تم دمج جميع المواضيع الخاصه بالاستفسارات عن الصالون النسائي

[miss5]

:aha: مساء الخير :aha:

ياريت كل وحده تقولنا شنو النقاط المهمه بالنسبه لها بالصالون الي تروحه والي تتعناله

من جميع النواعي

من ناحية الخدمة , الاسعار , المكان ( المنطقة ) , العاملات بالصالون , ألوان الصالون المناسبة يعني اي شي ايي ابالكم

وهم ياريت كل وحدة تحاول تقولي تقريبا جم مره تروحين الصالون بالاسبوع :aha:

:gr4uu::gr4uu:​

 

[A. style]

رد: صالون نسائي

الله يوفقج وتفتحين الصالون وماتلحقين على الزباين ..
بالنسبة للموقع يعتمد على سكن الزبونة اذا كانت تبي تنظيفات تفضل منطقتها او قريبة منها.. اما للحفلات انا شخصيا اتعنى لاي منطقة اذا كان الشغل يستاهل وطبعا يفضل ان المواقف تكون متوفرة ويكون الوصول للصالون سهل يعني مودواعيس واسعارج خليها معقولة يعني شعر ومكياج مايتعدى 50
بالنسبة للديكورات كل ماكانت الالوان فاتحة يكون شرح خاصة بالزحمة ..
وبالنسبة للعاملات عطي الخبز للخباز يعني لاتقولين فلبينية تسوي جمام مغربي والا مصرية تسوي تنظيف بشرة وجذي يعني كل جنسية متخصصة بشي .
وانا شخصيا اروح مرة وحدة بالشهر للتنظيفات المعتادة حمام مغربي وشيرة وحف وبدكير وكل 3 اشهر اسوي تنظيف بشرة ..
وشوفي الخاص حبوبة ..

 

[مناير خزنة التاير]

رد: صالون نسائي

اول شي ، انشالله الله يوفقج و يبارك لج في رزقج

بالنسبة للصالون انا شخصيا اول شي اهتم له النظـــــــــــــــــــــافة و الاسعار اتكون معقوله يعني بالحد ان لو تروحين بالاسبوع مرتين او ثلاث

وبعد وبعد ... اي اخلاق العاملات اهم شي تحرصين على طريقتهم و كلامهم مع الزبونات يعني في نوعيه منهم مع احترامي لج يحبون سولفون بقلة الادب و دخلون عهم بلي ما يخصهم و يحبون القيل و القال هذا راح ينفر الزبونات منج و راح يكون صالونج محدد على فئة معينة
وانا مثل اختي ام فهد على الجنسيات يعني الفلبينيات حق البديكير و منكير حق المساج
الهنود حق الحف
و هالاشياء

والله يوفقج

 

[miss5]

رد: صالون نسائي

مشكورين ام فهد ومناير

تسلمون على آرائكم وردكم

 

[kuwaitya_zoGaa]

رد: صالون نسائي

الله يوفقج يارب
وكنت بفتح صالون بس سبحان الل شريكتى كسرت فينى اخر لحظه بس الحمدالله خيره
اهم شى النظافه ثم النظافه ثم النظافه ...
وبعدين لازم يكون الصالون شكله نظيف ومرتب وراقى يعنى شغل طوفه وصخه وغيره لا مو حلو ...
اهم شى ادلعين الزبونه عشان تستانس ترجع لج والعاملات سوالف زقاير وكلام وصخ وكلام تتكلم عن زبونه ديري بالج من هالكلام لانه يطفش وايد زباين وانا منهم ...
خلي شغلج كله بالمواعيد وخلي اسعارج معتدله وابتدي صغيره لاتطمعين ولاتقطين على ديكورات الصالون لا حطي الشى الناعم الراقى المودرن لانج محتاجه لكل فلس فى بدايتج ...
تعاملى بطريقة الفاتوره مع الزباين وباشري شغلج بنفسج ولا تعتمدين على غيرج...

