تكفووووووون بس خلاص stooop it!!!

[ana mo ana]

اول شي السـلاااام عليكم

بدش سييييده بالمووووضووع لاني جد جد زهقت*


بنات تكفون واللي يرحم والديكم ...ما يصير كذا ... تكفوووون لا ... ليش انتوا كذا..؟*
<<< اخلصي عاد قلبتيه مسلسل كويتي*


بنات ترى والله الحياة مو كلها تدور حول الرجال وشنو يحب و ما يحب*
وشنو اللي لازم تعودينه عليه واللي مو لازم يتعود عليه..!!!!!!
وشنو بتسوين له بكرا والي عقبه واللي عقب عقبه

عيشووووا حياتكم .., استانسوا .. تمتعوا... تكفيين انتي وياها ترا كلها 50 سنه بتعيشين وعقب بتموتين شوووفي حياتش وسوي اللي تبينه وقت ماتبين ولا تحسبين حساب شي

مو تقولين اخاف اسوي كذا ويصير كذا... لا حووبي عيشي اللحظه اللي انتي فيها

لش خلق ( انتي ) تكشخين اكشخي
لش خلق ( انتي) تضحكين اضحكي

تعبانه ومو نايمه ورجلش تأخر نااااامي شنووو يعني ... ؟؟!

لا تخلينه محور اهتمامش وكل دنيتش

اممممم تخيليه شي زايد ,., *اضافي يعني لا تتعلقين فيه واجد عشان لا تتحطمين ولا تهملينه كلش عاد لا مو هذا قصدي

لا بنات افهموني ابيكم تكونون مستقلين بشخصياتكم... شكثثثثر بنات يغيرون شخصياتهم ويمسحون هويتهم ويتصنعون عشان الرجال..،.<<< وياليت يبين بعينه عاد

شكثر بنات قبل الزواج يحبون يسوون اشياء وهوايات بس عقب ما اعرسوا خلوها وتركوها طيييييب لييييش انتي اعرستي ولا متي ..؟!


..؟ بقولكم مثال عني..امس صار:

انا صارلي سنتين معرسه اوك وعمرررري مانقشت لاني ما اشتهيته

امس كذا فجأه قلت بنقش .. شفت صوره ودخلت مزاجي عاد قلت استأذن من رجلي واروح الصالون : قلتله المسكين تشقق وقعد يبتسم قلت يعني موافق اروح كان يسألني : ليه بتنقشين.؟!

قلت له والله اشتهيت

الرجال وجهه انقص قال عز الله ماقلتي عشانك

قلت له والله ياحبيبي الصراحه وبدون لا تزعل صج اني احبك بس كللللل شي اسوي اسويه لنفسي اولا بعدين لك وماحسيت الا المخده ع راسي


ههههههههاهااااييييي*


حسسيه انش تحبين نفسش وهو وجوده وعدمه واحد... عشان لا يمل
ترا اغلب الرياجيل يحبون كذا

وادري انكم بتقولون هاذي الظاهر انها حياتها منعفسه وتبي تعفس حياتنا


بس صدقوني الحمدلله حيل مرتاحه مع رجلي ويحبني واحبه وكل هذا بفضل ربي اولا واخر وهاذي والله طريقتي معاه( حيييل عايشه حياتي بدون تفكير ومحاتاه وهم وغم)

وسامحووني اذا ضايقتكم او حسيتوا اني ثقيله

بس اهم شي بعطيكم نصايح:
قوي علاقتش بربش حيل لانه هو اللي بيده كل شي

دايم بيني لرجلش انش تحبين اهلش وتستانسين عندهم ودااايم امدحيهم وديري بالش تقولين عنهم سلبيه وحده

حبيه رجلش بحدوووود ولا تلغين نفسش ووناستش عشانه


والله يوفقكم ويسعدكم يااارب ويشرح صدوركم ويسخر لكم رياجيلكم


السلااام
*
*

 

[غارقة بأحزانها]

صح لسانج
كل كلمة قلتيها صح
بس هم اقول لي فات الفوت ماينفع الصوت
الحين توني استوعب هالكلام عقب خمس سنين زواج
الحين لما قمت اسوي جذي قام يعتبره تمرد
كنت صغيرة وطايرة فيه وابيه يحبني مثل ما انا اعشقه وهيمانه فيه
يالله الله كريم

 

[ميمي..]

