تنصحوني اسوي سونار داخلي

[كبرياء اميرة]

بنات انا حامل لي 3اسابيع بس

وقبل موعد الدوره كان يعورني ظهري وبطني

وقبل كم يوم شلت جدر كان ثقيل والحين يعورني اسفل البطن والظهر

رحت للدكتورتي قالت لازم سونار داخلي انا خايفه بنات شرايكم اوافق والا ارفض

وعوار البطن والظهر عادي والالاهذا اول حمل لي



عادي اصبر ااسبوعين واسوي سونار عادي مو داخلي

 

[kimoo]

حبيبتي نصيحة ما تسوي السونار الداخلي

انا سويته بحملي الاول واجهضت الله يعوضني

 

[كبرياء اميرة]

الله يرزقج حبيبتي

 

[ملكه الحطب]

لا تسوين سونار داخلي مو زين وانتي توج

وبعدين طبيعي عوار الظهر وتحت البطن باول اشهر

وانتي ديري بالج على نفسج غلطانه تشيلين شي ثقيل

وانطري لي موعدج الجاي وسوي سونار عادي وان شاء الله مافي شي

 

[PinkY Dreams]

مادري انا سويت سونار داخلي أسبوع 17 مع انه مافيني شي ورب الكعبه وسألت الدكتوره قلتها ليش اسويها
جان تقول علشان تشوف اي امراض او بكتيريا في المهبل وعلشان تشوف الجنين هل هو جنين واحد ولا توأم قلتلها وليش مو سونار خارجي جان تقول لاه حجم البيبي حيل حيل صغير نتفه
عاد انا مادري عن مستشفيات لكويت انا بأمريكا وسويت سونار داخلي
ولاتخافين تره مااااااااايعور
بس تبطلين ريلج ويغطونج حتى انتي ماتشوفين نفسج و يدخلون شي صغير وعريض شوي
و مايدخلونه دااااااخل لأ بس يدخلونه شوي مو داخل داخل لاتحاتين والدكتوره تحركه يمين ويسار بس ما يعور وايد ولا في خطوره للبيبي انا كنت مثلج حددددددددددددددددددي سويت مناحه في البيت قبل لا أسوي السونار وبجي عند ريلي وامي حتى سألت رفيجاتي وخرعوني قالوا يجهض ولاتسوينه بس انا توكلت على الله وكل شي بيد الله سبحانه ومومعقوله كلام البنات صح والدكتوره غلط! انتي بس اخذي شهيق وزفير ماراح تحسين انشالله

 

[أم حيدور]

نصيحه لا تسوين وصبري شوية ^_^ ..

وان شاء الله سهالات ^_^ ..

 

[داناو]

لاتسوين كافي الخارجي
بعدين انتي الحين صارل شهر يعني يبين الجنين بالخارجي
والالم عادي من التعب والشغل
ريحي جم يوم وماكو الا العافيه
ولاتسوين شي كلللش انطري اسبوعين بعد وارجعي سوي سونار خاجي