 

[blue diamond]

رد: صالون نسائي

أهم شي عندي بالصالون الخدمه والنظافه

بالنسبه للمكان عادي بس ما يكون بعيد وايد يعني انا ساكنه الديره ما اقدر أطق طريج للأحمدي او الجهرا صعبه علي

بالنسبه للعاملات لازم يحترمون الزبونه وما يطنشونها ولا يستحقرونها وما يكلمون الزبونه من طرف خشمهم جنه احنا بايقين منهم وما يرفعون صوتهم عليها ولا يستهزوؤن فيها او في شي بشكلها او شعرها لان تصير وايد ترا

بالنسبه للألوان يفضل انها تكون ألوان هاديه وفرحيه مثل أبيض مع بنفسجي والاثاث بسييييييييييييييييييييط وبنفس الوقت راقي هادي مثل الالوان اللي نقيتوها او عكسها

بالنسبه للأسعار لازم تكون اسعارج معتدله تتناسب لجميع الناس

تقريبا مره كل شهر اروح الصالون واذا فيه مناسبات اروح اسوي شعري ومكياجي

وموفقه حبوبه

 

[حنين]

رد: صالون نسائي

انا صراحه يطون جبدي الي تكون خبيره وهيه على طل مره كان عندي عرس وقلتله ابي هل تسريحه شتقولي على امرك حبيبتي ولما يا دوري عفسة التسريحه فوق تحت وقمة من كرسي وعصبة عليه بعد توبه ما اروحله مره ثانيه

اختي خذي حذرج من اي خبيره لازم تختبرينه مو اي وحده تقولج انا خبيره وتحطينه

ولي يبط جبدي بعد الي يسون دعاياة حق المنتجات الي عندهم مدامي انا ما قلتلكم ليش تعرضون لي

 

[miss5]

رد: صالون نسائي

يعطييكم العافية تسلمون

ااختيار العاملات ومن وين اتييبينهم احسها اصعب مرحلة

انشالله التوفيق لي ولكم

الموضوع مجرد فكرة بس انشالله مع افكاركم وارائكم ما يندرى شيصير

شكراا

 

[حنين]

رد: صالون نسائي

فلبن وهنود هذيل بنسبه لي احسن شي

 

[جاكليت]

رد: صالون نسائي

الله يوفقج

 

[miss5]

رد: صالون نسائي

شكرا


:aha::aha:​

 

[زبــــــــدة]

اللي عندها صالون او تعرف عن هالمشروع شي تدش؟؟؟

هااااااااي

بنات عندي سؤاااال

اذا بفتحلي صالون....شكثر اييب عاملات؟؟؟
ووين اسكنهم يعني؟؟؟
عندنا بالبيت ولا وين؟؟؟
هالشي محيرني انا وامي هههههههههه

بليز جاوبوني

 

[عابده لله]

رد: اللي عندها صالون او تعرف عن هالمشروع شي تدش؟؟؟

هااااااااي

بنات عندي سؤاااال

اذا بفتحلي صالون....شكثر اييب عاملات؟؟؟
ووين اسكنهم يعني؟؟؟
عندنا بالبيت ولا وين؟؟؟
هالشي محيرني انا وامي هههههههههه

بليز جاوبوني

حبيبة قلبى قبل فتح الصالون لابد لك مع وقفه مع النفس لكى تعرفى ما لكى وما عليكى وياريت تتقبلى كلامى بصدر رحب
شوفى حبيبتى عشان مشروعك يكسب زى ما إنتى عاوزه لابد لك ان تدرسى الموضوع من كافة الجوانب بس سيبك من العائد المادى دا آخر شئ تفكرى فيه لازم تفكرى فى الآتى
1- هل ستنفذى المشروع بما يرضى الخالق !!!!!!؟
2- هل ستمنعى عمل الحواجب بالصالون لإن زى ما كلنا عارفين إن هذا العمل حرام !!!!!!؟
3- هل ستضعى المكياج للبنات ويخرجون به إلى الشوارع وتتحملين إنتى أوزار كل من ينظر إليهم !!!!!؟
4- هل ستوصلين الشعر للبنات !!!!!؟
5- هل سترتدى عندك العروسه الفستان الضيق الذى يصف أكثر مما يخفى !!!!؟

حبيبتى لا تزعلى من كلامى فكلامى للتذكره فقط ياريت تجاوبى على الأسئله دى بينك وبين نفسك والقرار لك فى النهايه .
حبيبتى عداد الحسنات بيعد وعداد السيئات بيعد أيضا فلا تتحملى ذنوب أكثر مما تحملتيه .
والله مادفعنى لقول مثل هذا الكلام إلا من خوفى عليكى حبيبتى لأن الدنيا منفاته ولا يبقى لنا إلا العمل
اللهم إنى قد بلغت اللهم فاشهد

