تكفووووووووون ابي حل

[منوه الودعاني]

السلام عليكم ورحمة الله وبركاته




شششخباركم بنـْْ♡ـْْات ان شاءالله طيبين






للمتزوجات فقط









تكفووون ابي جواب معقول


زوجج تحبينه ويحبج
وبصدفه شفتي ب البوم صورت بتلفونه
مصور محادثه بينه وبين بنت
شنو ردت فعلج




انا بجيت ودعيت عليه وعليها
وجالس يقول ۆآللــہ مو انا واحد من ربع

شلون واحد من ربع وانا شايفه اسمك ب هالحساب
قبل ينحذف
ويوم قلت له احلف ع المصحف جان يقوم
ويقول شنو ماكو ثقه ومن هالسوالف
وطلع وصك الباب بويهي
وقال بصوت عالي شرهه علي انا




بنـْْ♡ـْْات ۆآللــہ ابجي بمووووت بحسرتي
والحل

 

[مفـآهـيم الخجـل]

Up

الله يهديه ويسخره لگ

 

[كويتيه شماليه]

دام تعذر منج وانكر وحلف انه مو اهو احمدي ربج ليل نهار على هالنعمه
غيره يصارح ويجرح ولاهمه عاد تكون الزوجه بين نارين

ونصيحه سكري الموضوع ولا كأنه صار ولا تجيبين له طاري نهائي ولا ترى يتعود انه يسمعج من هالسوالف ويتمادى
اتجهي لربج وصلي وادعي ان الله يهديه

 

[SugarBride]

لا مو بس تسكتين و تسكرين ع الموضوع
اصلاً هذآ اللي بخليه يتمـآدى زعلي منه و تضايقي وخليه يبوس ريلج و يرآضيج وبعدين سـآمحيه !

 

[مدمنة كوفي]

اكيد بينكر ويقول مو اهو واحد من الربع وليش حذف المحادثة لانج صدتيه
لا تدعين عليه ادعي له بالهداية وحتى لو عرفتي ان جذب عليج ما تقولينه احلف بالقران

قوليه صدقتك بس اتمنى صج واحد من ربعك الدنيا دوارة لازم الرجال اخاف على سمعته وبيته ولا يصير شي في خواته من هالنصايح

وايد في بنات نفس المشكلة بعضهم يطنشون ويقولون ليش اعور راسي واخسر زوجي ما رده بيرجع لي وبعضهم يركضون وراه وتعرف اي مواقع يدخل وشنو يسوي وشنو يقول عشان ما يستغفلها ويقول هاذي طيبة على نيتها وانا باسوي اللي يعجبني عشان يخاف منها ولا تسوي له مشكلة

الحين انتي طنشي ولا جنه صار مدام احذفه بس اذا عادها مرة ثانية تصرفي تصرف ثاني
ادري شي يعور القلب وانتي تبجين بس حبيبتي البجي ما يحل المشكلة انتي مهتمة تلاقينه اهو مو مهتم هالمرة عديها

 

[حروف من ذهب*]

اكيد بينكر ويقول مو اهو واحد من الربع وليش حذف المحادثة لانج صدتيه
لا تدعين عليه ادعي له بالهداية وحتى لو عرفتي ان جذب عليج ما تقولينه احلف بالقران

قوليه صدقتك بس اتمنى صج واحد من ربعك الدنيا دوارة لازم الرجال اخاف على سمعته وبيته ولا يصير شي في خواته من هالنصايح

وايد في بنات نفس المشكلة بعضهم يطنشون ويقولون ليش اعور راسي واخسر زوجي ما رده بيرجع لي وبعضهم يركضون وراه وتعرف اي مواقع يدخل وشنو يسوي وشنو يقول عشان ما يستغفلها ويقول هاذي طيبة على نيتها وانا باسوي اللي يعجبني عشان يخاف منها ولا تسوي له مشكلة

الحين انتي طنشي ولا جنه صار مدام احذفه بس اذا عادها مرة ثانية تصرفي تصرف ثاني
ادري شي يعور القلب وانتي تبجين بس حبيبتي البجي ما يحل المشكلة انتي مهتمة تلاقينه اهو مو مهتم هالمرة عديها. أنا معاهاا

 

[يتيمة جابر العز]

خليج جااافه لمن يعتذرلج ويحسسج بالندم.

لاتهاونين عن هالسالفه لا يتمادى أكثر عليج

الله يسخره لج

 

[حبيبي مالكني]

تعوذي من ابليس حبيبتي
انتي غلطتي واجهتي ريلج اهو اكيد بينكر
كان المفروض
تاخذينه بالسياسة
نغزات وتلميح
بدون مايتاكد انج عرفتي
بس الي صار صار
وانتي لا تكبرين السالفة
قوليله انج مستعدة تسامحينه بشرط ان ما يعيدها
بس انتي خلي عينج عليه وراقبيه من بعيد لبعيد
وريلج اللحين بياخذ حذره اكثر من قبل يعني مستحيل يسمح لج تصيدين عليه زله
والله يسخركم حق بعض

 

[عزيز قلبي]

ابيج تقتنعين انه جذاب لو عكس جذي جان حلف يبه كبروا راسكم كلهم جذي
الا من رحم ربي عندهم نقص وما يعوضونه الا بهالطريقه

 

[Gatwa DaloO3a]

كذااااااااااااب ،،،، كل الرجال هذا عذرهم " حق رفيجي "

لو تشوفينه بعيوونك قدامك مع وحده بيقولك " حق رفيجي "


خلييك جااااافه لا تحسسينه انك غبيه ومشت عليك ووصدقتي ،، بنفس الوقت لا تفاتحينه بالموضوع اكثر من مره عشان لا يصير عنده تبلد ويقول بالطقااااااق


وعلى حسب الكلام اللي قريتيه ..... اذا هو كلام قوي لاتسامحينه بسهوله .. يعني كيف حسيتي بينهم علاقه ؟ ولا يحبها ؟ او طلب منها شي وصخ ؟؟ ....... وش حسيتي ؟


او تحسين يحبببك وماوده يخسرك على هالموقف ؟ وهو ندمان وحاس بالغلط !

