تنبيه للمعلمات...

[سنيكرز]

السلام عليكم جميعاا بنات المنتدي انا ودي اتكلم عن المدرسات اللي مالهم خلق للتدريس وشايفيين مهنه التدريس راتب قووي وبس وعيال خلق الله بالطقاق عندهم وخصوصا المواد الاساسيه العربي والانجليزي والرياضيات . انا امس بنتي تقول ابله العربي لوت اذنهاا حييل والسبب شنوو راحت تقط اكلينكس اكرمكم الله بالزباله واهيا مدرسه عربي شصاير شسالفه مااكو اسلوب حواري وانتي مدرسه عربي جذي اسلووبج ماتعرفيين تمسكين الياهل تفهميينه وتعلميينه وين التربيه اللي عندج قبل لا تكونيين مدرسه المفروض تعلميين اليهال علي التربيه والخلق جان ماسموا الوزاره التربيه والتعليم بس للاسف اذا هاالاشكال يدرسوون عيالنا لا تربوا ولا تعلموا . وللاسف المدرسه كويتيه ماادري شخلت حق المدرسين الوافدين.

 

[ترف بابا]

لأ ليش مو من حقها - الطق ممنوع

روحي اشتكي عند الناظرة نفسها - وقولي كان بامكاني اني اخذ تقرير طبي واشتكي عليها بالمخفر

بس حبيت يكون الموضوع تحت ايدج - وشوفي تجاوبها - بس لاتهاوشين بس خليج حازمة .

 

[ابله لوله]

السلام عليكم جميعاا بنات المنتدي انا ودي اتكلم عن المدرسات اللي مالهم خلق للتدريس وشايفيين مهنه التدريس راتب قووي وبس وعيال خلق الله بالطقاق عندهم وخصوصا المواد الاساسيه العربي والانجليزي والرياضيات . انا امس بنتي تقول ابله العربي لوت اذنهاا حييل والسبب شنوو راحت تقط اكلينكس اكرمكم الله بالزباله واهيا مدرسه عربي شصاير شسالفه مااكو اسلوب حواري وانتي مدرسه عربي جذي اسلووبج ماتعرفيين تمسكين الياهل تفهميينه وتعلميينه وين التربيه اللي عندج قبل لا تكونيين مدرسه المفروض تعلميين اليهال علي التربيه والخلق جان ماسموا الوزاره التربيه والتعليم بس للاسف اذا هاالاشكال يدرسوون عيالنا لا تربوا ولا تعلموا . وللاسف المدرسه كويتيه ماادري شخلت حق المدرسين الوافدين.

وعليكم السلام .. والرحمه ..
اولا الله يخليلج بنتج يارب وتشوفينها بالجامعه ..
ثانيا ..
انا اكلمج وانا ابلة وبصراحه اعاني ..
والكلام مو مهاجمه لج ولا شي اعتبريه راي .. وانتي تمثلين طرف اولياء الامور وانا طرف المعلمات ..

اولا .. اهيا اسمها وزاره التربيه والتعليم صحيح ..:rerrerek: لكن ما تاخذ دور الاباء بعد !!
يعني بنتج يمكن ما ستأذت لمن قامت بتروح تقط الكلينكس ..
المفروض اذا تبي اي شي ترفع ايدها او تروح عند الابله وتسأذنها
انتي تشوفين هالشي عادي وبالفعل كان عادي لي انا بعد .. شفيها ذا اليهال قام !!
بس بعد ماجربت ادرس .. شفت العكس ...

تسأليني شلون ..؟
اقولج ..
اذا بنتج قامت من مكانها بدون استاذان معناته كسرت قوانين الابله بالصف يعني بنتج قامت بعد شوي الثانيه تروح الحمام .. الثالثه تشرب ماي ..
وكلهم بدون استاذان ..

