تكفوووووون ساعدون بترتيب حمامي(كرمكم الله)

[الباسمه]

مرحبا حبايبي كويتيات
بدش بالموضوع ع طوول
حمامي دثره بمعنى الكلمه حاطه سلال الملابس فو الغلاله اوتوماتك
لان ما عندي مكان انا بشقه عند حموله
المهم وشاريه من ايكيا ارفف خشبيه 5 ادوار مربعه وحاطتها ورى باب الحمام وكلها متروسه ادوات تنظيف خاصه وكريمات وسنفرات وحمام زيت وشامبوات واشياء كثيره وبعد اغراض لزوجي ماكينه الحلاقه وشموع زينه
اشتريت بوكسات بس طلعت صعبه علي كلما ابي شغله اقعد افتح واسكر
ابي طريق لترتيب اغراضي بالاضافه الي الصابون الغسيل والكومفرت
واكون شاكره لكم مشاركتكم ومروركم
ملاحظه:ماقدر احط شي تحت على الارض ممكن اعلق بس على الطوفه

 

[الباسمه]

الغلاله = الغساله

 

[البرنسيسه سعاد]

شوفي اختي

الحوض السباحه حطي عنده الشامبووات والكريمات

و5 ادوار هذا حطي فيه ورد صناعي وحطي فيها اشوي الكريمات

واشتري الطبقات الى تتعلق وعلقيها عند الغساله وحطي فيهم الكومفوورت

وان شاءالله تعجبج الطريقه

 

[ريماا]

عدل كلامم البرنسية اشترى الرفوف اللى تتعلق وحطيهم فوق مكان الغسالة وحطى فيهم سلال ذرية تحصلينهم بايكيا
حطى فيهم الصابون وغيرة
والرفوف الخشب عندى مثلة ترسى سلال وحطى اغراضج فية بدال مايكونون مكشوفين حتى بالتنظيف اسهل او دوريلهم مكان برا الحمام

 

[الباسمه]

يعطيكم العافيه على مشاركتكم
وودي بافكار ثانيه

 

[al-zabarjad]

حبيبتي

أول شي تسوين تتخلصين من الأغراض اللي ماتحتاجينها أو اللي تمت مدة ماستخدمتيها والبالية
لا تخشين وادعسين قطي ونظفي المكان:icon30:

وبعدين بزاوية صوب البانيو حطي هذي الأرف ورتبي عليها أغراضكم الشخصية انتي وريلج للسباحة

وفوق المرحاض تقدرين تحطين هالأرفف وتحطين فيه باجي الأغراض

وصوب المغسلة حطي لج هالأرفف للفوط وباجي أدواتج من كريمات وأدوات حلاقة زوجج

وإذا طلعت أغراضج أكثر من هالأرفف.. حطي فوق الغساله أرفف بعد للصابون وأدوات التنظيف

شوفي هالطريقة لترتيب الحمام وايد حلوة

وترى كل السوالف اللي انعرضت من ايكيا
وان شاء الله فدتج حبوبة :eh_s(9):

 

[ام علوش]

هذي أفكار بس للأمانه منقوله لعيونكم... دعواتكم

هذي تعليقة توضع في زاوية الحمام على شكل سلال ممكن تضعي بها أدوات الحمام من شامبوهات ومناشف وصابون




وهذة طريقة مرتبة لوضع المناشف على ارفف من الاستيل




وممكن وضع المناشف في سلال


وهذي صور زياده ممكن تفيدك



استبدلي المناشف بأغراضك

 

[الباسمه]

جزاكم اله الف خير
اختي al-zabarjad افدتيني بالصور وخصوصا قسم الغساله
اختي ام علوش صور الحمام تهبل بس هذا ماودج حتى عيالنا يستخدمونه

 

[ام علوش]

هههههههه

ايه والله وانت الصادقه كان يصير عفيسه من تحت ايدينهم الله يصلحهم :ada:

العفو ياقلبي

 

[al-zabarjad]

حياج الله حبيبتي

 

[ms.dlw3h]

مشكوره اختي علي الفكر

ان شاءلله اروح ايكيا واشوف شغلتهم الحلوة

 

[أم أحلى حمودي]

لرفع

 

[FoOoShYaa]

ليش ما تحطين الغساله في المطبخ والمنظفات كلها في كبيت المطبخ يصير الحمام مو دثرة واشتري الكبت اليلاستك ابو دروج حطي كل شغلج مال الحمام فية

 

[FoOoShYaa]

ليش ما تحطين الغساله في المطبخ والمنظفات كلها في كبيت المطبخ يصير الحمام مو دثرة واشتري الكبت اليلاستك ابو دروج حطي كل شغلج مال الحمام فية