تكفوووون ردووو علي بموووت من التفكير..شسوي؟؟

[منيتي اسعده]

السلاااااام عليكم
شلوووووونكم عرووووووسات

والله متضاااايقه صاااكه فيني الدنيا ومالي عقب الله الا انتم
أنا صارلي متزوجه سنه وجم شهر
ماصار حمل ))الحمدلله علي كل حال
رحنا قبل شهرين سوينا تحاليل عند د.ناهده العلي
وطلعت النتيجه،،،،
،،،
،،،
الحمدلله أنا سليمه
بس ريلي عنده مشكله...
قالو ان عدد الحيوانات المنويه قليل
عنده بس مليون حيوان منوي
والحيويه 40٪


بصراحه انصدمنااااااا ونفسيت ريلي صااارت اكس
وصار ماايني نفس قبل وكله متضايق وعلي أتفه شي يزعل ويعصب
مع انه يحاول مايبين لي ويقول الحمدلله علي كل حال وان شاء الله ربي بيرزقنا والله كريم
بس من داخله مهزووووز من داخله تعبااااان ومايرضي يتكلم بالموضوع ولا يبي افتح الموضوع معاه
وانا كنت صابره وانطره تهدي نفسيته عشان نتكلم بس تعبت وانا انطره وصارت نفسيتي العن منه
ادري غلط بس شسوي الوضع صعب
واهو مايبي احد يدري ومحذرني مااقول لاحد
بس ماتحملت.. وقلت حق امي
والله ارتحت لما قلت حق امي اللي بقلبي وهدتي وسالت ويابت لي اسم دكتور زين (خالد حموده)
ولما قلت حق ريلي عصب يقول خذه حياتي محد يتدخل فيها وليش تقولين حق امج ومن هالكلام
بس هدا شوي وقالي دقي علي العياده وحجزي موعد(الحمدلله هدي) وحجزت موعد يوم الأحد الياي

شنووو الحل توقعون أنا خايفه يكون ماكو علاج الا طفل أنابيب
؟؟؟؟؟؟؟؟؟؟؟؟؟؟
بنااااااااات تكفوووووووون ريحوووووووني قولولي في احد عنده نفس حالتي وفي امل؟؟؟؟؟؟؟؟؟
ريحووووني تكفووون...........*

 

[مناوووي]

حبيبتي

اول شي عليج بسووورة البقره والاستغفااااااااااااااار


والصدقه

واعرف ناااااس واجد نفس حاالتكم

وعادي فيه اللي احملوا طبيعي سبحان الله

وفيه اللي احملوا بحقن مجهري


انتي توكلي على الله وروحو للدكتوور وهو يبين لكم اكثر

عسى الله يرزقكم

ويفرح قلبكم

ونصيييحه لاتقولين لاي احد


حتى امج المفروض ماتقولين لها حتى لو قلتيلها ماتقولين لزووجج انج قلتلها لانه تضاايق


المهم لاتقولين لاحد

والله كريم

 

[hazel eyes]

رد : تكفوووون ردووو علي بموووت من التفكير..شسوي؟؟

خليه يجررب العسل ع الريج حيييل مفيد

 

[منيتي اسعده]

افااااااا 30 اللي دشتو و2 اللي ردو
أنا اول مره انزل موضوع عندكم ماتوقعتكم جذي

مناوووي يزاج الله خير
hazel eyes مشكوره حبيبتي

بناااااات محتااااجه وقفتكم معاااااي

 

[om deaj]

نا خايفه يكون ماكو علاج الا طفل أنابيب

قولي الحمدلله انه اكو حل ليش خايفة

بنت خالة امي في امريكا عمرها فوق ال40 وماحملت الا بطفل انابيب وعقب جم مرة

عليج بالصلاة والدعاء والصدقة والعسل ان شاء الله يفيد معاكم

بس اختي نصيحة حتى لو قلتي لامج ماكانله داعي تقولينله انه امج درت
هالشي يجرح الريال وايد والله يسخره لج

