=[( تلبيس الأسنان والتركيبة الثابته والمؤقته )]=

[Tsunade]

مرحبا بنات ،،

أنا اليوم سويت الاربع أسنان الأمامية تلبيس لأن واحد منهم كان مرتفع ..

المهم شلع المرتفع وحف الثلاثه وحط لي تركيبه مؤقته ..

اللي مضيق خلقي أنهم مو حلوين أبد و ودي أبجي لدرجه حاسه لو ضاله على أسناني العوج أسنع لي : (

التركيبة المؤقته من بلاستيك قوي وصراحه شكلهم أبد مو مضبوطين فحابه أسأل هل التركيبه الثابته بتكون نفس الشئ ؟!

يعني هو سوى لي شغل أي كلام عشان انها مؤقته ولا هذا شغله ؟!

أمانه اللي لها خبره أو تعرف تقول لي

الشغل بمركز فرجينيا فرع الجهرا د . وائل الطباع

 

[WiiDii]

التركيب المؤقت اللي مركبته يشبه التركيب الدايم اللي راح تركبينه بس الفرق المؤقت اسنانج الاربع لازقين ببيعض والدايم راح يكون كل سن بروحه
دام مو عاجبج قوليله من الحين خل يغيرج ال study model وشوفي شكله اذا عجبج توكلي على الله
بس كلميه قبل لا تركبين الدايم
وبعدين انتي ما لقيتي الا هالـ عياده تروحين لها

 

[Tsunade]

^
يا روحي فديتج هاج بوسه أنتي الوحيده اللي ردت علي أهئ اهئ

كلمت العيادة اليوم والفني و يقول لا مو نفسهم
عاد قصدهم يسكتوني ولا صج مدري
يختج محد يوديني الا بطلعت الروح فقلت هذي أقرب عياده

 

[Nokia N95]

كان ودي اساعدج ... بس ماعندي فكرة

 

[}{نرجسيهـ}{]

لا ياقلبي ماكو شبه ابدا

اخذيها مني

المؤقت يلوع الجبد مصوفر وجاهز بس يركبونه لج ع طول

اما الثابت انتي تختارين اللون اللي تبينه ويجي على صفة اسنانج الباقيين..

 

[بنووته تكاانه]

رد : =[( تلبيس الأسنان والتركيبة الثابته والمؤقته )]=

انـــاا مركــــبه ترا الدائـــم احلى من المؤقت بوايـــد

 

[LuLiTa]

رد: رد : =[( تلبيس الأسنان والتركيبة الثابته والمؤقته )]=

المؤقت شغل تقزير تمشين حالج فيه لكن الدائم حيــــــــــــل مختلف و احلى و ارتب =) و الله يتمم عليج ان شالله بصحه و سلامه ,,

 

[غلا1عمري]

بنوووتة وين مركبة الداااااائم .. ؟

 

[bror]

حبيبتي لا تخافين ترى كل المؤقت جذي اشكالهم تلوع الجبد وتنصدمين بس ترى الدائم اول ما تشوفينه بترتاحين واااايد
انا سمعت عن فرجينيا اللي بحولي يمدحون شغلهم بس اللي بالجهرا مادري عنهم
موفقه وملبوووس العافيه هههههههههههه