تكفووووووووووووون ريحووووووووووني .

[^_^ الراقيه]

السلام عليكم ورحمة الله وبركاته

صبايا انا اول مره اكتب موضوع وأشكي همي لكم

بنات مشكلتي باختصار ( انـــا بالجامعه كنت عادي فيهااا بعدين ما ادري ايش فيني ابكي واقول ما ابغى ارووووووح للجامعه
تعبت وكرهتها وصرت ما اروح )

بنااااااااااااااااااااااااااااااااااات ريحوووووووووووووووووني
بنات تكفوووون لاتطنشوووووون ..

 

[Tom ♥ Jerry]

.

تعوذي من ابليس و اقري سورة البقره

 

[p!nk!a]

قبل النوم اقري الأذكار ،،
حآولي تعاندين نفسج و تروحين غصب ؟،
إذا ما قدرتي فـ اقري سورة البقره يومياً ،،

 

[((البرنسيسا))]

تعوذي حبيبتي من إبليس وإقري سورة البقرة


اقري سورة الفلق والناس قبل لا تطلعين من البيت

الله يوفقج ويزيل همج

 

[لمى الهاجري]

طبيعي مع التعب

 

[عادت ذكرياتي]

ارقي نفسج وذكري ربج وغصبي روحج ....


ربي يوفقج

 

[Sweet Angle]

في الويكند اخذيلج راحة وارتاحي واسترخي
وغيري كل افكارج السلبية ناحية الجامعه وحوليها لإيجابية
وشدي حيلج بالدراسة ترى مستقبل

والله يسهل عليج يارب :**

 

[قمر بيت أبوها]

الله يفرج همك يالغلا

 

[الهنوؤوفـ]

انا اقول روحي عند شيخ يرقيج يمكن ما تعلمي فيج عين(الله يبعد عندج)

البنات ما قصروا

خلي هدفج قدامج وانتي تروحين الجامعة عشان تتشجعي

لا اله الا الله محمد رسول الله

 

[فطوم السعوديه]

عادي حبيبتي تصير كثير انا صارت لي

بس عشان ضغوط الدراسه واوقاتها زفت ويبي لك وقت عشان تتعودين عليها وتحبينها
وبعد لاتطلعين الا قاريه اذكارك ليل وصبح

وشيلي هالفكره من بالك

 

[قطوة@@]

صارت فيني بثانيه جامعه لان موادي صعبه مووت بعدها شديت على عمري بالدراسه الحمد لله

 

[Patcholli]

شنو السبب ..؟؟

راجعي نفسج وحاولي تحلين المشكله ..

مافي شي بدون سبب

 

[روانتي 12]

لآـآزم يككَؤن في سبب . . تراـآ ككِلنآ تجينآـآ حالآـآت مآنبي ندآومَ . . بسسَ مؤ لدرجهِ ههَذي نغيَب ومآنحضرَ . .

رآجعي نفسِج ؤ شؤفي شآلسَببَ . . ^

 

[لحظآتَ]

حبيبتي لازم اول شيء تشوفين شنو السبب !!

أسمعي بقولج تجربتي عل وعسى تستفيدين منها

كنت مثلج بالبداية .. كارهه الجامعه وطحت بشلة بنات لاهم من ميولي ولا من اطباعي فكنت مضطره اماشيهم

كان عندي اعتقاد ان شكلي بدون صديقات غلط !!!

ممع اني انغث لا قعدت وياهم وتلوع جبدي حيييييييييييييييل من أفكارهم لكني كنت اضغط على روحي !!!

ومدري شنو حادني للأمانه !!!!!

شوي شوي بديت اتخبط دراسياً .. وماادري شالطبخه لإني اول اكبر العايله وأول وحده تدش الجامعه ..

فما عندي اي احد يوجهني وهاللي اسمهم صديقات كل وحده اللهم نفسي !!

يعني هم شلة من الجامعه بس عرفتي ؟؟

حسيت اني ضايعه لا دراسه ولا صديقات نفس الأوادم ولا احد بالبيت يفهمني ان شكيت له [ عبالهم الجامعه نفس المدرسة ]

هذا غير ضغط المواد !!

يعني قربت انفجر وكانت نفسيتي فعلاً فعلاً سيئة !!!


/


بعدين قلت لحظه لحظه .. ليش أسوي بنفسي جذي؟؟؟؟؟؟؟؟
ليش انطر لما افشل صج وانفصل من الجامعه بسبة اعذار واسباب سخيفة !! واقدر اني اتغلب عليهاااااااااااا !!!!

