تكفوووون بنات دشو وساعدونى بنتى ؟؟؟؟؟؟؟؟

[روح مووود]

:eh_s(2):سلام عليكم ...
حبيت اسأل بنتى الحين عمرها سنه وست شهووور
:eh_s(11):للأسف مامشت للحين بنات تكفوون طمنونى عآدى ولا لا
ووزنها بس 8كليوو بنات تكفووون ساعدونى والله انى احسس بتعب من كثر مأشليها لطلعت وانا حامل بى ست شهور وتعب الحمل
:eh_s(2):اتمنى كل وحده تدخل وتطمنى لو برد او جبر خااااطر والله نفسيتى بى الحضيض من الحمل ومن بنتى :eh_s(2):الحين دايم معصبه وحالتى حاله والله احسس بتعب غير طبيعى من الحمل وبنتى :eh_s(2):بنات تكفون ردو على وطمنونى ...والله الحين حتى طلعه من البيت مأطلع ابد
لأن بنتى خلاص مقدر عليه...اتمنى تساااعدونى

 

[صابرة وراضية]

ياحبيبتى الله يعينج ويكملج على خير وتقومين بالسلامة ويبارك لج فيها ياارب..بس تراها متاخرة بالمشى لان الطبيعى على سنة يمشون ومعروف ان البنات اخف فى المشى من الولد وتمشى قبله وتسنن قبله ...قبل لا اقولج اعطيها كالسيوم وشربيها لبن كتيرواكليها سمك كتير فيه اوميجاثرى مفيدة جدا للعظام الافضل لج ان تروحى على دكتور يطمنج عليها احسها متاخرة شوى بس لا تحاتين ان شاء الله خير...

 

[روح مووود]

حبيبتى مشكوووووووره على الرد يعنى اوديها لدكتور احسن

 

[روح مووود]

اتمنى من كل وحده تدخل ترد وتطمنى اذ جربت مع عيالها
او لا تكفوووووووووون لا تدخلوون ولا تردون احس داايم انزل مواضيع والله ماتاخذ حقها ترا والله لكم اجر

 

[noo7a]

انزين
حتى ما تحاول تمشي كلش ؟
يعني تمسك الغنفات وجذي !

 

[سوسو حبيبتى]

اختي الله يشفي لك بنتك وييسر لك امورك

بس ليش استنيتي كل الوقت دة؟

اكيد محتاجة دكتور بدون ما تسالينا لانها متاخرة .. وان شاء الله خيير

 

[روح مووود]

الا طبعا تمشى على الاشياء بسس على طووول تطيح مدرى ليش
اى فى شى قبل بس يومين لقى الدكتوور فى اذنها خرزهاااا حجمها صغير
وطلعها يمكن هى الى مأثره على التوازن؟؟؟؟؟؟؟؟؟؟؟؟؟

 

[لهفة المشتاقه]

حبيبتي لاتشاورينا علي طول دكتور
الله يشفيها ويخليها لج يارب وتفرحين وتفرحينا بمشيتها

 

[روح مووود]

يعنى الى دششو اكثر من الى ردو بنات ترا ماله داعى تدخلين ومااااتردين انا مانزلت الموضوع
الا ابى مساعده يعنى لو جبر خااااطر مو تدخلين وماتردين ماله داعى الحركه هآآآآذى

 

[كوكه]

حبيبتي لازم تودينها دكتور. و لاتحاتين ان شاء الله ما فيها الا العافية
بس لاتتاخرين عليها


 

[ضايعه بينهم]

حبيبتي الله يقومج بالسلامه
ويخليلج بنوتج الحمدالله بما انها تمشي واطيح ماعليها شر
بس عشان انتي ترتاحين روحي لدكتور اطفال
وللمعلوميه البكر سبحان الله يتاخر في المشي والتسنين عكس اخوانه
ولاتضايقين وانا اختج

 

[روح مووود]

مشكووووورة حبيبتى جزاكم الله خير

 

[*ماي الورد*]

طلعيها بالشمس الصبح
و عطيها فيتامينات

 

[كويتيه ذربه]

والله وديها حق دكتور احسن
وان شاءالله مافيها شي بس للاطمئنان

بس حاولي ماتشيلينها وايد خليها تحاول تمشي من نفسها مره مرتين ثلاث تتسند عالاشياء وان شاءالله تمشي
ييبيلها مشايه اللي طاوله العاب ختدزها وان شاءالله تتعود

وطمنينا عليها

 

[أم ميميتو]

حبيبتي سنه وست شهور واااااايد و اعتقد المفروض وزنها يكون اكثر من جذي وديها الطبيب وايد احسن الله يطمن قلبج يا عمري

 

[باقة ورد]

حبيبتي باختصار بنتج متاخرة بالمشي ولازم تودينها الطبيب ابي افهم اشناطرة؟؟؟؟؟؟؟؟؟؟؟

 

[ريكاتو]

حبيبتي انشالله تشوفينها بعد تركض
انتي وديها للطبيب للاطمانان

 

[راتشيل]

ودها حق دكتور خل يفحصها حتي وزينه شوى ما علي المشي في ناس بالعمر هذا بس تخطي يمكن يكون ورثه

 

[جديده 1]

لاتنطرين وحده تطمنج .. بنتج اتوقع وزنها ضعيف.. يبيلها يزيد شويه .. و يمكن عندها ضعف كالسيوم او فيتامين د .. اهي مو مشكله اكبيره .. بس متى ما عالجتيها امورج اوكي .. بتقعدين جذي ماراح يفيد بشي

 

[جديده 1]

وزن 50 % من الاطفال بعمر بنتج لازم يكون 10 كيلو .. و 30 % من الاطفال اهم وزنهم 8 كيلو .
لاتخافين وايد .. علاجها حيل حيل سهل بس يبيلج متابعه لها و تودينها عشان يسوون لها تحليل و يشوفون شنو الفيتامينات الناقصه عندها