100%
بس مو الكل يقدر يطبق

 

[غرق بالماي]

اب اب للرفع

 

[عمرها السعودية]

تصدقين شكلك نفسي سبحانة نفس الطينة دايم اقول لنفسي او للي حواليي

بس مو اي حد خواتي امي وخوياتي .. بعيش لنفسي اتكشخ اتفنن اسوي الهوايات

اللي احبهم من غير مافكر باحد .. صحيح ماني مقصرة معة ان شاء الله بس بحدود لية

اقلق نفسي .. اعيش حياتي هي مرة وبعجز وان عجزت وش يرد ايام الصبا << انقلبت عجوز خخخخخخخخ

صادقة بكلامك والله لاسويتي شي لا تنتظرينة يمدح .. والشي الزين سوية من نفسك من غير ماهو يقولك

هذي كلمة امي لنا الله يخليها .. ونفس كلامك تقول الرجال يحب البنت اللي تتزين وتدخل عادي تخلية يتلهف

متى تسويها مرة ثانية يعني مو كل يوم .. تزيني بحدود بس اوقات خلي الزينة فل شوية يعني كانك رايحة

حفلة << امحق وصف ... وبس طولت هع

 

[@ نجمة العطااا @]

مو مع الكل ينفع هالاسلوب !!!
لكن صح معاك حق ان للوحده تعيش حياتها واهتماماتها وتكون صداقات وحضور اجتماعي
لان في النهاية هذي حياتها ومحد ليخسر او يربح الا هي
وهذا أسلوبي من زمان والحمدلله مرتاحه وهو بعد مرتاح

 

[واقعية حـلـم !]

انا مو متزوجة بس كلامج نظريا صحيح

لان بهالطريقة انت ما تحملين الرجال مسؤولية ان ييسعدك و هالشي يخليه يستمتع بالعلاقة الزوجية بدال لا يعتبرها واجب ثقيل

و بنفس الوقت تجنبين نفسج الصدمة لو ما حصلت منه على ردة فعل معينه و غالبا احنا ما ننصدم من الناس لا ننصدم من انهم ما سوو الي انتوقعه منهم و انت بطريقته معتمدة على نفسك لاسعاد نفسك و مو حاطة سقف توقع مرتفع للزوج و بجذي بتقدرين كل شي يسويه و تعشين اللحظة


الله يديم عليك العقل و الثقل ويبارك لك بهالعقلية و يزيدك سعادة و هنا


موفقة

 

[leeny]

: الرجل كالشاي والمرأة كالبسكوته فاحذري ان تنغمسي في الشاي فتختفين ويبقى شاي ويبحث عن بسكوته اخرى 

 

[زوجة عزيز]

شنسوي يا اختي الله كريم والله كلامج كله عدل

 

[شوق بدر]

كلام سليييييييييييييمممممممممممم

 

[كويتيه شماليه]

مادري شقول بس انا رايي ان الرياجيل مو واحد كل واحد له طريقته
انا عن نفسي دايماً احط له الاولويه واحط لكلمته الف حساب واحترمه حيل
وكل شي افكر فيه هو اللي يقرره لانه الحمدلله زين معاي
ودايماً اقوله شوف حطيت هالمكياج لك او لبست هالشغله لك او حتى بصبغ شعري لك والحمدلله اشوفه يقدرني اكثر ويحترمني اكثر

وفي حريم ان قالت له انا حطيت لك هالمكياج يرد عليها غصب عنج مو بكيفج ويشوف نفسه عليها

يعني باختصااار كل رجال وطبعه وطريقته في منهم يبيلهم تجعيم ٢٤ ساعه وفي منهم اللي يقدر ويملا عينه

والحمدلله اصابعج مو سوا واعذريني انا مو معاج بهالنقطه

 

[مولاي الفرج]

كل وحده تعرف شلون يتعلق زوجها فيها اذا يحب تحسسه باستقلاليتها او يكون اهو كل اهتمامها

 

[عمرها السعودية]

بنات هي قصدها واضح لا تقصرين مع رجلك ولا تجيبين لنفسك القلق يعني دللية وحبية وطيعية

بس لا تخلينة اكبر همك بحدووووووووووود .. عطي نفسك مجال دلعي نفسك مارسي هواياتك

اهتمي بنفسك كذا يعني p:

 

[ana mo ana]

ارحبووووووووا ....

