تلفزيونكم على طاوله والا على الطوفه ؟

[فاهييه]

بنات بعد التحيه
بشتري تي في لغرفتي
بس انا كل فتره اغير نظام غرفتي
يعني اجيب السرير مني واحط الكبت مناك و جذي
وبعد فتره ارد اغيير ] لاني ازهق بسرعه من شكل الغرفه على وضع واحد :bbbiu:
عشان جذي ماابي اعلق التلفزيون على الطوفه واضطر التزم بمكان معين له .

ابي احطه على طاوله ومتي مابغيت اغير مكانه اجر الطاوله واحطها بالمكان اللي ابيه . يصير اخلي العمال لي وصلولي التلفزيون على البيت يحطونه على طاوله والا مايصير << لازم يثبتونه بدرررررررررررل على الطوفه ؟
___

منو حاطه تلفزيونها على طاوله مثل جذي



اشلون الوضع من ناحية الثبات اخاف ينهبد عالارض اذا تحرك او اندز بقوه وبدون قصد ؟

من وين اشتريله طاوله حلوه وعمليه وماتاخذ مساحه وايد ؟
اشتريله طاوله لها تواير من تحت والا راكزه عالارض ؟

 

[فاهييه]

●

●
●​

​

توني شفت هالموضوع لعظوه حاطه صور غرفتها الله يهنيها فيها
و بهالصوره حاطها تلفزيونها على طاوله يعني يصير عادي . مو ؟

 

[قــ القلوب ــوت]

عادي .. احنا كل التلفزيونات في بيتنا حاطينهم على طاوله بس كل مكان وله طاوله معينه فلازم اول شي تختارين نظام الطاوله الي تبينه
يا انها تكون عاديه نفس الصوره الي تحت وهني لمن اييون العمال يركبون التلفزيون على القاعده الارضيه الي تكون معاه وتحطينه على الطاوله عادي

او تشترين طاوله مخصصه لهالشاشات مثل الصوره الي تحت وتخلين العمال يركبون التلفزيون عليها بس انتبهي لاياخذون القاعده الارضيه قوليلهم يخلونها عندج يمكن تحتاجينها بيوم من الايام

 

[(*ام عهــــد *)]

أنا على طاوله بس قاعد يسبب خطر على عيالي ولازم اعلقه
اذا انتي ماعندج جهال تخافين لايطيح عليهم خليه على الطاوله عشات تغيرين على راحتج

 

[فاهييه]

مشكوريين بنات

او تشترين طاوله مخصصه لهالشاشات مثل الصوره الي تحت وتخلين العمال يركبون التلفزيون عليها بس انتبهي لاياخذون القاعده الارضيه قوليلهم يخلونها عندج يمكن تحتاجينها بيوم من الايام

ابي نفس هالطاوله وين احصلها ؟ ومشكوره عالصوره يــ عمري :eh_s(7):

 

[بننناتي]

في طاوله حلوه وعمليه في ايكيا

 

[خجل..]

اهلييين اختي ..

انا اشوف التعليق احسن بكثير من الطاوله .. تكون عندج مساحه بالغرفه دامه معلق الطوفه

بس دامج تحبين التغييير .. في طاولات معاها ستاند يتثبت عليه التلفزيون .. عشان تضمنين ثباته

لان خطر يكون ب هالطريقه ع الطاوله ..

وموفقه حبيبتي
​

 

[سويت فانيلا]

احنا على الطاوله بس راح يتعلق غن قريب

 

[قــ القلوب ــوت]

مشكوريين بنات






ابي نفس هالطاوله وين احصلها ؟ ومشكوره عالصوره يــ عمري :eh_s(7):

والله اختي ناسيه لانه تقريبا من سنتين شارين الطاولات واعتقد في باماكن الي يبيعون تلفزيونات مثل الكترو الوزان وصفاه الغانم .. ناسيه بالضبط وين وهم اتذكر مره شفت بمحل يم جمله الاثاث الي بالشويخ .. واحنا شريناهم من المحلات الي يم معرض افكاري الي تبيع سوالف وانتيكات للبيت اعتقد يسمونهم السوق الصيني او الايراني المهم كانج بتروحين معرض افكاري تصفطين وتنزلين تدشين المحلات الي يمه وشوفي يمكن في لي الحين

 

[MiSS B.K]

دام على طول تغيرين بأماكن الأثاث حطي طاولة احسن لج اكيد بيكون ثابت واخذيها ثابتة بدون تواير احسن

 

[فاهييه]

فدوووو يـ بنات
بس انا ابي الطاوله اللي حطت صورتها قوت القلوب لأن شكلها عملي وحلو ولونها يمشي مع لون اي اثاث + انها تثبت التلفزيون
احسن من الطاوله العاديه

 

[om mariam]

والله انا تلفزيوني الكبير مال اول
فثابت على الارض
والبنات ما قصرو معاج

 

[!الجادل الصعب!]

متعلق طبعا
لانه بالصاله واشوف انه يوفر مكان اكثر وهو معلق..،

 

[فاهييه]

بنوتات بليز
باجر الجمعه ان شاءالله بروح سوق الفحيحيل ادور بمعارضها على هالطاوله احصلها والا لا؟
منو تعرف وين احصلها ؟؟

 

[ريـمـآأن..}]

معلق احلى

 

[ريـمـآأن..}]

رفع

 

[لبى عيينش]

فاهيه انا ودي اقرا مواضيع بس السنافر اللي تحطينهم بالتوقيع اكرهم وماحبهم الله ياخذهم ونفتك من مشاكلهم وهواشهم ينرفزوني من اشوهم هذول فرسان هذول صراصير خرفان ماااااااااااااحبهم غيريههم

 

[فاهييه]

خلاص بنات رحت السوق وشفتهم بكل مكان
وسعرهم يترواح بين ال45 دينار و يوصل لي 85 وفوق . حسب الحجم والديزايين

 

[فاهييه]

فاهيه انا ودي اقرا مواضيع بس السنافر اللي تحطينهم بالتوقيع اكرهم وماحبهم الله ياخذهم ونفتك من مشاكلهم وهواشهم ينرفزوني من اشوهم هذول فرسان هذول صراصير خرفان ماااااااااااااحبهم غيريههم

ستعلميين ولو بعد حيين انهم فرسان
اذا صارخوا فصراخهم بقدر الالم
اذا انتي تاخذيين الامور بسطحييه وماتقريين بين السطور و وراء الاحداث . فبتكرهينهم اكيد :eh_s(7):