تنصحوني أسوي تلقيح صناعي؟؟؟؟

[eng Zahraa]

حبيت أسألكم عن التلقيح الصناعي هل نسبة الحمل كبيرة ؟؟ و شلون الطريقة ؟؟ لأني أفكر أسوي تلقيح هالشهر إذا يتني الدورة و لازم شنو أسوي إذا سويت تلقيح علشان ما أجهض مرة ثانية؟؟
هالشهر أنا حملت لاكن بإرادة الله نزل و ما كمل شهر و الحمدلله على كل حال ، هل راح يأثر الاجهاض على الحمل مرة ثانية مع العلم إني ما سويت تنظيفات ؟؟ هل الدورة راح تييني مثل وقت اللي نزل علي الدم لمن أجهضت ؟؟ أتمنى تجاوبوني

ربي لا تذرني فردا و أنت خير الوارثين
يا رحيم يا رحيم يا رحيم

 

[bnt_kwt]

اممممممممم
شوفي حبيبتي
مافي شي اسمه يتم ولا ما يتم
في شي اسمه اذا الله كتب لج واراد تثبيت حملج
نطري حبيبتي لا تستعيلين وليش ما سويتي تنظيفات !!!
لازم اتسوين التنظيفات عشان اذا في رواسب بالرحم كلها تطلع + اخاف انه اذا ما سويتي التنظيفات يصير فيج انسداد بالانابيب او التصاقات
راجي دكتور مختص اهو يفيدج اكثر منه
ومن تسوين تنظيفات سبحان الله راح تحملين علىطووووول
وايد بنات اعرفهم جذي لا تتشائمين وتيئسين خلج املج برب العالمين كبير

 

[غير كل الناس]

الله يكتب لج يارب

 

[ام تركي2008]

استشيرى دكتور احسن
ربى لاتذرنى فردا وانت خير الوارثيين

 

[غيـ الناس ـر]

لا تستعيلين على التلقيح الصناعي

 

[q8nina]

اختى اللى يسون لتلقيح يكون ماصار لهم حمل بالمره ..

وانتي الحمدلله سبق ولج الحمل طبيعي ..

وانصحج نصيحه لوجه الله اصبري وراجعي بعد الاجهاض وجيكي على الرحم ..

وان شالله راح تحملين طبيعي ..

وخلي املج بالله قوي

وعلى فكرة نسبة نجاح التلقيح 15 % يعني ولا شي

وكل شي بيد الله سبحانه وتعالى ..

 

[m e m e]

شوفي انا لما اجهضت انزلت علي الدوره عاادي بس نزلت علي قطعتين كبااار وبعدين كمل الدم سبووع كأنه دوره و ماسويت تنظيفات قاالي الدكتووور مايحتاج لأن التنظيفات حق اللي مافي نبض بس اول اسبووع او اسبووع ماعتقد يحتاج تنظيفات

انا من رااي اقوول ريلي جسمج شهرين لأن انتي الحين البرجستوور عالي عندج يعني فرصة انج تحملين طبيعي كبيره و عقب الشهرين اخذينفس العلاج اللي خذيتيه لما حملتي و اذا مانفع اهني عاد بلشي تلقيح صنااعي

انا هذا رااي بس انتي شوفي شنو ترتاحيله اكيد دكتورتج بتقولج سوي تلقيح و اخذي ابر خو مايهمهم هاذول بس حق الفلوووس

و انشاء الله نسمع خبر حمالج يا رب

 

[دندنه23]

حبيبتي انتي اجهظتي توج نطري شوي الان انا سمعت ان اللي تجهض ومايصير تحمل على طول مو زين لها انا نصحيتي انج تصبرين شوي وبعدين سوي التلقيح الصناعي والله يرزقج انشالله

 

[eng.q8]

الله يرزقج انشالله

 

[عروسه 99]

الله يرزقج انشالله بالقريب العاجل يا زهره والله انا قاعده افكر مثلج بس انا مفكره بالتلقيح من بعد ما اخلص دراستي علطول راح اسويها والله يسهل امورج يا زهره وتحملين من غير التلقيح بالقريب العاجل

 

[ni3ssani]

الله يكتب لج يارب

مابي احبطج انا سويت تلقيح 4 مرات وما صار حمال وسويت طفل انابيب وما صار حمال بالعكس لما صار حمال الثلاث مرات (ما كمل الحمال، صار اجهاض) كان طبيعي
سلمي لرب العالمين

 

[F O O S H I A]

بصراحه ... انا ليماا طرحت .... تغير موعدها واتظمت يعني عقب التنظيفات .....عادي بس موعد غير الاول...

أنصحــج.. نطري خمس شهور اذا ماصار حمل ؟؟راجعي الدكتوره ..احسن واضمن لج...ربي يوفقج
والحين من طرحت صارلي سنه ونص ولله الحمد ..وللحين ماصار حمل الحمدالله على كل حال ... الكل يقولي مسالة وقت دامنا مافينا شي ...

ربي يكتب لج الذرية الصالحه وتبشرينا بخبر حملج

 

[كويتيه مذهله 87]

الله يعوضج وعوضني قريب ياارب

بالنسبه لدورتج لمن طرحتي علي جسب الوحده

مثلا انا لمن سويت تنظيفات مايااتلي الا بعد شهرين لان كان فيني ارتفاع هرمون الحليب وخذيت حبوبب تنزلها ونزلت

وبالنسبه للتلقيح الصنااعي نسبه نجااحه قليله ما انصحج فيه بس انتي جربي لان بنات يحملون علي التلقيح

والله الثاابت حبيبتي اذا الله كتبلج تحملين ويثبت راح تحملين ويثبت