تليفونـــات الــــــصـــين .. أجدد الموبايلات وحدها أرخص من الكويت !!

[رمز الترف]

قووه حبايبي

و انا احوس بالجرايد الاعلانيه لفت انتباهي تليفونات صينية و الغريب انها اجدد الانواع يعني نوكيا توه نازل تلقينه بـ 50 و اهني ينباع بـ 170 يعني حده فرق اشتري 3 تليفونات بنفس السعر >>:eh_s(6):

فـ بغيت اعرف اللي مجربة تشتري منهم او تعرف احد شرى منهم

تقولي شنو عيوبه

يعني مثلا ..
يعلق
الشحن بسرعة يخلص
تحسينه بو طقة مو مثل اللي بالكويت

... إلخ


أنا اللي شجعني ان وحده مدحتلياه بمنتدى ثاني و ان اهما نفس اللي بالكويت بس اهني لان محلات و اجار فيرفعون السعر


و هذي صورة الاعلان
>> على فكرة الاعلان قديم له جم شهر عندي . يعني صور الموبايلات كانت جديدة بوقتها

 

[بنات عطا]

الاجهزه الي من الصين مو زينه


جـــود

 

[بسمــ(ツ)ــه]

والله ابوي شرا موبايل صيني بس مو نوكيا ماركه ثانيه موووووووو شي

ماصارله اسبووع ولا احذفه واشترى واحد ثاني


بس نوكيا ما دري عنه , , , ياريت ايفيدونا البنات

 

[زيـטּ عَبْس]

مادري والله

شفت اعلانتهم

بس سأليهم عندهم كفاله ولا لأ

وان شاء الله البنات يفيدوونج أكثر

 

[foofo]

حبيبتي ديري باااااالج لاتاخذين موووشيي لووفيهم خير ماصار سعرهم جذي وسمعت ان الشحن بسرعه يحترق مايتحمل كهربت الكويت

انتي شوفي حتى بلاكات الكهربا الكل ياخذ انجليزي محد ياخذ صيني لانه مايستحمل وبسرعه يحترق

وفي سوق المباركيه في محلات يبيعونهم ب20 دينار بس محد يبيهم

 

[yassoo]

نصيحه لا تشترين انا مججربتهم شريت نوكيا ان 95
وان 96 لوعه بالمسجات والشاشة مو واضحه

 

[رمز الترف]

واي اشوى نصحتوني @_@

بس يلا نشوف آراء الباجي

 

[tootyy]

انا ما جربت وماافكر اني اجرب
نوكيا وسوني اريح حتى لو اغلى

 

[السيدة ملعقه]

ماادري بس احس بوطقه

 

[&شوارفسكيه&]

جربته والله ما انصحج فيه ضل معاي شهر ونص وبعدين اختربت الشاشه والصوت مو طالع
مع اني اهتم باجهزتي اللي اشتريها

 

[Lulu Sweet]

مانصحج فية لان حدة جم اسبوع و عقب يخترب (( عن تجربة ))

 

[بنت ابوها قمر الكويت]

انا بقولج عن تجربه شخصيه انا سريت من الاعلان جهاز نوكيا صيني مديله 6300 والله اول ما شغلته ما يشحن مخترب الجهاز مو الشاحن
لا ني جربت الشاحن مال الجهاز الصيني شغال وشحن جهاز ثاني بعدين اتصلت على الرجال وقتله التلفون ما يشحن وانا ما استخدمته
رجع وخذاه ابن الحلال وجاب واحد ثاني وجربته واهو ناطر عند الباب طلع الشاحن اوكي بس الصوم مو واضح يعني اللي ادق عليه ما يسمعني الا بطلع الروح جا مره ثانيه وخذاه هم جربته واكي اشتغل بس ثاني يوط هم ما يشحن والبطاريه فضت بوحها



ديري بالج

 

[رمز الترف]

خخخخخخخخخخخ امبيه مو صج
لا يبه هونت من قلب

 

[spanish-girl]

حبيبتي ليش اتعبين نفسج هل تلفونات مو زينه وانا خبره بهشي وماله داعي تروحون الصين والي بالاعلانات كله يشترونها من مجمع البسام الي بحولي كله صيني يبيع وتخيلي جدامي قاص على هندي يقوله شوف هذا اصلي مو خربوطه واهو صيني والهندي يا غافلين لكم الله ويبين الاصلي من التقليد من فتحة الموبايل اول ما تبطلينة ما تطلع صورة الايد تطلع كلمة اسمها cat وطبعا مو كل الموبايلات تطلع فيهم هل كلمه عشان جذي ابعض الموبايلات يغشون فيها الناس وخصوصا الي ماعنده خبرة بهشي

 

[الله معايا]

واااااااااااااااااااااااااااااااااااي ذكرتوني انا مره ريلي يابلي واحد والله يهبل مافيه شي لا وبعد خطين يعني واناسه قلت عجيب
الله لا يوريكم يوم حطيته على الشحن والله الشحن انفجر بويهي وانا مش شطارتي ويهي قريب منه حرق جبيني شوي
والله صج خرعه


لا اااااااااااااااااااااااااااااااااااااااااااااااااااااااااااااااااااااااااااااااااا تشترونه نصابيييييييييييييييييييييين
بس الي ابي اعرف الي تقليد ماركات هم نفس الشي او شنو الي على قوشي وال في

 

[كستنائيـة ع ـسل]

مغسي على الموضوع الرائع

 

[sho-sho_93]

انا مجربه الاي فون صوت موشي جني اتكلم داخل قوطي الصوت فيه صدى لكن حلو

 

[FOZQ8]

الحين النوكيا الاصلي وتطلع فيه عيوب ويعلق شلون من الصين ؟

 

[Om-Bashaar]

ما انصحج فيه خراباته وايد حده جم اسبوع ويتفجج

 

[pink^q8]

والله انا صارلي سنتين شاريه فيتو الصيني والله مافي شي يهبل لا خرابات ولا شي وصوته روعه والله مع انه واييد يطيح مني بس متحمل ماخترب مشالله ولا شي