تنظيم أمور المنزل: موضو ذو شقيين.. شاركوني حبيباتي كويتيات

[مملكة الكاكاو]

السلام عليكم.. بعد غيبة طويلة راجعتلكم بموضوع جديد.. أتمنى من كل اللي يقرا الموضوع وعنده معلومات يقدر يقدمها ما يبخل علينا فيها.. وبالنهاية الموضوع اللي أبي أتكلم عنه أعتقد انه يهم معظم ربات المنازل.. وحتى الأمهات العاملات أو الموظفات.. لذلك أتمنى أتمنى انكم تشاركون معانا حتى تعم الفائدة للجميع من خبرات بعضنا البعض.. و لكن عندي ملاحظة.. ان بعد المناقشة في الشق الأول.. راح نتكلم في شق ثاني من الموضوع فيما بعد.. لذلك أرجو متابعة الموضوع والردود بين فترة وأخرى.. موبس تقرون راس الموضوع :eh_s(6):

موضوعي اليوم عن تنظيم أمور المنزل..

أولا: خلونا نتناقش في تنظيم ميزانية المنزل.. بمعنى.. هل تضعين لك ميزانية ثابته و تقسمينها على حاجيات المنزل من سوبر ماركت، حاجيات الأطفال، أثاث، أطعمة وغيرها.. أو ان كل ما احتجتي شي تشترينه.. شنو أحسن؟

1- لو كنت تضعين ميزانية ثابته.. كم تحتاجين تقريبا ميزانية شاملة وكيف تقسمينها؟

2- هذا أهم سؤال عندي (وأحط تحته ثلاث خطوط) : كيف يمكنك تقسيم الميزانية على حاجيات لمنزل المختلفة.. وما هي طريقتك في حفظ هذه المعلومات.. هل في أحد يستخدم برنامج بالكمبيوتر يساعدها بالترتيب والحساب والتنظيم.. يا ليت تفيدونا

ثانيا: الشق الثاني من الموضوع (سوف يتم التحدث عنه لاحقا) : هو كيف يمكنك ترتيب برنامجك اليومي لقضاء حوائ المنزل من مراجعات طبيب، تدريس الأبناء، طباخ ، تعليم خدم وغيره
بنات عفية الشق الثاني راح نجاوب عليه بعدين.. في البداية خلونا نتكلم عن الميزانية.. بعدين راح نتكلم عن الشق الثاني

 

[ديمي 12]

موضوعج حلو وياليت نستفيد من بعض انا قبل مايجي المعاش احطلي ورقه واكتب كل شي انا محتاجته واحدد ميزانيه لكل شغله واخلي شويت فلوس معاي كمصرف وعلى فكره انا مااسحب كل معاشي لا اخذ بس الي احتاجه علشان مااضيعهم في شي مايسوى

 

[shahad-2010]

بنــــــــــــــات بقولكم مأساتــــــــــى الحمداللــــــــــة رب العالميـــــــــن بناااات الفلـــــوس ما تقعد عنــــــــــــدى بسرعة اطير واحس انى حدى مو منظمة بدقيقة جمعية سوق مطاعم فرع وااااااى خلاص ابى اجمع مانى قادرة ومشاللة عندى عيالى بدقيقة يمة جوعانين بس اصرف وين الواحد يوفر والفلوس وللة الحمد ما فيها بركة

 

[مملكة الكاكاو]

مشكورين على المشاركة حبيباتي ديمي وشهد

والبنات الباجي يا ليت تشاركونا.. يعني من 129 زائر للموضوع بس 2 اللي شاركوا.. وينكم بنات؟؟ يلا نبي نستفيد من بعض حبايبي

 

[كول سلو]

رد : تنظيم أمور المنزل: موضو ذو شقيين.. شاركوني حبيباتي كويتيات

انا توني سارلي سنه متزوجه بس كلش مااعرف للميزانيه يعني مستحيل اقول هالشغله لشي هذا لا





ومشكوووره عالموضوع الحلو

 

[][°•سـζـآيب•°][]

رد : تنظيم أمور المنزل: موضو ذو شقيين.. شاركوني حبيباتي كويتيات

اخ ليتني اعرف كم الصرف والباقي

خخخخخخخخخ

 