 

[محضوضة]

رد: اللي عندها صالون او تعرف عن هالمشروع شي تدش؟؟؟

هااااااااي

بنات عندي سؤاااال

اذا بفتحلي صالون....شكثر اييب عاملات؟؟؟
ووين اسكنهم يعني؟؟؟
عندنا بالبيت ولا وين؟؟؟
هالشي محيرني انا وامي هههههههههه

بليز جاوبوني

كبداية انتي معروفة من قبل الزباين او لا

او ادا لا افضل عاملتين علشان تشوفي مدى الاقبال على المحل
والسكن يكون عليهم هم يدبرون لهم سكن مع الموظفات ادا يبغوا الراتب كامل اما ادا اقل انتي عليكي السكن

 

[زبــــــــدة]

رد: اللي عندها صالون او تعرف عن هالمشروع شي تدش؟؟؟

ثانكس بنات

 

[شهد ستايل*]

رد: اللي عندها صالون او تعرف عن هالمشروع شي تدش؟؟؟

حبيبتى بالتوفيق ان شاءالله مقدما ...وان شاء الله ربى يرزقج الرزق الحلال..........
بالنسبه للعاملات بلكثير ثلاث او ثنتين وانتى ويا الوالده اول شى اوكى ,,,بس...شلون انتى راح تشتغلين معاهم والا بس ادارة ....
والسكن اذا انتى يايبتهم من برة فالسكن عليج ..اذا فى امكانيه فى البيت احسن ,,,,,لانهم برة يكونون على اقامتج ومسؤوليتهم كبيرة .....اى شغله يسوونها انتى المسؤوله عليهم .واذا ماخذتهم من هنى اكيد عندهم سكن ..ودايما يكونون مجموعات..يعنى كل خمسه او سته بشقه وحده او انها متزوجه طبعا مالج شغل فى سكنها اكيد مع زوجها
وبعدين حبيبتى ...وايد شغلات اهم من هالسؤالين ......مثل
الرخصه ومشاكلها
رواتبهم فى بدايه الشغل
الاعمال اللى راح تقديمنها
هل عندج خبيرات
المكان اللى راح تفتحين فيه الصالون...تجارى استثمارى يعنى عليه دوس ....واللى حواليج شنو صالوناتهم وشنو مستواهم.....
خلى صالونج اول الشغل نص ونص لاهو غالى ولا هو رخيص ...وبعدين شوفى الشغل وحددى مستوى الصالون ,,,,وحتى التاثسث والتجهيز خليه مناسب مو غالى........علشان اذا فكرتى تبيعين ما تتحسفين
ولو تاخذين صالون ضمان لمده سنه ..علشان تتعلمين وتشوفين الشغل وايد احسن من انج تفتحين والا تشترين وتتوهقين .......
واى مساعده واستفسار انا حاضرة ,,كان عندى صالون قبل 4سنوات....وبعته ...وخذت مشروع ثانى ............
بالتوفيق يالغاليه

 

[أطــياب79]

رد: اللي عندها صالون او تعرف عن هالمشروع شي تدش؟؟؟

xxxxxxxxxxxxx اذا انتي تقدرين تجابلين حلالج الله يوفقج لا تخلين وحدة تجابله انتي لازم
تجابلينه وهم لا تقعدين فيه 24 ساعة غلط روحي ودشي عليهم باوقات متفرقة مرة طبي عليهم الصبح ومرة الظهر ومرة لا تروحين ومرة المغربيات جذي اهم راح يحسبولج حساب انج انتي اي وقت ممكن تطبين عليهم وبعدين من خبرتي بالصالون خلي وحدة اساسية تمشيلج الشغل النصايح وايد اذا بغيتي اي شي انا بالشوفة والله يوفقج

 

[زبــــــــدة]

رد: اللي عندها صالون او تعرف عن هالمشروع شي تدش؟؟؟

مشكورين بنات
قاعده افكر بالموضوع

 

[mirah]

رد: اللي عندها صالون او تعرف عن هالمشروع شي تدش؟؟؟

بالتوفيق

 

[منورة الكويتية]

رد: اللي عندها صالون او تعرف عن هالمشروع شي تدش؟؟؟

الله يوفقج يارررب ويفتح لج ابواب رزقه