وقفت عند حدي .. وقررت أبتعد عن العامل الاساسي اللي مخليني استاء واتضايق !! [ الصديقات غير الصدوقات ] .!!!

ثانياً .. قررت ابطّل تخبّط وما اقدم على خطوة الا وأنا دارستها عددددددددددددل !!!

أسجل مواد شوية عشان يخف عني الضغط لما استجمع قواي !!

كنت ما اخذ صيفي كل سنه عشان ما يصيبني الارهاق والتعب النفسي !! يعني فترة استجمام كانت !!


صج اني كنت اقعد بروحي بس احس براحةةةةةةةةةةةةةةةةةةةةةةة نفسيه مو طبيعيه اقلها محد يتملق وينافق على راسي !!

انا مع نفسي وبس !!! ومالي شغل بأحد ...

فخفت حدّة نفسيتي يعني هه شوي مو حيل !!

لما شفت اني بديت اتحسن دراسياً ... نفسيتي هم بدت تتحسن !!

يعني الزبدة من هالكلام كله ان الحل بيدج انتي ..

قعدي قعدة صراحة مع نفسج وفكري شنو اللي خلاج توصلين لهالحال؟؟؟؟؟؟؟؟؟؟؟؟؟؟؟؟؟

شنهي الاسباب؟؟؟؟؟؟؟؟؟؟؟

أوجدي لكل سبب حل !! لما تتلاشى المُسببات بالتالي خلاص تنفرج ان شاء الله ....


...


أما لو حسيتي ان ماكو سبب كلش !!
تعوذي من ابليس واستغفري ربج واشكي له همج وكربج .. محد بيخفف همج غيره سبحانه

والله يوفقج يارب حبيبتي

 

[غداً القاك]

ياحياتي داومي على الاذكار واجبري نفسك هذا مستقبلك فكري انه راح الكثير ومابقى الا القليل ان شاء الله
الله يفرج عنك يارب

 

[غـرامـي أنـت]

تعوذي من الشيطان واقري الاذكار وارقي نفسج

 

[دلوعة أبوهآ]

تحصني وآرقي نفسك

 

[ماتغير شي]

حبيبتــي يمكــن عين ارقــي نفسج وصدقيني مراح آحــد ينفعج غير شهادتج . تعوذي من آبليس واهتمي بمستقبلج حاولي كل ماتيي اجآإزهـ تطلعين من البيـت والله يوفقج إنشالله

 

[أإلع ـشق دلع ـهـأإ]

لآحول ولآ قوة الآ بالله

حبيبتي تعوذي من الشيطآن يمكن من الضغط النفسي اللي فيج

آو كنتي مجتهده بدرآستج وفزولج النآس !!

آو آحد من النآس آحتر لآنج جآمعيه وفزولج !!

اللي عليج لاااازم الآذكاار مآتخلينهآ لآتروحين الجآمعه الآ قآريه الآذكااار

وعليج بسورة البقره يوميآ تقرينهآ

إقري ع نفسسج الرقيه الشرعيه وإقريهآ ع مآيً وإشربيه

لآ تهملين نفسسج وتضيعين مستقبلج تكفيييين

 

[شوق العتبان]

كانج تكلمين عني اول دخولي
انا اول قبول شحليلي مستانسه
بس داومت!
جتني ضيقه مو طبيعيه ارجع البيت ابجي
ودايم اقول رفياجي مابي اكمل بسحب اوراقي
والله العظيم اني اول كورس يالله بلعته
وفي من رفيجاتي عطونيها بالعين الي تقول تخصصج مو زين التربيه الاساسبه احسن والي تقول ليش نجحتي وتانا لا والي والي
للعلم اني كليه ويقولون انتي معهد مو كليه استغفر الله ..انصدمة
عرفت انهم السبب
قمت اقراء قران واذكار الصباح والاستغفار قبل لاطلع من البيت وشوي شوي راحت الظيقه
فقلت توبه بعد اقولهن عبالي يفرحن لي
وتدرون اول الدوامات تنشغلين بالدراسه وهن يدق ودايم اكلمهن بس بفترة الامتحانات مارد
فقامو يقولون كبر راسج ونسيتينا ومن هالكلام
والله العالم ان ماكبر راسي عليهن..بس اعترف من دخلت ماتهنيت واعترف اني انصدمت من اشخاص وايد

.. الحمدالله على كل حال ..