تلفــــــــون بوخطيــــــــن ضروري ابيكم

[الاسطورية]

هاي بنات

شلونكم


اول شي اليوم شفت اعلان تلفون بخطين عجبني بس التلفون مومعروف تتحطين فيه خطين ويشتغلون بنفس الوقت مع بعض ارسال واستقبال
وبلوتوث وشاشته باللمس بقلم غير الازرار

سعره حلو 75
وفي عربي

بس خايفه من الماركه

معاه قلم

راح يففيدني وايد لان عندي خطين وف ذاركه وكاميره 2 خلفيه واماميه و2 ميجا

شنو تعرفون تلفونات بخطين وتشتغل بنفس الوقت


والي تعرف هذا تقولي

 

[عرموطة حلوة]

انا عندي منه حماي يايبه لي من الصين وشريته منه ب80 دينار واهو وايد زين وصوته وايد عالي ومعاه قلم وتقدرين تشتغلين فيه بمجرد انج تضغطين باصابعج يعني مو لازم القلم بس استخدامه وايد صعب

وفيع عربي بس يوم وديته حق محل تلفونات قالي ان هذا مو مرغوب فيه وما يتصلح اذا اخترب

مادري يقص علي ولا صج
بس استعماله عاجبني وصورته واااااايد واضحة

 

[karamella]

مادري اول مره اشوفه ماحبيت اطلع وما رد عليج..

 

[الاسطورية]

مشكورين

وايد 80 انا اليوم رحت سالت قالولي اصلا 75 وايد حده 50

بس بقولج شلون ترسلين وتستقبلين على خطين ابي اعرف الطريقه بليز

 

[عرموطة حلوة]

صراحة انا حاطة فيه خط واحد والله انا قاعدة اقولج استعماله صعب بس بنفس الوقت شكله حلو ويونس

انا قاعدة استعمله استعمال عادي مثل اي تلفون عادي يعني ادز مسجات واتصل ويتصلون علي والعب بالالعاب وبس

 

[الاسطورية]

انزين بنات استفساري مهم تكفون ردو

اشلون تدقين من الخط الي تبينه؟ اهو داخله خطين شلون تردين وترسلين من خطج او الخط الثاني

 

[نعنوعة]

انا اول مرة اسمع فيه وناسة بشتريه بس من وين عفية بليز ابيه

 

[نعنوعة]

محد رد علي من وين اشتريه وبعرف اشلون اشغل الخطين بليز

 

[أميرة الأخلاق]

انا بعد ابي واحد من وين اشترية

 

[MaMi]

بنااات في سامسونج خطين راح ينزل قريبا وايد شكله احلى ومميزاته اكثر :ggdw:

 

[الاسطورية]

بحولي في جم محل موكلهم وواحد منهم فوق ماكدونالز

 

[softlady]

سوري اسطوريه ما ادري

بس انا اشوف يبيعونه بالوسيط وايد

 

[حسينه حلوه]

انا يابنات عندى تلفونين نفس النوع شاريتهم من على 50 دينار الواحد هو شكله ومميزاته رائعه وحلوه بس ما انصح فيه لان واحدفيهم اخترب بعد استعمال 3 اشهر وصارلى اسبوع ادور بمحلات حولى اللى يصلحه ولا احد راضى يبطله وكاهو مقطوطا درى شسوى فيه

 

[لبي قلبك يالغلااا]

انا يا عمري شايفه عند اخوي واح بخطين بس مااعرف شنو نوعه اتأكد منه اليوم وانشالله ارد عليج

 

[nono78]

شريته حق ريلي هيه اول ما نزل

ب 120 دينار

عادي يحط خطين

بس عيبه لمن احد يدق ما يطلع اسم يطلعون ارقام ما ندري ليش

 

[nono78]

انا يابنات عندى تلفونين نفس النوع شاريتهم من على 50 دينار الواحد هو شكله ومميزاته رائعه وحلوه بس ما انصح فيه لان واحدفيهم اخترب بعد استعمال 3 اشهر وصارلى اسبوع ادور بمحلات حولى اللى يصلحه ولا احد راضى يبطله وكاهو مقطوطا درى شسوى فيه

ودي حولي

مركز ميديا

عمارة ماكدونالدز

يمكن يصلحونه لأن يبيعون منه

 

[بتبوتااا]

سوسو حبيبتي نطري على ماينزلون السامسونج او النوكيا احسن لج اهوه على سعره حسيت انه مو شي يعني فيه هالمميزات وسعره شويه؟

انا اقول لج نطري حبيبتي احسن واذا كلش كلش روحي محل تلفونات وسأليهم

 

[الاسطورية]

لانه صيني رخيص الصين رخيصه

 

[أحلى عيون]

هلا اختي هذا الموبايل تقليد n95 وهذا نوعه صيني ومثل ما قالوا البنات شوي صعب والحين نزلوا له السيستم الجديد

بصراحه حاليا سعره على 45 دينار

 

[ريومة المزيونة]

قصدج هذا التليفون



أنا عند ابوي نفس التلفون جاية هدية من الصين


بصراحة عجبني شكلة وصورته وعربي بعد وفيه ذاكرة 265 ميجا بايت


بس انصدمت لما استخدمته يعني كنت طالعة وحطيته بجنطتي

وفجأة قاعدة يضغط بروحة ويدق على كيفة لأنه باللمس

قلت مو مشكلة اسويلة إلغاء للقفل

بس طلع ما فيه

يعني مو عملي خاصتا إحنا تعودنا على اجهزة نوكيا



حبيت انصحج بس يعني شوفيلج اي ماركة تليفون ثانية غيره