تكفووووون ابــِي نصيحتكم

[السيدة الصغيرة]

:bbbiu:السلام عليكم ورحمة الله وبركاته

اللي تقرا موضوعي الله يجازيها خير ووفقها ترد علي
تكفون ياحبوبات ابي نصيحتكم

ولدي عمره عشر اشهر ولين الحين ينام بليل معاي انا وزوجي بغرفتنا
وانا حامل وقريب اولد والجاهل الجديد بنام عندي شلون اعوده ينام بغرفته
مع العلم هو العصر ينام بغرفته وعنده الخدامه
ما اقدر اخلي الاثنين عندي بعدين الكبير شهرين ويكمل السنه لازم يتعود يكون
بغرفته
تكفون اللي عندها خبره ترد علي
ومشكووووورين*

 

["*آآآنؤؤؤقهـ*"]

انا بنتي عمرها سنه و4 اشهور وماخلها ابروحها توها صغيره اشلون اخلها لحالهاا صغييييييييييييييييييره

اشلون انتي

حبيبتي ولدج الكبير خليه بسريره الكبير اللي يكون معاج بغرفه
ولدج الصغير خلييه بسريره الصغير الكاروكه بالارض او بينج وبين زوجج شتسوين بعد

 

[auoma]

من صجج تخلين ولدج عمره سنه ينام بروحه شنو كبير عمره سنه بس
حرام تطلعينه هذا بيبي شلون تأمنين تخلينه عند الخدامه
انا كنت نفس وضعج اول طفلين كانوا ورأ بعض ونومتهم اثنينهم عندي لما يبت الثالث طلعتهم كان اعمارهم ٤و٣سنوات

 

[السيدة الصغيرة]

بخلي الخدامه تنام عنده وباب غرفته مفتوح
لان لو ينام مع الصغير راح يفز من صوته لو بجى
ما ابي يتعود ينام معاي احسه كبر
ومشكووووووره حبيبتي الله يجازيج خير

 

[السيدة الصغيرة]

بس جذي راح يتعود اذا ماتعلم من هو صغير راح يطول وهو عندي ويقوم كل مايفز
يبي ينام على سريري احس موشي
تسلمين حبيبتي

 

[ام الحلوااات]

بخلي الخدامه تنام عنده وباب غرفته مفتوح
لان لو ينام مع الصغير راح يفز من صوته لو بجى
ما ابي يتعود ينام معاي احسه كبر
ومشكووووووره حبيبتي الله يجازيج خير

ويـــــن كـــبـــيـــر مـــعـــه الــمــســكـــيـــن عـــمـــره ســـنـــه يــبـــي حــضــــن يــبـــي حــنـــان تــقــطــيـنــه عــلــى الــخـــادمـــه يــا قـــــوووو قــلــبــج
خــلــيـــه عــنـــدج وبــس يــصــيــر عــمـــره ســنــتــيــن ونـــص او ثــلاث عــلــمــيــه يــنــاااام بـروحــــه
انــا نــومــت بــنــتـــي الاولـــى مــعـــي لــعــمـــر الــثــلاث ســنــيــن وصــلــحــتــلــهــا بــعـــدهــا غــــرفــه خــلـيــتــهــا تــخــــتــار الـــوانــهــا ومــفــرشــهــا ومــن فــرحــتــها بــالــغــرفــه بــس تــلـعـــب فيــهــا طــول الــنـهـار
وكــانــت رااااافــضـــه تــنــام فيــهــا مــن خــوفــهــا
ولــمــا انــومــهــا فــيــهــا الــقــاهــا آخـــر اللـــيـــل جــايــتــنــي ســـاريـــه تـــبــي تـنـــام عــنــدي
وجــلــســت شــهـــور عــلــى ذا الــحـــالـــه وشــــوووووي شـــــووووي مــن خــاطــرهــا قــالــت ابــي انــام بــغــرفــتــي بــس خــلــي اخــتـــي تــنــام مــعـــي وخــلــيــت الــصــغــيــره تــنـــام مــعــاهــا واخــــذت عــلــيــهــا اكــثــر مــنـــي لــعــلـــمــك بــنــتــي الكــبــيــره عــمــرهــا 4 ســنــوات ونـــص والــصــغــيــره 2 وثـــلاث شــهــــوروالــى الان مـــو مــرتــاحـــه وهــم بــغـــرفــه ثــانــيــه لان بــنــتــي الــكــبــيـــرة رااااعــــيـــــه احــــلاااام وســاعــات تــقــوم مــفــزوعــــه وتــبــجــي​

 

[tbola]

مادري احس تو الناااس

 

[@ام يوسف@]

ااب

 

[قنــــــــــوت]

انا ولدي الكبير عودته على غرفته .... لما كمل سنه ...
كان يكسر خاطري ويبجي حيل ...
.... بس كنت اقعد عنده بغرفته لما ينام .... وبعدين اروح لغرفتي ... شوي شوي لما تعوّد ينام بروحه ...
وشرّف البيبي الثاني ...

ودي اوصيج بشغله ....
ديري بالج تخلينه مع الخدامه ....

ترى الخدامات بعضهم اذا ملوا من الياهل ..يطقونه علشان ينام ...
وتوقعي منهم اي شي .... خصوصا اذا وحدة تعبانه ومالها خلق الياهل ..
ومتطمنه انج نايمه وماتدرين عنها ...


ديري بالج تخلينه مع الخدامه ....

 

[العفاسيه]

يو الله يعينج صغار عيالج
خلي ولدج الكبير ينام بغرفتة وخلي الخدامه تنام عنده وحطي جهاز مراقبه وكل شوي طلي عليه

 

[^_^يالي احبه^_^]

اب اب

 

[سوسن1980]

الله يعينك

 

[الشيب الفلاحي]

انا ما افضل صراحه بس اذا كلش كلش مضطرة ونومج خفيف تفزين على ادنى صوت , اخذي جهاز اللاسلكي مال اليهال وشبكيه واحد عندج واحد عند وليدج , صراحة هذا اسلوبي مع عيالي , لما يكملون السنتين :rerrerek:اضمن الجهاز ولا الخدام الله يكافينا شرررررهم


وبتلاقينها اشكال والوان واسعار مختلفه , فيه منها على بعد خمسين متر , موجوده في مذركير وبيبي شوب

 

[mannawy]

بصراحه انا نفس مشكلة الاخت (السيده الصغيره) بس انا مستحيل اخلي ام سنه تنام بروحها وبالنسبه للياهل الياي بالسلامه حاولي تقومين قبل وقت رضعته عشان تتداركين البجي. انا لما رجعت لبيتي بعد الولاده كان عندي ياهل كبير بالبيت (زوجي) مايبي ازعاج عشان دوامه فكانت هذي طريقتي ولما احس انها مستعسره وراح تبجي او حتى تطول بالبجي اروح الصاله اتمشى فيها واقعد معاها لين تهدا وتنام. احس حرام ينامون بروحهم وماعتقد اي وحده في الدنيا بتكون احن عليهم منج وبصراحه نفس ماقالوا الخوات لو شنو مايصير لا تأمنين على الخدم لانها مايهمها الا نفسها ومعاشها وهذا اللي تبيه واللي يايه عشانه ونادر حاليا مانلاقي خدم نفس ملوت اول الحنونين اللي يتأمنون.

 

[السيدة الصغيرة]

مشكورين حبايبي الله يعينا