تنظيف الماترس

[aengineera]

السلام عليكم

بنات حبوبات منو تعرف وين اودي الماترس (الدوشق - الفراش) عشان ينظفونه ؟
الماترس مالي مخزن فترة طويله بحدود ال 6 اشهر واكيد الحين متروووس غبار ... تعرفون شركة تنظييف او مصبغه ممكن اتتيي تاخذه ؟ :0bee2e8d89:
صعب اني انظفه بالبيت لان كبييير وثقيل وااايد

ومشكوورين مقدما

:tek:

 

[CHEESE CAKE1]

شركات تنظيف الزل ايونج البيت وينظفونه وينشفونة بس بصراحه ما أعرف الأسعار دقي عليهم من الوسيط أو الصفاة

 

[شيــوخه]

اضن في شركه اتنضفه وهو بلبيت

بس صراحه انا مو مجربه مرت حماي اتذكر مره قالت لي شركه ايون ينضفونه ويحطونه مكانه

ان شاء الله البنات يفيدونج

 

[aengineera]

مشكووورين حبايبي بدوور بالوسيط واجرب
او اذا في وحدة مجربه تفيدني

 

[ملكة زماني]

والله انا ودي بعد
لانه الماترس مالي صايره عليها بقه مكان اللي انام ماخذ لون من الشرشف لو عنابي

مادري شركة التنظيف تقدر اتوخر اللون ؟؟

وياريت اتفيدونا بالرقم بنات

 

[78MariMar78]

وديه مصبغة للتنظيف

 

[aengineera]

وديه مصبغة للتنظيف

حبوبة ثقييل وكبير ماقدر انقله لازم شركة اتيي تنظفه بالبيت

 

[dnyay_mll]

عاد ودي انظفه
ماجربت انظفه الا بسفنجه فيها شوي ماي وصابون وافركه وبعدين شوي ماي خفيف وانشفه بالسشوار وابطل الدريشه
واقلبه كل اسبوعين

اذا لقيتي احد يغسله قوليلي

 

[لن ننساك]

up up up up up

 

[aengineera]

دقيت على اكثر من شركة كل اللي ينظفون الزل ينظفونه انا ماكان وصخ بس مغبر فيابولي جهاز نفس المكنسه بس كبيرة وخمووووه من كل الجوانب وطلعو كل الغبار اللي فيه وحطوه مكانه بعشر دنانير ...
في شركات ثانيه يغسلونه بماي وصابون بس مارتحت من الفكرة

وهاذي تجربتي