تنسيق سفرتي لماليزيا

[يآآآنور عيني @]

السلام عليكم جميعا :eh_s(8):

انا باذن الله مسافره ماليزيا يوم 2/7 والعوده 16/7
وابغاكم ترتبون معايا السفره واللي عندها اقتراحات واراء لا تبخل علينا

اول يوم طبعا للراحه والنوم في بوترا جايا :ch12:
ثم الانطلاق للنكاوي 4 ليالي
ثم جنتنغ 3 اليالي
ثم كوالا 6 ليالي

وابغى رايكم في افضل الفنادق :eh_s(15):والاماكن السياحه علما باني معايا 3 اطفال الله يحفظهم​

 

[يآآآنور عيني @]

معقول ماااحد راح ماليزيا من قبل

لو

اب


اقل شئ

 

[OM-3ABADY]

اذا بنتكلم عن ماليزيا ما راح نخلص وايد مواضيع انكتبت بهالموضوع

فيها وايد فنادق ومجمعات

بحثي بالنت وبتلقين بلاوي

 

[شافوك بحساسي]

اب اب اب

 

[نياره]

اب اب

 

[نـازك الملائكة]

أنتِ نفس وقت سفرتنا بس احنا عودتنا في 18\7

ونصيحة ابدي استراحتك بسلانجور إذا اول زيارة لك لانو معك اطفال وفيه ملاهي الصنوواي وبيستنانسون فيها

احنا راح نبدا إن شاء الله بسلانجور بنجلس ثلاث او اربع ايام يعتبر كثير بس احنا غلطنا بالتاريخ واضطرينا نجلس وحجزنا بفندق الخيول الذهبية اختي راحت له هالفندق وخالاتي يمدحونه مره لكن اشوف الاغلب يمدح الصنواي
بعدها على لنكاوي ثلاث ايام حجزنا فندق برجايا
بعدها على بينانغ اربع ايام حجزنا بالبارك رويال
بعد على كوالمبور خمس ايام وبنروح منها لجنتيغ إن شاء الله ونرجع بنفس اليوم اتوقع حجزنا بفندق فيدرال نسيت بالضبط
وفنادقنااا كلها حلوه وفخمه إذا بتحجزين فيها باستثناء فندق كوالمبور ماعرف احد راح له بس بالنت يمدحونه

بس جدول الاماكن لسه ماسويته لانو باقي على السفره

وإن شاء الله البنات يساعدونا بأحسن الاماكن
وفيه اماكن كثيره قالوها البنات شوفي مواضيعهم وروحي العرب المسافرون راح تستفيدين منه كثييير

 

[ساره الدوسري]

الله ييسر لنا ولكم..
وأنا بعد محتاجه تنسيق جدول مثل الأخت يا نور عيني..
ياليت تفيدونا الله يعافيكم..

 

[عبيرالحب]

انا مع الاخت نازك صنواي لاجون اول محطة لكم منها تريحون من السفر والفندق فية سوق وفية العاب اطفال ومطاعم وسوبر ماركت
وفية مدينة الالعاب المائية منتجع رائع بمعنى الكلمة
بترجايا ما فيها شي الا رحلة بحرية على قارب لا انشطة ولا ترفية تقدرين تشوفينها من ضمن ايام كوالا ساعة تكفيها
بالنسبة للجزر بينانج افضل لنكاوي مملة للعرسان مو للي معة اطفال

 

[سيكولوجية]

انتي تقريبا نفس ترتيب رحلتي
انا صارلي شهر من رديت من ماليزيا

رحت اول شي
لنكاوي فندق الشيراتون لو اقولج عجيب شوي عليه راقي راقي راقي
نظام كوخ عالبحر جو مو طبيعي تحسين بروحه الفندق شهر عسل
وعلى فكره حبيت اقولج لنكاوي احلى منطقه اعجبتني بماليزيا

اهم يسمونها الماليزين منطقه الريلاكس والمعاريس
وروحي الرحلات اللي اهناك استانسي
وايد رحلات حلوه

وبعدها رحنا بيننق فندق هوليدي ان
عاديه مو مثل لنكاوي

بعدها صن واي بكوالامبور وقريبه من جنتق
لاتطوفج روحيلها لو ليلة
لان نظامها مدينة ملاهي ومدينه مائيه ومجمعات ومطاعم وناسه
سكنا فندق صن واي ريزورت
راقي راقي جنه قصر

وبعدها بكوالامبور فندق ماريوت


بالنسبه لي ترتيبج حلو ​

 

[مهاااي]

الصن واي لاجون عجيب مدينه مائيه والعاب وحدايق ومجمع كامل يعني منتجع كاااامل وحلو للاطفال لا تنسون المايوهات

انا سكنت فندق بيكولو بنص شارع العرب يعني علي يمنينج ويسارج المجمعات وهذا يوفر عليج التكاسي

الغرف كبيره بالفندق بس فيه عيب انصدمنا لما دخلنا كل سبت المطعم اللي بالريسبشن ينقلب ديسكو ازعاااج اذا حجزج مايصادف سبت اخذيه

الحلو فيه اسعاااره حيل مناسبه

وجنتنج خذيت الفندق فرست ورلد مو نظيف والغرف كيييئيبه وضيقه وفيه ٦٠٠٠ غرفه زحمه وقت الدخول بس المميز فيه موقعه استراتيجي

 

[بيلسسان]

سالي وايد .. وشوفي صصصصور
واماكن يصلح الواحد يروحلها
خصوصا انتي معاج يهال
يعني بتعابلين فيهم وكل مكان تروحين له لازم يناسبهم
الله يسسسسهلها لج ان شاء الله

 

[فنجال الكيف]

جم كلفتج ياعمري تذاكرة والفنادق

 

[GOLDEN_FISH]

انا نصيحتي لج بدال لنكاوي تروحين سانغافورا جازيره سانتوسا تدين ليش لان وايد احلا ماكو مقارنه وفيها يونفيرسال ستيديوز توه فاتح سنه ٢٠١٠ ولنكاوي مافيها شي صدقيني حتي بحرها مو ذاك الزود وفنادقها نااااااار

 

[روانتي 12]

سلام عليكم . .

والله ماعندي افكار حاليآ بس راح تلاقين كثير بهالقسم كاتبين مواضيع شكثرها عن ماليزيا . .

بس حبيت استفسر جم كلفتج تذاكر ؟!

 

[خوووخه w]

حبيبتي روحي لفندق ماريوت بكوالالمبور حيييل حلو ونظيف وهم فندق فدلر هذا حلو بعد ورخيص
ولنكاوي فندق لنكاوي اسمه يجنن وقريب من المطار 10 دقايق وانتي فيه
وبينيج فندق هولدي ان بس لو تحجزين الغرف اللي على البحر افضل احلى
وفندق صن واي بسلانجو رووعه يهبل