تكفوووووووووووووون ابي حل

[ام دحوم دد]

السلام عليكم
تكفوون علموني وش اسوي
انا تزوجت رجل مطلق وعنده ولد وهو صاحب دين وخلق ان شاء الله
مالي غير شهر واسبوع من زواجي وكل يوم مطلع لي مشكله ويهاوش عندها

اخر شي امس كان موكلني اسجل له بورقه عدد غيابه بالجامعه ونسي لا اسجل حضوره امس
وجلس يهاوش
انا اشوف ان السالفه ماتستاهل هواش وقالي انا ماخذ حذري منك
يقصد اني داهيه وانا ماقصرت معاه بشي احيانا اقول يمكن اخذ موقف من حركات الحريم بسبب طليقته
بس انا وش ذنبي
المهم
انا قلت بزعل عشان يحس بخطاه ويمكن يخف علي من مشاكله
وانصدمت انه رجع وشافني زعلانه وبكل برود يقول انتي ماتهمينني
ازعلي يوم اسبوع شهر
وبعد كلامه بيوم قررت ارسله عتاب
وارسلت وهو بالجامعه واخطيت بوقت الارسال وارسلت له قبل اختباره
ورد علي مهما كانت المشكله ماتعاتبين قبل اختباري واعتذرت منه ع تصرفي

ادري اني طولتها بس ابي استشيركم كيف استقبله
تكفوون دلوني وش اسوي انا توني صغيره عمري عشرين ومو عارفه شي احس انني ماكسبته
وهو من الاساس مو حابني

 

[ام فواازي]

ياختي توج صغيره ليه تاخذين واحد عنده ولد من طليقته وهالولد راح يربطهم العمر كله
عالعموم هذه نصيبج اسكتي طولي بالج عليه وحايليه لين يطخ بعد شتسوين

 

[فوفو22]

لا تكثرين الاعتذار لاني ما اشوف في غلط ارتكبتيه

كوني طبيعية بتصرفاتك استقبليه

ولا تحسسينه انك غلطانه

وتكبرين راسه عليج

عاملي عادي ولا تفتحين نقاش المشكله

فوفو

 

[لوفيه]

الحمدلله على كل حال

تحمليه شتسوين هذا نصيبج والله يسخره لج

مو دايم تعتذرين ولا تسمحين للمشاكل تخرب حياتج

كوني فرفوشه يمكن اسلوب زوجج دفاشه انتي تعودي وطوفي الأشياء البسيطة

والحياة تمشي

 

[قاهره عذالي]

الله يعينج
احقريه
هذا شايف نفسه مبين عليه
ويدور حجج يبي يخرعج يمكن يبي ينتقم من الحريم كلهم بسبت طليقته
الله اعلم

 

[خوخة سمسم]

اول شي لازم تتحملين
وبعدين لاتكثرين الاسف والاعتذار عشان يحس مرات انه غلطان بعدمو هو يغلط وانتي تعتذرين
والله يوفقكم ويجمعكم على الخير

وترا الابتسامة طريق لقلب الرجل

 

[Angel_store]

اب اب اب

 

[LA TROO7]

ليش تعتذرين واجد !

ما غلطتي وعزي نفس عشان يتعدل المفروض يقول مابي اختبر وانتي زعلانه علي مو العكس وانتي بعد اعتذرتي

جد الله يكون بعونج احقريه وراح يتعدل

 

[RO0O7Y KUWAITYA]

الله يهديه ان شاءالله ...

 

[@ DLOO3TAH@]

الله يعينج

 

[هذا مزاجي]

الله يهديه ويسخره لج

 

[أعشقه]

ماغلطتي بشي عشان تعتذرين
وبعدين لا تبينين نفسك انك ميته عليه او انك منكسره بسبب تصرفاته معك
ابد اذا سوى شي وانتي تشوفين ان هالشي مايستاهل انه يعصب عليك كلميه وقولي له وبيني له وجهة نظرك
مو تقولين هو مايحبني شلون مايحبك ومتزوجك وادم تعرفين وش له متزوجته ..؟!!!!!
وسعي صدرك وحاولي تفهمينه اكثررر ..
ولا تصيرين نكدينه وتدققين ع كل شي .. عدي له مره ومرتين لين تفهمينه وتفهمين اطباعه صح وتعرفين من وين تدخلين عليه باي موضوع وباي مشكله ..

 

[Tulips]

تبين الصج انتي اللي محسسته انج الغلطانه وانتي مو غلطانه بشي

البنات كفوو

 

[بـدويـه]

اول شي لازم تتحملين
وبعدين لاتكثرين الاسف والاعتذار عشان يحس مرات انه غلطان

 

[ليان]

كثري من الاستغفار​

 

[Om mriom]

اهم شي طولت البال والاسلوب السنع والكلام الحلو واذا شفتيه معصب لاتكلمين خليه اهو يمكن عانى بزواجه الاول او اخذ فكره غلط بس اهم شي كثري من الدعاء والاستغفار وانه الله يهديه
والله يارب يسخره لج

 

[دلوعة صلوح]

الله يهدى يارب.

 

[رنين]

خلج معاه سهله بسيطه و لا تشيلين الامور فوق ما تستاهل....
بالعكس بسطي قد ما تقدرين لأن اهو يبالغ بالحذر و تدرين انه منقرص من الحريم من قبل

فماخذ حذره منج مو لأن مو حابج او شايف منج انتي شي
لكن من شي شافه قبل لا يعرفج....

دامج فهمتي ها النقطه خلاص ريحي بالج و خلج علملقي الحلو لدش و لطلع......

و عالاستغفار مثل ما قالت الاخت قبلي و عسي الله يجمع بينكم بخير

 

[ابدا يالغالي مانساك]

لاتخلي نفسج ضعيفه كل هالضعف وتنكسرين جدامه الرجال يحب الوحده القويه بشخصيتها وماترد بكلامه تعاملي معه عادي وسولفي ولاتبينينه الزعل لان طبع زوجج مايهتم بالزعل والرضا لانه مجروح من طليقته سكري هالمووضوع الزعل ولاتعطينه فرصه يغلط عليج كسري عينه مو بالهواش والسب لا كوني هادئه وسوي كل ماعليج وربي يسخره لج

 

[ملح على الجرح]

الله يسخركم لبعض ويعينكم ويبعد عنكم المشاكل