[هيفو777]

رد : تنظيم أمور المنزل: موضو ذو شقيين.. شاركوني حبيباتي كويتيات

رفع

 

[هيفو777]

رد : تنظيم أمور المنزل: موضو ذو شقيين.. شاركوني حبيباتي كويتيات

انا مو متزوجه بس الحمدالله اقدر انظم ميزانيتي اول ماينزل المعاش اخذ منه مبلغ معين وقسمه بأظرف شي للجمعيه وظرف لصالون وخلي فلوس بالسياره للبانزين واخذ اربع اظرف حق كل اسبوع وحط فيه 25 دينار
يكفيج طول الاسبوع واذا زاد اخليه لطوارئ
و200 دينار لسوق والحمد الله من طبقت هالطريقه وانا مرتاحه والكل يحسدني عليها
لان في ناس مايقدروت يطبقونها اولهم اختي اكبر مبذره

 

[هيفو777]

رد : تنظيم أمور المنزل: موضو ذو شقيين.. شاركوني حبيباتي كويتيات

وين تجاربكم يابنات لا يوقف خوش موضوع

 

[بالتسامح نرتقي]

رد : تنظيم أمور المنزل: موضو ذو شقيين.. شاركوني حبيباتي كويتيات

موضوووووووووووووووووووووووووعج يا بوقته يله بنات نبي افكاركم عشان نستفيد

 

[الشامريه]

أنا فاشله بالميزانيه اول الشهر ماعندي ولا فلس وللعلم معاشي زين بس كل شهر تطلع لي التزمات

 

[كلنا عشاق لكن]

رد : تنظيم أمور المنزل: موضو ذو شقيين.. شاركوني حبيباتي كويتيات

الميزانية يامحفوظة السلامة
حطي 3 أظرف
واحد للمصروفات الثابتة والطلعات اليومية
وواحد للحفلات والطارئة وإذا ماصادف شي لاتاخذين منه مهما كان
وواحد تحت البلاط
الثابتة ماجلة بالإسبوع أحسن وبنزين والمنظفات وتوابعها مرة بالشهر
الطلعات من ضمنها التسوق خلية قبل تستلمين بإسبوع عشان إتكون مشترياتج محدودة باللي محتاجتة وبس
وكل شهر حطي لج جدول طلعات غير عن اللي قبلة وإلتزمي فيه
وبالمرة حددي لكل واحد مصروفة الشهري بما فيهم إنتي شامل طلعات وسوق ومطاعم عشان يتعودون يضبطون إمورهم ويصرفون بحدود اللي معاهم حتى لو بكرت 20 د هذي إتونسهم وإتخليهم حريصين وين ماراحواا حتى لو إتقولين إشتروا مايشترون هههه
وفيه طريقة حلوة
نقول الراتب *12 شهر = ؟؟؟ كذا
تاخذين منه 3-4 رواتب إتقسمينهم لسنة مصاريف ووو والــ 9 رواتب الباجية بحسابج
بس هذي حسب الوحدة ومناسباتها مرات إتكون المناسبات ورى بعض فماتنفع لها
كنت شارحتها بمنتدى ثاني بس هذا إختصارها
​

 

[مملكة الكاكاو]

رد: رد : تنظيم أمور المنزل: موضو ذو شقيين.. شاركوني حبيباتي كويتيات

الميزانية يامحفوظة السلامة
حطي 3 أظرف
واحد للمصروفات الثابتة والطلعات اليومية
وواحد للحفلات والطارئة وإذا ماصادف شي لاتاخذين منه مهما كان
وواحد تحت البلاط
الثابتة ماجلة بالإسبوع أحسن وبنزين والمنظفات وتوابعها مرة بالشهر
الطلعات من ضمنها التسوق خلية قبل تستلمين بإسبوع عشان إتكون مشترياتج محدودة باللي محتاجتة وبس
وكل شهر حطي لج جدول طلعات غير عن اللي قبلة وإلتزمي فيه
وبالمرة حددي لكل واحد مصروفة الشهري بما فيهم إنتي شامل طلعات وسوق ومطاعم عشان يتعودون يضبطون إمورهم ويصرفون بحدود اللي معاهم حتى لو بكرت 20 د هذي إتونسهم وإتخليهم حريصين وين ماراحواا حتى لو إتقولين إشتروا مايشترون هههه
وفيه طريقة حلوة
نقول الراتب *12 شهر = ؟؟؟ كذا
تاخذين منه 3-4 رواتب إتقسمينهم لسنة مصاريف ووو والــ 9 رواتب الباجية بحسابج
بس هذي حسب الوحدة ومناسباتها مرات إتكون المناسبات ورى بعض فماتنفع لها
كنت شارحتها بمنتدى ثاني بس هذا إختصارها
​