ماعليه يا اختي العزيزه ..
مافيها شي اذا انقرصوا اليهال ماراح يتعقدون .. بالعكس يتعلمون الانضباط ..
وبعدين لو تعرفين اللي نعانيه بالمدرسة ومن الطلبة خصوصا راح تعذرينا ..
بس هذا مو معناته ان الابلة تتمادى وتمد ايدها مره ثانيه ..
بس عشان لا تظلمين الابله ولا بنتج الكتكوته تنظلم .. علميها اذا بغت شي تستاذن خصوصا بالحصه لان في قوانين تمشي على الكل ..

واا اسفة عالاطاله .. :eh_s(17):
واتمنى كلامي ما يكون ضايقج :eh_s(22):

 

[ام عفاف الكويت]

امبيه الاسلوب البدائي والطق والعقاب الجسدي ممنوع منعا باتا
ولا نجرأ نطبقه على طالباتنا
بدال مانحببهم نكرهم بالماده ليش
يعني اول مره تنبيه وبعده تنبيه ثاني مافاد استدعاء
لكن بالنسبه حق الطق لا تسكتين اسمحي لي انا مدرسه ولا اسمح لبنتي تنطق
بنتج لو ابتدائي يمكن تستحي تقول ابله بقط الكلنكس
خبرج الحين الطاولات حاطين الادراج مشخله
اما لو متوسطه جان قالت للابله ممكن اروح اقطه
واحنا الحين متبعين طريقه نحط جيس جمعيه على كل طاوله الطالبات هما ايبونها ويقطون الوصخ داخله طول اليوم بدال ماتحرج نفسها انتي كلمي الابله بهدووووء وشوفي لاتعصبين او تصارخين تري ماتدرين الاحداث عدل سمعي كل الاطراف

 

[sadan111]

ترى جيل هالوقت يبالغون بردة فعلهم وممكن يتبلون على الابلات عادي عندهم

 

[المـــــها]

لا صراحه كلش الأبلة مالها حق!!
الطق و الضرب ممنوووووووووع !!
يعني لو غلطانه ما استأذنت أنبهها
بس الله أعلم شالموقف اللي صاير

 

[دخون ازرق]

صراحة ومن واقع مدارسنا وايد يجون طلبة من بيوتهم شياطين ودلع وفيهم عناد انا ما اقول بنتج منهم بس المدرسات يعانون وخاصة اذا جت بنت مثل بنتك مؤدبة وتخالط لها بنت دلع وشطانة تاخذ من طبايعها وتأذي الابله بحركات تستهبل فيها وهذا اللي يطفر الابله لاتحكمين وتشتكين الا لما تسألين الابله اول

 

[Angel_store]

اب اب اب

 

[أميرة الحور]

أنا مع أبله لوله
يا عزيزتي أنا ما أقول إن الأبلة تصرفها صح لكن تراها بشر مثلج
إنتي ما تعصبين علي عيالج مرات وتطقينهم مع إنج داخلج راحمتهم ويمكن تتحسفين انج مديتي إيدج عليهم

موبس بنتج اللي موجودة بالصف وممكن الحركات من 22 طالبة وحدة يمين وحدة يسار وهذي للحين ما طلعت كتابها وهذي للحين ما قعدت وهذي تتهاوش مع رفيجتها وفجأة تقوم الأميرة للزبالة تبي تقط الوصخ
والمدرسة تحذر واللي تتحرك من مكانها يا ويلها والأبلة تبي تبدي حصتها بسرعة والبنات فوضى وللحين ما تنظموا

هذا هو الموقف مو هو الموقف اللي بتصورج ان بنتج رايحة بهدوء والابلة طقتها بس جذي عايلة عليها

وهم فيه مدرسات ماعندهم ضمير ولا تحسين انهم يهتمون بطالباتهم
انتي عاد روحي وشوفي أبلتهم وقعدي معها واحكمي عليها او خلي بنتج تنقل لج طريقتها بالتعامل مع البنات واحكمي اذا هي تحب طالباتها
بس تعصب غصب عليها ولا كله زف وخناق ومايطلع منها شي حلو لهم .

