تكفوووون كويتيات في وحدة عندها نفس بنتي ولا بنتي غيييييير!!

[افراحي]

السلام عليكم ورحمة الله وبركاته..

بناااات والله مدري شقول..انا انسانه من ولا شي اقعد افكر واوسوس واسوي موضوووووع مو عاد وسمعت الكلام اللي سمعته صج لي ساعتين بس قاعدة افكر...!!

حبيباتي انا بنتي الحين بثانية روضه حلووو بالحكومة..المهم بنتي من داومت ماوديتها بس اول يومين بعدين صارت تروح مع ولد حماي وخدامتهم..المهم اليوم قعدت شفت نفسي فايقة ورايقة قلت خل اودي بنتي اليوم واونسها..ووديتها لحد صفها..

المهم لما وديتها وشافتني الابله جان تقول انتي ام فلانه قلت انا ايه جان تقول اخييييييييييييرا شفناج!!
طبعا انا ليش ابله عسى ماشر (والله العظيم انا قلبي انخبص) جان تقول انتي يبليج قعدة خااااصة اكلمج عن بنتج..(بنات ماتصدقون شلون قلبي يدق بسرررررعة انا حيييييل خوافة وخصوصا على بنتي)

المهم جان تقول بنتج بعالم ثاني والاطفال الباقين بعالم قلت انا ليش؟؟ قالت دايما تحب تلعب وترسم والاطفال يقعدون على الارض وهي تقول لا بقعد على الكرسي واذا وديتها المطعم كل الاطفال ياكلون وهي تروح تطامر على المسرح وماتبي احد يردها عن شي كلللللللش لما اشرح احس انها مو معانا بس بآخر الدرس انصدم انها حافظة الدرس حتى تشرح حق اللي معاها بالصف وتراها ذكية وفطينه وبسرعة تحفظ ورسامة ماهرة بس مادري ليش تحب تكون سرحانه وحتى ودها تسوي كل شي بروحها ماتبي احد من الاطفال يشاركها..ايه وتقول اذا كلمتها ماتحب تطالع فيني كل عيونها بالارض ومرات اجبرها تطالع فيني عشان اعطيها هديه مثلا..انتي لازم تعودينها تطالع بالشخص اللي جدامها اذا كلمها..

بنات للعلم ..انا بشقة بروحي وبنتي تمت بدون اخوان كل هالسنين الا قبل 4 شهور جبت ولد..يعني كانت لحااااالها وحييييييل مدلعة مني ومن ابوها..لان ماكان عندنا غيرها وهي حييييل عبثية ومشاغبة بالبيت وسالفة انها ماتحب تطالع باللي جدامها انا لاحظتها بس ماحسيت انها شي كبير يعني اهي تطالع فيني وتطالع في ابوها وتطالع بالتلفزيون بس اذا احد غريب ماتطالع فيه حتى لو يكلمها..

بنات انا خاااايفة وطريقة الابلة وشلون كلمتني حسيت ان في مشكلة حقيقية...!! تكفووون بنات هل هالشي يستدعي اني اخاااف على بنيتي ولا لا؟؟

طمنوني الله يخليكم​

 

[أم حيدر]

انشالله مافيها الا العافية

ولدي ما يحب يختلط باليهال وايد ، اهو بأولى روضه شخصيته أكبر من عمره

قبل يومين اللي المدرسة قالتلي بدى يتكلم مع الأطفال

نوعه يراقب ويراقب ويراقب بعدين يختلط

ان شالله ما عليها شر

 

[افراحي]

انشالله مافيها الا العافية

ولدي ما يحب يختلط باليهال وايد ، اهو بأولى روضه شخصيته أكبر من عمره

قبل يومين اللي المدرسة قالتلي بدى يتكلم مع الأطفال

نوعه يراقب ويراقب ويراقب بعدين يختلط

ان شالله ما عليها شر

مشكوووورة ام حيدر انشالله مافيها الا العافيه بس الابله وطريقة كلامها لي تحسسني ان في شي خطييييييير!!
الله يعيني بس من الوسواس اللي انا فيه

 

[×× شموخ أنثى ××]

رد : تكفوووون كويتيات في وحدة عندها نفس بنتي ولا بنتي غيييييير!!

لا اله الا الله

هالمدرسه كبرت الموضوع وأهو هين ..

أنا ولدي كان نفس بنتج .. وعادي ألحين برابع ابتدائي ومافيه الا العافيه ..

بنتج خجوله وتستحي ومو متعوده تشارك الأطفال لأنها بروحها بس باجر لما تختلط فيهم وتتعود عليهم الله يعينج عليها ..

لاتحاتين مافيها شي ..

بس أنتي حاولي تدخلينها مع بنات أهلكم وخواتكم خلها تتعود على الناس ..

أنا من بدأ زوجي ياخذ ولدي الدواوين تعدل حاله ..

ويارب يخليها لج ..

 

[افراحي]

مشكوووورة ×× شموخ أنثى ×× حبيبتي بنتي مو خجووووولة بالعكس حيييييل جريئة بس تحب تعيش بعالم لحالها .. وفيها طبع اذا شافت عند اي احد لعبة تاخذها منه وتقول هذي لعبتي كل شي عندها حقها..مع العلم العابها ترس غرفتها بس مادري لش هالطبع فيها والله انا احس بنتي حالة استثنائية لحالها..

 

[Hello_kitty]

حبيبيتي الله يكون بعونج من شاف اسلوب الأبله بسالي يقول البنت مسكينه مسويه مصيبه

تبين الصج والله العظيم كل اللي قالته الأبله ما عندها سالفه شنو يعني طفله تلعب بالمسرح ولا تبي تقعد بالكرسي خير عسى ماشر؟

الأبله ماعندها سالفه تي تعيش الدور ولا ماشالله بنتج بارك الرحمن رووووووعه المفروض تفتخرين فيها شاطره ورسامه وفطينه

بعد شتبي؟ والا تحط عينعا وتخز بالناس عشان تعطيها الهديه؟

لاتفكين ولاتحاتين مافيها الا العافيه

 

[أمـ مـحـمـد ــ]

رد : تكفوووون كويتيات في وحدة عندها نفس بنتي ولا بنتي غيييييير!!

انشالله مافيها الا العافيه لاتحاتين

 

[مدمنة ككاو]

ما فيها شي اسم الله عليها يكون بتطلع هالابله فيها يعني !!!

ما لج شغل فيها وخليها شوي شوي بتتعود على اجواء المدرسه واذا تاخرت شي طبيعي عشان تعودت على جو البيت

 

[&شهرزاد&]

شنو هل الابله الحمدلله والشكررر


بصرااحه مهما نقول ان عيالنا بأيادي امينه وكفأ الا الوااحد يخاااااااااااف من هل المستوووى

انا ولدي بصراحه صعب يختلط مع اليهال على قوله ام حيدرر ان يراقب وبعدين يندمج هذا اذا ماعجبه ماااااندمج مع اليهال

ان شالله مافيها الا العافيه ولا تحاتين واذا كلش كلمي ابلتها الثاانيه

 

[أم زايد ويزن]

رد : تكفوووون كويتيات في وحدة عندها نفس بنتي ولا بنتي غيييييير!!

كل الاطفال جذي واذا مو كلهم نصهم
واذا عن الخجل لانها تمت فتره طويله بروحها واذا تعودت تخالط الجهال اكثر راح تختفي ها العاده ان شاءالله