مشكورة حبيبتي على المشاركة..
بالنسبة حق الطلعة.. آنا مخليتها على البركة.. يعني متى ما احتجت طلعة طلعت.. و ساعات يصير مالي خلق..

سعنس انتي تقصدين ان كل طلعة لازم أحط لها ميزانية محددة؟

الشي الثاني بالنسبة لتوزيع الراتب بالنسبة للسنة الكاملة لما تضربينه في 12.. يا ليت تشرحينه لنا عشان نستفيد

مشكورة وسامحينا اذا تعبناج

 

[كلنا عشاق لكن]

رد : رد: رد : تنظيم أمور المنزل: موضو ذو شقيين.. شاركوني حبيباتي كويتيات

مشكورة حبيبتي على المشاركة..
بالنسبة حق الطلعة.. آنا مخليتها على البركة.. يعني متى ما احتجت طلعة طلعت..
جذي أونس :sfg:
و ساعات يصير مالي خلق..
سعنس انتي تقصدين ان كل طلعة لازم أحط لها ميزانية محددة؟
لأ من ضمن الحسبة لأنها من ضمن الثابت تقريبا
مثلا 300 د مصاريفج الثابتة أكل فواتير طلعات فتقسمين الـ 300 على هالترتيب الأهم فالأقل أهمية
الشي الثاني بالنسبة لتوزيع الراتب بالنسبة للسنة الكاملة لما تضربينه في 12.. يا ليت تشرحينه لنا عشان نستفيد
مشكورة وسامحينا اذا تعبناج

لانهائي مافيها تعب ياقلبي
وهذا مثال بسيط بس حطي بدالة راتبج
نقول الراتب 600 * 12 شهر = 7200 د بالسنة
2400 = هذي رواتب 4 شهور قسميها على 12 شهر = 200 وهالناتج إهو اللي تصرفينة شهريا
وتلتزمين فيه لو ماصادف مناسبة أو سفرة :lolo:
والثلثين الباجيات 400 هذا اللي إتخلينة بحسابج شهريا = 4800 بالسنة
الـ 200 هذي تقسيمتهم 100 طلعات و100 ماجلة وبنزين للإسبوع 30
أما السوق فبالكرت حسب مشترياتج بهالحالة لأنة معتمد ع المناسبة والظرف
وفالج طيب
​

 

[مملكة الكاكاو]

رد: رد : رد: رد : تنظيم أمور المنزل: موضو ذو شقيين.. شاركوني حبيباتي كويتيات

لانهائي مافيها تعب ياقلبي
وهذا مثال بسيط بس حطي بدالة راتبج
نقول الراتب 600 * 12 شهر = 7200 د بالسنة
2400 = هذي رواتب 4 شهور قسميها على 12 شهر = 200 وهالناتج إهو اللي تصرفينة شهريا
وتلتزمين فيه لو ماصادف مناسبة أو سفرة :lolo:
والثلثين الباجيات 400 هذا اللي إتخلينة بحسابج شهريا = 4800 بالسنة
الـ 200 هذي تقسيمتهم 100 طلعات و100 ماجلة وبنزين للإسبوع 30
أما السوق فبالكرت حسب مشترياتج بهالحالة لأنة معتمد ع المناسبة والظرف
وفالج طيب
​

ياااااااااااااااااااااااا بعد عمري مشكوووووووووووووورة ويحفظج ربي

طيب عندي سؤال.. ألحين اشمعنى اخترتي المصروف بس 4 شهور وضربتيه في ال12 ليش ما تخلينه 6 شهور مثلا؟ لوووووووووووووول .. عشان يصير المصروف الشهري أكثر من 2400 مثلا