تكفوووووووووون ساغدوني من امس ابجي خايفه على بنتي

[زمن مريان]

السلام عليكم بنات بنتي عمرها 7شهور امس وديتها الطبيب لانه لاحضت تقوس برجلها اليسار وقال ان شاء الله يكون السبب نقص كالسيوم وفيتامين د لانه علاجهم سهل وسوينا تحليل وطلع الحمد الله زين عاد قال لازم احولها لدكتور عظام يشوفها واحتمال يقول عادي مو محتاجه شي او يسويلها شي ابي اعرف شنو يسوون فبنتي :eh_s(11): اخاف يعورنها بس الشي اللي مريحني ان بنتي الحمدالله قعدت مبجر وبدت تزحف ولما اوقفها وامسك ايدها ونمشي مع بعض تثبت ماتطيح يقول الدكتور ان هذا شي زين

تكفوووووووووووون اللي تعرف اي شي تساعدني شنو علاجها عند طبيب العظام واللي تعرف طبيب زين تقولي او اي معلومه



جزاكم الله خير :eh_s(2):

 

[قطوووة]

عليكم السلام

يمكن المهاد له دور بهالشي

في ناس مايمهدون عيالهم وجذي

 

[•Brown•Sugar•]

لاتخافين حبيبتي اذا كان تقوس عادي من نقص فيتامين د بيعطونها
فيتامينات وكالسيوم ويقولج عرضيها للشمس قبل الساعه 12

وبالحالات اللي التقوس يكون قوي جدا جدا
حطون لها جبيره بلاستيك تلبسينها وتشيلينها ع كيفج
ماتشوف شر بنووتتج الحلوه :*

 

[ميرور]

الحالات اللي مرت علييي في العيله

يفصلون حق ريووولهم جوتي يكون طبي ويستمرون عليييه فتره وبعدين ترجع ريولهم عادي

وفي حد من الاطفال تتعدل ريوووولهم كل ماكبروا



وفي دكتور قالي انه ماله داعي يلبسون جوتي او تحطون لهم تجبير
تخافين اذا كان في الركبه انعواج لكن الساق عادي



وهذا اللي اعرفه

وبنتي نفس الحاله وماسويت لها شي

 

[زمن مريان]

مشكورين بنااااات جزاكم الله خير ريحتووني حيييييييل الله يريح بالكم اي انا مامهدها دايم قليييل

 

[PuPa^^SWeeT]

ماعتقد بسيوون شي

بيجبروون ساقها بس

انشالله

وانتي لاتخافين انشالله ماعليها شرر


رفيجتي ولدها من الاربعين جكت شي بساقها مادري شنو طلع

بس تخيلي الحين الولد عمره 5 سنيين اسم الله علييه

توا قبل سنتين سوا اخر عملية و الحيين ارتاح



يمشي عادي و كل شي الحمدلله

دام يكتشفون الشي مبجر لاتخافين

 

[نطوووعه]

حبيبتي انا اكثر وحده حاسه فيج لان بنتي كان عندها نفس المشكله بس بريولها الاثنين كانو مقوسين وديتها عند دكتور عز الدين الحداد بمركز كلوفر بالجابريه وكنت مسوية لها تحليل فيتامين د طلع النسبه نازله فاستمرين جم شهر اعرضها يوميا للشمس بدون هدوم (ريولها و ايدها وظهرها مرات) مده 10 دقايق او ربع ساعه و قمت اعطيها فيتامين د يوميا وصي عليه من دبي اسمه بيديا فيت د موجود صيدليه ابن سينا بدبي مول و بكل مكان بس انا اخذه من هناك
و عطيها منتجات البان وايد روب و لبن و اجبان و سمج و بيض و ان شاء اله راح اتعدل ريولعا لان الحمدلله و ماشاء الله بنتي تحسنت بس يبيلها بعد

و اذا متينه بنتج خل تقلل وزنها

 

[نطوووعه]

اي و لبسيها جواتي طبيه اللي تمسك عرقوب الريل تلقينهم بايكو و كلاركس بس ايكو اكثر شي يكونون عالين يمسكون بداية الساق

 

[ام ميميتو]

والله مادري حبيبتي الله يطمنج عليها ان شاءالله

 

[(*ام عهــــد *)]

ماتشوف شر ان شاءالله
والبنات ماقصرو

 

[q.u.e.e.n]

الله يشاااااافيها يا رب ادري اليهال يعووورن القلب ما عليها شر ان شاء الله

 

[مسك وطيب]

لاتحاتين ان شاء الله مافيها الا العافيه ...

 

[جلكسيه اس 3]

الله يشافيهاا

 

[رتبه دبلوماسيه]

ماتشوف شر انشالله

 

[@ام يوسف@]

الله يعافيها ويشافيها ويطمن قلبج يارب

 

[Q.8.h.2]

انا ولدي ريوله ثنتينهم داشين لي داخل يعن القدم اذا وقف يكونون شوي لين داخل مو مثلنا احنا
رحت راجعت له وقتها كان صغير وسووله مثل شغله بلاستيكيه البسه اياه عشان تخلي ريله سيده بس كان يبجي واايد مايرضى يلبسه لان كان صغير وقالي الدكتور اربط ريلينه في بعض من القدم لما يبي ينام عشان يصيرون سيده بس قلت والله لو شنو اعذب ولدي ولدي الحين ريلينه مثل ماهم اللي مايدري عنه ماراح يلاحظ بس اذا ركض يطيح اكثر من غيره من الصبيان وعمره الحين 12 سنه الحين قام يقولي ودوني اسوي ريلي لو عمليه بس يبيله مراكض وحاسه بتانيب الضمير بس انا بروحي ماقدر اسوي شي هالشغلات لازم ابوه معاي والابو ماعنده وقت دايما

 

[بتبوتااا]

ان شاء الله مافيها الا العافيه بس انتي موسوسه مو اكثر ياقلبي

ونطري عليها تكمل سنه واهني يبين اذا الله لا يقوله في شي ,,