 

[معلمة_منكوبة]

ترى جيل هالوقت يبالغون بردة فعلهم وممكن يتبلون على الابلات عادي عندهم

عدل!!
للأسف حتى الأسلوب حدا جاف ! مو معقوله بنتج عمرها مابالغت

احنا ماندافع بس بحكم اللي نشوفه هذيلا أطفال وبعدين ولي الامر

مو بالصف مع الأبله يعني يمكن الابله قالتلها ستين مره وكل يوم

نفس الحجي وماكو فايده (طبعا اكيد البنت ماراح تذكر هالنقطه)!

انتي حطي نفسج مكان الابله والابله بمثابة امها يعني ماراح تسوين

جذي بمكانها؟ احنا مانقول انه هالاسلوب تربوي لا غلط بس عرفي المشكله

قعدي مع الابله قبل لا تغلطين عليها..


وتقفون حدنا انفقرنا بسبة (عيون.....) من قبل لاينزل الاثر الرجعي

مو كل شي اتدخلون فيه المعاش .. حتى انتوا

عندكم معاشات والفرق صار بسيط بين (تعبنا)

وبين وظيفتكم اشدعوا موظفين الدوله كلهم

يحللون معاشاتهم علشان كل كلمه والثانيه

رديتوا على سالفة المعاش! واتحدى اي ولية

أمر اتيي تدرس مادة اساسيه مثل ماقلتي


اذا تحملتي نص يوم بالعافيه عليج المعاش كله.

 

[غير كل الناس]

بعض الابلات هذا اسلوبهم لكن الغالبيه محترمات ويعاملون عيالنا نفس عيالهم خاصه الكويتيات

 

[معلمة_منكوبة]

والأبله انسانه حالها حال اي وحده مو شرط تكون كامله مثل ماانتي اسلوبج كاتبه

"تنبيه للمعلمات" .. المره اليايه كتبي "مادري مالقيت العن من كلمة تنبيه بس اكيد عندج اكثر!!"

 

[سنيكرز]

مشكورين علي الرد وانا احترم راي كل وحده فيكم ... بس اللي تقول في اطفال مدلعيين ويبالغوون بردت الفعل هذا مايعطي تبيرير للمعلمه انهاا تستعمل العنف ؟؟ في اسالييب وايد المعلم يتبعهاا اذا شاف الطفل غير مطيع واللي تقول هذيلا مدرسات اوادم ومايتحملوون اليهال .. حتي عيالناا غاليين عليناا احنا نحطهم عندكم امانه المفروض المعلم يخاف ربه فيهم وهذيلا يهال راحوا ولا ردوا حرام اسلوب العنف وياهم الكبير اذا اتبعنا ويااه اسلوب محترم ومؤدب يستحي فشلوون الياهل اللي تقدر تكسبه بالكلام الحلو وتخلييه يحب المعلمه بأسلوبهاا واذا الطفل غير مؤدب ومايسمع الكلام في اساليب راقيه للتربيه مو الطق؟؟ وانا ماشملت كل المدرساات بالعكس قلت في فئه يعتبروون مهنه التدريس راتب قووي لا غير وهذا الكلام من واقع المجتمع .

 

[سنيكرز]

الاخت معلمه منكوبه... للاسف علي الرد اللي قلتيييه انتي قاعده تبرريين للمعلمه انهاا تتبع هاالاسلوب العنيف للاطفال حطي مكانج في وضعي بنتج عادي تنطق من المعلمه ؟؟؟ ولسبب تافهه وللعلم انا رحت وتفاهمت بأسلوب راقي مع الوكيله ورئيسه قسم العربي وكلهم انصدمواا من تعامل المدرسه وانا ماكتبت هاالموضوع الا وانا عارفه بنتي وواخلاقهاا وبخصوص الراتب وانفقرتوا وعينكم علييه الحمدالله كلنا شهادات ورواتبناا زينه . بس الواحد يحلل راتبه عشان تصير فييه البركه مو يطلع عقده علي الياهل وانا اشوف مدرساات وايد قمه في التعامل والاخلاق ويحببون الطفل بالماده ويرغبونه فيهاا ومهما سووا هذيلا يهال نقدر نطبعهم علي الطبع اللي نبيييه .

