بعد لا تاكلين مثبتات مثلي واخر شي طلع حمل خارج الرحم!! ثبتوه لي لي يومج


الله يعين و روحي سوي سونار مهبلي بس شوي شوي بعد عالجنين يمكن بالرحم

ويارب يقر عينج فيه ويكون به خير

 

[موج-البحر]

لا ان شاءالله مايكون طاح ولا شي

وباذن الله يتثبت الحمل يالغلا والله يرزقج ماتشوفين شر​

 

[chobits.19]

انتبهي بعد لا تاكلين مثبتات مثلي واخر شي طلع حمل خارج الرحم!! ثبتوه لي لي يومج


الله يعين و روحي سوي سونار مهبلي بس شوي شوي بعد عالجنين يمكن بالرحم

ويارب يقر عينج فيه ويكون به خير

شلون هذا ممكن توضحين اكثر
يعني ممكن يكون في حمل خارج الرحم
شلون يثبت يعني ...
وشصار عليج بهالحملة ؟

 

[مهندسة2007]

حبيبتي اللي معاج أجهاض منذر آنه وحده أجهضت مرتين بس اللهم لك الحمد حملت بعد الإجهاض
شوفي أفضل شي تسوينه انج تروحين اقرب مختبر وتسحبين دم هرموني تالي تنطرين يومين وتسحبين دم مره ثانيه اذا تضاعفت النتيجه يعني الحمل إن شاء الله مكمل وإذا ماتضاعفت يعني اجهاض ودام الدم تقولين بسيط إن شاء الله الحمل يستمر يااارب والله يكتب لج الخير إذا الياهل سليم ومتعافي الله يرزقج إياه وإذا مشوهه ولا موسليم الله يبعدج عنه ويرزقج الياهل السليم المتعافي البار فيج وبأهله ياااارب
شوفي بدار الشفا سعر الهرموني ب15 دك ويطلع بعد ساعه بس في مختبرات ارخص والله يكتب لج الخير إن شاء الله

 

[روعة خيال]

حبيبتي انا صارلي مثلج اول ما حللت دم قالولي موجب ضعيف

و قالتلي عيديه بعد اسبوع

و كان بهالاسبوع تنزل نقط دم و افرازات بنيه

اخذت ابر تثبيت و حبوب دوفاستون و لله الحمد ثبت الحمال و يبت بنوته