تنظيفات للرحم

[موج-البحر]

السلام عليكم

صباح الخير خواتي










بنات انا كنت اعاني من عوار تحت البطن ورحت مستشفى خاص وقالولي مافيج شي بعدها باسبوعين رحت عيادة

قالولي الرحم فيه شي واخرتها رحت للدكتورة عالية وقالت الرحم فيه اوساخ وكيس على المبيض

وقالتلي لازم تنظيفات وانا خايفه ابيكم تساعدوني برايكم وين اروح اسوي عندها ولا لأ وصج اللي تسوي تنظيفات

يتاخر حملها ؟! وسامعه بعد ان ممكن بعد التنظيفات يصير نزيف او التهاب

ومنو احسن دكتورة تسوي تنظيفات تكون ايدها خفيفة لان الدكتورة عالية ايدهاااا واايد ثقيلة عورتني وااايد لما سوت السونار

الداخلي : ( وصج بعد التنظيفات الوحدة ظهرها يعورها

ادري كثرت اسئلة بس خاااايفة واول مرة وما اعرف شي واللي يعافيكم ابي رايكم

 

[ياشايل الظبى]

ماعندى علم بهالموضوع

بس الله يشفيج

 

[Miss-_-Fl0wer]

up
لعيونج
والله اشافيج :yaaaaaarb:

 

[موج-البحر]

ررررررررررررررررررررررفع شدعوه بنات يعني مافي احد سوا تنظيفات كلش : ( ساعدوني محتاجة رايكم

 

[اسماء العتيبي]

رد : تنظيفات للرحم

ماحبيت اطلع من غير مااشارك

احنا نسوي طريقه تنظف الرحم ومعتمدتها كل دوره اسويها

تاخذين فنجال قهوه وتحطين فيه ماء مغلي درجه تتحملينها وتحطين ملعقه صغيره زنجبيل مطحون
وتفركين بطنك من تحت السره
جهة الارحام .. كل ايام الدوره ..
وتلبسين بنطلون قطن وشراب وحاولي ماتتعرضين لهوا .. ولا مكيف ..

وبرضو نتبخر بفلفل الهوا ..

ينزل الاوساخ والدم والجماد اللي بالارحام والهوا كلشششش يطلع من البخور ..

دعواتي لك يالغاليه

 

[موج-البحر]

مشكورة حبيبتي اسماء

الدكتورة قالتلي ان عندي كيس على المبيض اتوقع كيس دم

فانا خايفة اسوي التنظيفات لان سمعت ان في نزيف والتهاب وتاخر حمل ابي احد يطمني لان ماعندي احد اساله

معتمدة على تجاربكم بنات وين سويتوا التنظيفات وعند اي دكتورة وفيها مخاطر


رررررررفع فيدوني وفيدوا غيري الله يجزاكم خير

 

[امواج الكويت]

أنا سويت تنظيفات بعد ما نزلت بالصباح والحمدلله ماكو اي عوار صارلي ٥ شهور مسويتها

 

[موج-البحر]

مشكورة امواج الكويت والله يرزقج بالذريه الصالحه

ررررررفع بنات

 

[الغضى]

الله يشافيج
ماعندي اي معلومة؟؟

 

[الغضى]

أيه نسيت اقولج
ناس وايد يسونها ويحملون عادي
بمستشفى حكومي.

 

[ام لموو]

رد : تنظيفات للرحم

اتوقع تسوي تنظيف افضل ونااااااااااااااااااس كثير حملوا بعده على حسب الدكتوره لازم تكون شاطره تقومين بالسلامه يااااااااااااااااااااارب

 

[موج-البحر]

الله يسلمكم بنات تسلمون

ابي دكتورة زينة لان الدكتورة عالية مادري يمكن شاطرة بس ايدها كانت ثقيلة : (

وابي خاص مابي حكومي ............... رررررررفع

 

[الأميرة جوري]

رد : تنظيفات للرحم

لرفع

 

[اسماء العتيبي]

رد : تنظيفات للرحم

رفع لعيون الغاليه

 

[أمي غلاروحي]

رد : تنظيفات للرحم

روحي السلام والتنظيفات بتخدير ماتحسين بشي ويعطونج ورأ العمليه مسكنات وابر

 

[موج-البحر]

مشكورين بنااات الله يعطيكم العافية ولا يوريكم مكروه

 

[أم وهابي]

تونى مسويتها بمستشفى العدان مع انى اول مره ادخله

وكنت خايفه حدى لدرجه انى وصيت على كل شى من الخوف

سبحان الله العمليه مدتها بس 10 دقايق - بنج عام - يعطونج قبل العمليه حبيتين مفعولهم مفعول السحر حتى الخوف يروح

اول الايام تكرمين دم خفيف بعدين وراها بيومين صار اكثر
عوار خفيف نفس الدوره عادى تقدرين تتحملينه بس اصلا انا وايد احوس واتحرك واخور وايد

ترى قلتج قصتى بس اصلا انا حامل واجهاضى كان بشهر ونص تقريبا


الله يحفظج وما تشوفين شر

 

[موج-البحر]

سلامات ام وهابي وماتشوفين شر عسى الله يرزقج بالذرية الصالحة

 

[موج-البحر]

بغيت اسال بعد التنظيفات اعتبر نفسي بنفاس واكل مثل اكلهم واهتم بنفسي ولا شنو ؟؟؟

 

[أم وهابي]

بغيت اسال بعد التنظيفات اعتبر نفسي بنفاس واكل مثل اكلهم واهتم بنفسي ولا شنو ؟؟؟

الصح بالضبط تاخذين فتره راحه ونقاهه مدتها 10 ايام

وتزهبين الحسو - اللهوم - تمر مع الرشاد ( انصحج فيه من تجربه) - مشروبات حاره ( زنجبيل - دراسين - زعتر اى مشروب حار


الله لا يهينج دلاغات على طول + بنطلون طويل


لانه كل ما اخذيتى هذى الاشياء بينزل دم وتنظف بطنج من الاوساخ والدم

وما تشوفين شر

بس نصيحه لاتصيرين نفسى حاولى تخلين حركتج حيل قليله