يسلمووو ع التفااعل

بنوتات حلوات انا مو قصدي انش تسحبين عليه مرا وحده لا خلش انسان مستقل بروحه لش شخصيتش وتعبرين عن نفسش بدوون خوف والله بيعجبه هالشي او لا

وندري ان المره المفروض تضحي وتتنازل عن شغلات عشان رجله بس عااد مو لدرجه انها خلاااااص تصير تابعه له... لا ما احب كذا

انا والله ماطرت علي فكرة الموضوع الا من مواضيع وردود اغلب اابنات
( لا دير بالش تسوين كذا...، ترا بيعصب .. ترا بيزعل ترا وترا.....>>> شنووو ماكو شغل غيره خل يزعل عوافي كلنا نزعل ونرضا


حييييل يحاتون ويهتمون ترا كل هذا ياخذ من صحتش وحياتش


لي بااااك وارد ع كل وحده منكم اممممواه

 

[عاشقه رويشد]

صح لسانج وعدل كلامج عاد توني قاعده اقري موضوع احسسسس وااااااااااايد الريال صار اهتمام المره اسويله واحطله ومادري شنو ليش اهوا ما يفكر بهشي ما تشووفون المره تكبر قبل الريال لانه الريال ما يشيل هم شي مريح باله بس الهم والقثا لنا احنا
اعيش يومي لحظه بلحظه بس مو معناته اهمله لا امسك العصا من النص علي قولتهم وتمشي الحياه

 

[ana mo ana]

صح لسانج
كل كلمة قلتيها صح
بس هم اقول لي فات الفوت ماينفع الصوت
الحين توني استوعب هالكلام عقب خمس سنين زواج
الحين لما قمت اسوي جذي قام يعتبره تمرد
كنت صغيرة وطايرة فيه وابيه يحبني مثل ما انا اعشقه وهيمانه فيه
يالله الله كريم

صح بدنش حبيبتي
لا تقولين يعتبره تمرد ليش انتي شمسويه..؟!
عايشه حياتش لنفسش وعقب له....

وين التمرد بالسالفه... اطيعك وع عيني وراسي رجلي واحترمك واللي تبيه حاضر بس لي وصلت السالفه انش تنسين روحش عشانه لا اهني ستووووب


والله يوفقش ياقلبي ويسعدش

 

[كويتيه شماليه]

مادري مافهمت شنو تقصدين بالضبط
بالنسبه لي مو خوف من زوجي كثر ما هو احترام بيني وبينه يعني اذا سمعت كلمته يعتبر خوف منه مثلاً؟؟

عموما كل وحده تعرف شخصية زوجها وموكل واحد تمشي معاه طريقتج ..

 

[مجنونة حبه]

صح كلامج وانا معاج بالضبط اهو يسوي الي يبيه بعد الزواج واشوف الحريم بعد الزواج يسوون الي زوجهم يبيه واهم مو مقتنعين ومثال عليه الجسم
وحده قبل الزواج جسمها حلو وضعيف والاهم من شذي صحي لا ضغط ولا سكر ولا كليسترول وبعد الزواج امتيييييييييييييينه وان قلنالها ضعفي اتقول لا ريلي يحب شذي يبيني مربربه اوكي وانتي عاجبج اكيد عاجبها تاكل الي تبيه ولا تهتم بالوزن وشوفي الامراض حتى لو مابينت عليها الحين باجر لي كبرت شوفي شلون صحتها

دايما اقول جسمج انتي مو ريلج تبين تكونين ضعيفه حق نفسج لان الريل ماله راي يوم يبيج ضعيفه ويوم متينه فراح تتعبين
وشعر بعد استغرب تصبغه ولا اتقصه علشان ريلها ليش شوفي نفسج بالمنظره اذا عاجبج انتي وعاجبج اتغيرين لوكج غيريه حق نفسج

والي يقول راحت علينا اقولها لا ابدي من هاللحظه كتبي لسته وشوفي شنو الي تبين يتغير فيج وشنو الي ودج اتسوينه
وابتدي فيه
وتسلمين على هالموضوع

 

[ana mo ana]

100%
بس مو الكل يقدر يطبق

اذا حبيتي نفسش بتقدرين تطبقين حبيبتي
يسلموو ع المرور

 

[ana mo ana]

اب اب للرفع

الله يرفع شانش