 

[رووحي لغاليها]

رد : تكفوووون ردووو علي بموووت من التفكير..شسوي؟؟

هلا منيتي
جمعة مباركة

حياتي انا نفس حالتج والحمدالله عندي 2 اللة يخليهم لي ياررررررب


قعدت ثلاث سنين والحمداللة رزقني بولد وصراحة محد يدري عني كلش
واكيد نفسيتة بتتعب لانة فية شي بس حالتتنا احس من ناس وااااااااااجد الله يرزقهم وهذي بالعكس اهم شي النفسية وانتي شجعية مفروض ما قلتي للوالدة راح اتحاتيكم
وبعدها بخمس سنين جبت الثاني
وبين الفتراااات كنت احمل واسقط حملت خمس وسقطتهم الله يعوضني خير وترى الحين العلة مني صار فيني ضعف بالمبايض
وقبل كم فترة حلل منوي صار تحليلة زين
ترى يمكن لما سوى التحليل النفسية كانت صفر او يحاتي او توة تكرموووون منزل
كلة على النفسية
ترى ولدي الثاني جبتة طبيعي بدون علاج بس اكثر الاستغفار والاذكار والرقية والاول كنت علاج ورة بعض واجهضت وبعدها عالجت ثلاث شهور ماصار بعدها قال ارتاحي شهر وارتحت وبعدها حملت والحمدالله بدون علاج بسي من تاثير العلاج الثلاث شهور حملت وللة الحمد وانشاء الله تبشرينا بحملج عن قرييييييييب يارب واهم شي النفسية ولا تعلميييييييييييييييييييين احد

والله يوفقكم ويرزقكم الذرية الصالحة يارب وحنا بعد وياااااكنم وكل البنات اللي تبي ياررررب



واسفة اني طولت علييييج بس انشاء الله اني افدتج يارررب

 

[تررترر]

رد : تكفوووون ردووو علي بموووت من التفكير..شسوي؟؟

روحوا عند دكتور مسالك بولية هو أفهم في هالأمور وممكن يكون فيكم إلتهابات هي إللي مسببة هالشي وإذا زوجج خذا علاج لازم تتعالجين معاه في نفس الوقت عند هالدكتور وترا البويضة محتاجة حيوان منوي واحد عشان تتلقح وانتي زوجج عنده مليون وهذي نعمة تستحق الحمد والشكر ولا تنسين إن النفسية لها دور كبير في نجاح أي أمر فلازم إنج ما تحسسين زوجج إن فيه شي وعسى الله يرزقكم ويرزقني ويرزق كل محروم بالذرية الصالحة المتشافية المتعافية اللهم آآآآآآآمين

 

[ايام وردية]

رد : تكفوووون ردووو علي بموووت من التفكير..شسوي؟؟

ياحبيبتي عندكم مليون حيوان احمدي ربك هذولا يكثرون بالادوية والعلاجات

في غيرك ماعندة ولاحيوان يعني صفر

انا انصحك وانا مثلك يعني كلنا بالهوا سوا

لكن ربنا كريم والله املي بربي انو بيرزقني قريب فلا يروح منك الامل بالله تعالى

 

[ايام وردية]

رد : تكفوووون ردووو علي بموووت من التفكير..شسوي؟؟

اية حبيبتي نسيت اقولك

زوجي عدد الحيوانات المنوية عنده 2مليون يعني اكثر من زوجك بمليون

وصرفلة الدكتور دوا اسمة بروكسيد بلس

والحمدلله استخدمة تقريبا شهر وحلل قبل كم يوم وعدد الحيوانات المنوية عنده 23 مليون ماشاءاللة

فاصحك فية واللة انة طيب وسريع المفعول

للمعلومية زوجي فية دوالي وهو سبب نقص الحيوانات عنده

 

[دلوعت مودها]

