تنصحوني فيه لافيم !! ابي رايكم

[بنت العديليه الشقرديه]

السلام عليكم


قوه شلونكم شخباركم

انا عضوه يديده ويمكن اصير عضوه يديده بنادي فام حبيت اخذ رايكم فيه وتجاربكم وكل الي تعرفون عنه وسلامتكم

 

[كويتيات]

رد: تنصحوني فيه !! ابي رايكم

رفـــــــــــــــــــــع

 

[GOLDEN_FISH]

رد: تنصحوني فيه !! ابي رايكم

اول شي حيااج الله معانا
وثاين شي مااعرف نادي فام بصراحة انا اليوم قررت اشترك بنادي ورحت جامبينز الي بالجابرية الصراحة عجييييييييييييب وراااااقي
ومسوين عروووض

الشهر 150 عادي بس
3 شهر 250 3 جلسات مساج مجاناا
6 شهور 350 سنة 450 وعشر جلسات مساج مجانا اتمنى اكون فدتج

 

[noty]

رد: تنصحوني فيه !! ابي رايكم

اذا تقصدين لافام اللي بالخالديه

رفيجتي مشتركه فيه و تمدحه واايد و تقول كافي القرب

 

[ii DareeN ii]

رد: تنصحوني فيه !! ابي رايكم

انا اشتركت في لافيم ماعجبني وبصراحه اشتركت لان قريب من بيتنا بس ماكو اهتمام على ماطلع جدولي طلعت عيني المدربات نفسيه مايعطون من نفسهم


اذا انتي من لعديليه انا ناطره كيرفز يفتح بالعديليه يقولون الشهر الياي نطريه

 

[بنت العديليه الشقرديه]

ثانكس على ردودكم يا حلوين يعطيكم العافيه

امبيه توني ادري ان بيفتح نادي كيرفز عندنا وهذا وانا من سكان المنطقه ومادري عيل اذا انا مو هني صج صج شقرديه لوووووووووووووول

 

[ii DareeN ii]

انا بعد بالعديليه ودريت صدفه كل يوم افتر بالمنطقه واقول ياترا وين بيحطونه يالله انتي دوري وانا بدور :dddds:

 

[بنت العديليه الشقرديه]

يحليلج طلعتي بنت جيرانه انا قطعه 1 وانتي

 

[amon_sud]

انا مشتركه فيه صارلي سنه و الحين انا بالسنه الثانيه انا وايد مرتاحتله و احبه

.. و اذ على النفسيه بس وحده اهناك نفسيه اسمها افريد فلبيتيه

.... بس هل المدربه حدها قويه اقوى وحده فيهم لعبها عجيب و اذ دشيتي

معاها الكلاس ما تقدرين اتوقفين اذ تعبتي ما تعطيج مجال تيليج ما اتخليج .. انا احب جذي الي اتشجع

و النظيف النادي صاحبته وايد مهتمه فيه اصلا اهي كل يوم بعد السبع لازم اتكون موجوده

و على احلال شي فيه اقريييييييب و ملموم ما احب النادي الكبير

و الحين قاعد اكبرووونه لان وايد قاعد يشتركون فيه

 

[الحلم]

بنت خالتي مشتركة فيه وتمدحه ورحت معاها وشفتها يعني تعطينه مستوى جيدجدا

 

[شكليطه]

والله حلو هالنادي

وانا باكثر من موضوع بالقسم قلت رايي فيه


نظيف

صاحبته 24 متابعته

عكس لما كان قديم كااااااان داااااااااااااثر واجهزته شويه

اما الحين بالعككككككس وايد نظيف ومرتب واجهزة وايد

الناس اللي فيه محترمه...........ماتشوفين اشكال مشبوهه


والله المدربات انا اشوفهم حلوين وبشوشين.....وبسرعه يخدمونج اذا بغيتي شي


بس هالفتره ماكو مدربات سباحه.................لكن في كلاسات اكوا ايروبك



مادري انا الحمدلله مرتاحتله وايد


انتي روحي اخذيلج فره وشوفي بنفسج

 

[bent_m6eir]

عاد انا بخاطري
ادخله
الكل يمدحــــه , والقرب حلو

 

[بنت العديليه الشقرديه]

مشكورين يعطيكم العافيه

 

[الحلوه80]

وين مكانه بالظبط نادي كيرفز انا على طول بالعديليه ولا مره شفت نادي كيرفز
يا ترى بأي مكان بالظبط راح يفتح

 

[forever together]

ماعندي فكره والله