 

[كويتيه مذهله 87]

اخييييييه

ما ادري شقولج بس بدعيلج الله يسخره لج ويبعد عنه بنات الخرام

 

[M!SS.LOBY]

الله يهديه ويصلح حالكم

بس لا تغثين عمرج وتنكدين على نفسج وتتدهور صحتج

حطي في بالج لو يبيها ويحبها كان ما يكلمها بالخش و الدس

 

[Perfume]

امبيييه
الرياييل هذي جذبتهم الابدية
مو انا واحد من الربع
وبعدين يعصب ويقلب السالفة عليج
والله مادري شقولج حبيبتي
الله يسخره لج

 

[~ دلال و غلا ~]

شفييييهم الرياجيل هالايام كله خيانات و خرابيط
يمكن ع شان اكثروو بنات ابليس !!

الله ينزل ع قلبج الراحه و السكينه حبيبتي و الله يسخره لج و يهدي سركم

 

[توتة UAE]

هيه والله كل شي وأي شي "ربيعي" الحجة
تمي زعلانة منه واسكتي عنه لين ما يراضيج
ويعتذر خليه اييب لج هدية ولا تطلعون ويا بعض
كم من يوم . . عقب ارضي

قوي علاقتج بالله وتعلقي بالله بسّ، كلهم بيخذلونج
إلا الله، بتشوفين الراحة والرضى والسعادة 3>

 

[منوه الودعاني]

المشكله انا حامل اول حمل لي


جالس يتعذر لي كل شوي ۆآللــہ مو انا ۆآللــہ واحد من ربع مرسله لي علي الواتس اب
قلت شلوووون واحد من ربع واهو نفس اسمك ونفس صوره اللي تحطها
جان كل شوي يجيني ۆآللــہ مو انا

وصار نقاش حاد بيني وبينه قوي
ف قام يبجي ويقول هذا اخر كلامج ماكو ثقه خساره طحتي من عيني

انا ماتحملت دخت وطحت ع بطني وانا حامل
وينزل معي ماي خفيف ويوديني للمستشفي
يوم ردينا اهو بغرفه وانا بغرفه
اهو معااه سكر حتي واهو صايم ٢٠٠ مقياس سكره
قال خلاص صدقتي ان هذا انا طنشت طبعا قلت
ورحت للغرفه جاني منهار حالته ل الله

ماعرفت شسوي فيه خفت يموت علي من سكر
لن العصبيه ترفع سكر
بعد ماصحصح قلت بيني وبين نفسي بفوت
هالمره بسس ورب الكعبه اذا صار شي وحسيت فيه شي
لـآء القلبها فوق تحت


وربي ي بنااااات مسكته لتلفون يعور قلبي



لني عرفته عدل مو راعي هالسواااالف


واللي يقولون لـآء تبجين

وش حيلت ضعيف غير مسح دموع والبج
وكل شوي اقول من تسولف وياه قال هاج فتشي تلفوني
قلت لـآء بسس لـآء تضيع نفسك ونفسي ونفس اليهال اللي بطني
ورا بنااات الحرام اللي بتخليك وبتاحجي غيرك

بعدها قال انا مااشوف الا انتي ومن هالسوالف




بسس حسبي الله ونعم الوكيل
الله يسخره لي ي رب العالمين

المشكله ماعندي خوات كبار بسس وحده وصغييره حيل بهالسوالف

علشان جذيه جيت اهني وقلت سالفتي

 

[زوجة عزيز]

لا مو بس تسكتين و تسكرين ع الموضوع
اصلاً هذآ اللي بخليه يتمـآدى زعلي منه و تضايقي وخليه يبوس ريلج و يرآضيج وبعدين سـآمحيه !

معاها مايعرفون هالسوالف عن ازواجهم ويسكتون جذي كل مره بيعيدها

 

[دانة_ دبي]

يعني محادثة رفيجه ليش بتلفونه

يعني سبحان الله الشباب بيطلع مليون عذر

بس من يشوف محادثة ف تلفون زوجته والله انه يرتكب فيها جريمة اغتيال و يرميها لبيت اهلها

 

[Bent AlNoor]

لا تتصرفين بعصبيه امبين الريال غلط و انكشف...طنشي الموضمع و خليها ضحك لا يحس انك بتنكدين عليه حياته لان راح يبدي يوخر و يسولف مع بنات اكثر عشان يحس بالوناسه...خذيها نكته كل ما حسيتيه بعيد قوليله انا بعد مشغوله بالمسجات يا ترى اذا انشغلت عني ادور غيرك؟ و ضحكي...اهو مبين انه حس بالذنب و هذا المطلوب بس لا تقلبينها نكد و الا راح يكمل بهذا الطريج

 

[i'm so happy]

طالعه موضه الخيانه !!

شهالمرض العصري الله يكون في عونج بسسس

عليج تواجهينه ولا تسكتين