الله يرزقج ويشفي زوجج بس ليش متضايقه حالت زوجج موصعبه ان شاء الله,,,
بس فهمي هالشي والعلاج سهل وانصحج بالعسل من بوطلال او معجزة الشفاء ترى حييييييييييييل مفيد للرجل وخاصة اذا كان مدخن,,,

 

[كويتيه مذهله 87]

د خالد حموده روحيله وانتي مغمضه
وجربي الاطفال الانابيب ترى هالشي موعيب ولا حرام الي مثل حاله ريلج وفروا وقت حرام تتعبون بلابر والعسل وهالخرابيط جربي الاطفال الانابيب وان شالله يارب تحملين

,,,

 

[مها يعقوب]

رد : تكفوووون ردووو علي بموووت من التفكير..شسوي؟؟

قولي الحمداللة علي كل شي وماعليج اله بصلاة واستخاره وبالعكس حسسية انه هذا قضاء وقدر كلة بيد اللة سبحانة وقوليلة خيره ولاتفتحين هالموضوع اله اذا كان مرتاح وفهمية هالشي موبس فيه اكيد بريايل وايد واللة يسخرة لج ويملكج قلبة ويرزقج بالذرية الصالحة :denya:

 

[الغــــرور]

حبيبتي.....

الكل شي علاج.... وكله بيد الله سبحانه....

انا نفس حالتك يالغالية... وانتي احسن من غيرك....

انا ولله الحمد والشكر الف مرة... زوجي صار احسن,, عطاه الدكتور فيتامينات وكلوميد.....

وان شاء الله بتحملين طبيعي.... ان شاء الله

بس نصيحة .. المفروض هالاشياء ماتقولينها لااحد.... واذا قلتيها لاتقولين له ...

مهما كان .. هذي تعتبر رجولتهم..... نصيحة اخت ^_^

وبقولك انا دكتوري منع من زوجي الدجاج والتدخين اذا كان يدخن.. .... حاولي تعوضينه باكل بحري....

وانا الحين زوجي له 8 شهور ماياكل دجاج......

 

[ايام وردية]

رد : تكفوووون ردووو علي بموووت من التفكير..شسوي؟؟

الغرور ليش الدجاج وش فية؟؟؟؟؟؟؟؟؟؟؟؟

 

[الغــــرور]

هلا حبيبتي......

في شي يرفع الهرمون عند الشباب.... بس ايش والله نسيت......

اذا ر حت لها بااخذ الاسم صح...

وثاني شي اعرف وحده من صديقاتي... زوجها يعتبر صفر .. مافيه حيوانات منوية....

فتقولي الدكتور مانع زوجها من الدجاج............ .,؟؟

 

[رووحي لغاليها]

رد : تكفوووون ردووو علي بموووت من التفكير..شسوي؟؟

الله يرزقج يارب

 

[مارغريتا]

الله يهداج ليش قلتي له انج قلتي لامج


ماعليه اللي فات مات بس وصي امج لا تنشر الخبر

وريلج ساعديه عشان نفسيته تصير زينه وخل يعيد التحليل يمكن على قولة روحي ماصار عدل او شويه او شي

وبعدين حتى لو فيه علاج وفيه امل ان شالله

وحتى لو انابيب دام فيه حل اللهم لك الحمد

روحي للدكتور وحاولي تعيدين التحليل


الله يرزقكم ان شالله

 

[ام كوشه منكووشه]

رد : تكفوووون ردووو علي بموووت من التفكير..شسوي؟؟

حبيبتي لا تحاتين ان شاءالله ماكو الا العافيه وطالما ان بس نسبته ضعيفه فهذا شي مبشر انه في امل انه بس ياخذ علاج ويتحسن

 

[بطة رشيقة]

الله يشاااااااااااافيه يارب ويرفع عنه ويرزقكم ان شالله ..

 

[@ بنت النـور @]

رد : تكفوووون ردووو علي بموووت من التفكير..شسوي؟؟

عسى الله يرزقج ويفرح قلبج يارب