تكفوووووووووون قطوتي اذتني اليوم

[اسيرةالماضي]

مرحبا بنااااااات تكفون قطوتي هبلتني لمن اناديها ماتجي وخوووافه هي عمرها سبع شهور شوكلها؟واليوووم سبحتها والله ايد امسح عليها وايداصب الماي بشويش وطمرت علي وشمختني جد توووووووهقت معاها تكفوووووووووووووووووون شاللحل وشلون اتعامل معاها

 

[lojeeen]

قطوتج شنو نوعها و من متى عندج ؟

 

[اسيرةالماضي]

قطووووتي شيرازيه ميني فيس<اذا صح او مون فيس شغله جذي ههههههههههه وعمرها سبع شهور لها تقريبا اسبوع وشوي

 

[shurooq]

يالغاليه

اول شي


عادي تخاف منج وتنحاش وماتييلج


لانها خايفه وبمكان غريب وناس غريبه

يبيلها وقت وايام عشان تتعود عليج

حاولي تكونين معاها بغرفه وحده يعني قعدي بالساعات

وحطي الاكل لها وقعدي يمها واهي تاكل حاولي تشيليها ومسحي على راسها

حاولي توكلينها من اييدج دراي فووود وانتي توكلينها ناديها باسمها وكررييي الاسم كلمييها


شيليها خلي ويها جبال ويهج وكلميها

ونادي اسمها



ومع الوقت تتعلم وتفهم



وتوكلينها عادي اكل البيت

ودياي مفيوح

جبن

دراي فوود ومعلبات

بس السمج لا تقربيينه يمها وحليب بعد

 

[^^ مس كيوت ^^]

حبيبتي اذا اهيا جديده عليج فا نطريها لما تتعود اما اذا اهيا من زمان عندج فا المفروض تتعود..ولازم تودينها البيطري يقص اظافرها ويعطيها تطعيم..
طريقة التسبيح لها مراحل
المرحلة الاولى:
اول شي خلي الماي دافي وزهبي اغراضج يمج الشامبو الخاص بالقطاوه ويفضل حق الراس شامبو جونسون وحق الجسم شامبو ينباع بالبيطري يقضي على الفطريات اسمه نيزورال وحتى بالصيدليات موجود واهم شي الفوطه تكون قريبه منج..
المهم خلي الاغراض يمج..ومسكيها عدل من راسها وحاولي تسيطرين عليها قد ما تقدرين لانها اول شي بتحرك بتحرك واذا حست انج مسيطره عليها بتسكت وصبي عليها الماي وشامبو الجسم وفركيها واخر شي غسلي راسها بشامبو جونسون للاطفال عشان ما يعور عيونها ولا تحطين واجد عالراس..وانتبهي انج تنضفينها من الصابون الي على شعرها كله لان ممكن يسبب لها حساسيه واخر شي تلفينها بفوطتها الخاصه
نبدي بالمرحله الثانيه:
نشفيها واهيا بالفوطه وخليج ماسكتها عدل وبعدين زهبي السشوار ومن بعيد حطيه عليها واهم شي انج تمسكينها عدل وحيل لان كل شي يعتمد عليج..
اخر شي لي نشفت كلها..ومو مهم كلها المهم نشف قسم كبير من شعرها ..
المرحلة الثالثه:
عاد الحين مشطيها بمشطها عشان تحافظين على عدم تساقط الشعر بكميات كبيره وعدم وجود كور داخل الفرو تأذيها
واذا بغيتي تزينينها حطيلها عطر التوت الخاص بالقطاوه ينباع بمركز سلطان حلو حيل ..
عاد اخر شي قطوتج ما تبي الا فراشها راح تنام لما يغني راسها

 

[ميمي الحلوه]

والله قويه

شلون تمسكون القطااوه انا خوافه

 

[قطوه ورديه]

هاااااااااااا اشصار عليج

 

[اسيرةالماضي]

مشكوووووووورين حبايبي والله مدلعتها بس جعله يبين فعينها هههههههههههههههههههههه

 

[sweet cake]

خلي احد يساعدج.. انا قطوتي ما تأذيني حيل بس لازم احد يمسكها معاي .. بس قصي اظافرها واذا ماتعرفين وديها للبيطري