 

[Miss independent]

شفحتونا كلمة والثانيه قلتو معاش
كل العالم اقرو كوادرهم بسهاله الا احنا مع ان محد يستاهل كثر المعلمات
ومن قالج راتب قوي مع الكوادر حتى الدبلوم صار اعلا منا
روحي المدرسة وسمعي من الابله اكيد بنتج مسويه شي غلط اذا
صج الابله طاقتها

 

[خلوها منطق]

رسالة لكل ولي امر طالب:

قم للمعلم وفه التبجيلا.... كاد المعلم ان يكون رسولا

المعلمات قاعدين يعانون من الطالبات

ومن امن العقوبة اساء الادب
اذا الطالب ماحس بعقوبة راح يتشيطن

المعلمة ليست معصومة من الخطأ بس اكيد بعض الطالبات اتطلع المعلمة من طورها

وسعوا صدوركم مو اي شي نحاسب عليه
وللعلم مهنة التعليم تصنف من المهن الشاقة ( الله يعينكم يالمعلمات )​

 

[سنيكرز]

الله يعيين عيالنااا علي المعلماات اللي مايوسعوون بالهم علي الطلبه ... وكل شي عندهم بالقووه ...

 

[نور83]

حلوه تنبيه للمعلماتً حسيت جنه. الناظره موزعه نشره ما اقول الله يعينا علا الشقا والغثا والعيون اللي طيرت الاثر الرجعي و طيرت الكادر والحين اللي عندها دبلوم فني و قاعده مثل راتبنا وأزيد بعد بس اه اه اه من التربية اللي هدت حيلنا

 

[ابله لوله]

للأسف محد خلا اليهال يستقوون علينا ويتمردون الا اولياء امورهم ..


شي محزن ان الاهل الحين صاروا يشوفون عيالهم فوق الكل حتن لو غلط ..
وين قبل كانوا اولياء الامور يقولون حق المدرسين يبه لكم اللحم وعطونا العظم ..
ماشوف احنا صار فينا شي من الطق ..
لا تعقدنا ولا ضاع مستقبلنا ..

تعلمنا الانضباط والله ..
وماكنا نقول حق اهلنا من الخرعه .. حتن لو انطقينا لان احنا غلطانين ..
الابله ماهي مريضه نفسيا تمشي وتكفخ بعيال الناس ..

اخت سنيكرز ..
اتمنى تغييرين فكرتج , لان بنتج لو شافتج جذي على كل شي بتروحين تزفين الابله بتتمادى ..

 

[moony77]

انا بضيف بس شغله كل ام ادرى بعيالها ويمكن بنيتج الله يخليها شوي حركيه ولا فيها شطانه ولا تعاند والكلام ها للكل مو بس امهات الابتدائي حتي المتوسط والثانوي وانتي ادرى ببنتج ويتروالي كل ام ساعات عيالها يطلعونها من طورها ...
بس بسالج انتي رحتي كلمتي ابلتها يمكن بنتج غلطانه ما يصير دايم تسمعين كلامها ترا الياهل بطبعه يجب ساعات يدري ان امه بتخاف عليه مو معناته انها طقتها ولا هاوشتها انها تكرهها لا صدقيني ترا هذا كله لمصلحة بنتج والمعلمه بطبعها تحب دايم صفها يتميز ومحد يسقط عندها ليش لان ساعات في مديرات ياخذون يهالشي في الاعتبارلما يحطون التقدير المعلمه ...
فهمي الموضوع من الابله قبل ما تحكمين عليها ...