تكفووون ياامهااات ساعدوني تعبت والله

[متفائله بلا حظ]

يابنات جيتكم من بعد الله ساعدوني
ولدي عمره سنتين اسم الله عليه من ولدته لليووم ماانمت ليله كامله المفروضض يتعدل نومه بس هذااا تعببببني
ينام الساعه 12 الين الساعه 4 نومته اوكي بعدها خلاص يقعد يبكي ويتقلب اعطيه حليب ابدل البامبرز فراشه مريح بس مااكووو فاايددده بعد شوي يتعب ويستسلم وينام ساعتين ويرجع نفس الموال :eh_s(2):
اللحين
من الساعه 4 وهو يبكي ويتقلب للحين الساعه بتصير سبع تلفت اعصابي والله اني شوي وادعي عليه بس امسك نفسي تعبت ولاادري شسوي
بعد شهر ببلش دوامي شلون اداوم وهو هالشكل مومخليني انام
واللحين حامل بعد كم شهر بيجي بيبي جديد المفروض ولدي نومه عدل بس بتعب اكثر هو بصوب والبيبي بصوب
ياربي تساعدني وتهديه وتريح
ساعدوني شسوي فيه شالحل والله اكتب وماسكه نفسي لاابجي :eh_s(16):

 

[ريح قهوه]

الله يعينج حاسه فيج بنتي كانت جذي بس لين ماصار عمرها ٦ شهور تعدلت ما ادري شوفي يمكن انتي منج الغلط يمكن تنومينه العصر او يمكن طبيعة ولدج يشبع نوم بسرعه واذا عالبجيً الله يصبرج ياليته يقعد ويسكت بس صج لا قعد الجاهل يبجي ويتنرفز تكرهين حتى نفسج اقري عليه وارقيه وحطي له البقره بصوت واطي وسمي عليه وطولي بالج ولاتدعين عليه حاسه فيج والله من القهر مو بيدج بس شوفي شنو سبب طبعه اللي يخليه جذي لان سنتين كبير والله يخليه لج ويهديه وعليج بدعاء بوقت الصلاة ان الله يهديه ومايعذبج بتربيته ويهديه للسراط المستقيم ويجعلة قرت عينج

 

[شوق الخلود]

حاولي تاكلية اكل لين يشبع ولا تنوميه الظهر وباليل ينام متاخر حدة الساعة 10 وقبل لا ينام يتسبح وماكل طيب هو ينام عندج ولا بغرفة ثانية والله يعينج

 

[متفائله بلا حظ]

ريحة القهوه
تسلمين حياتي والله اسعدني ردج والله يخلياج بنيتج ويسهل علي وعليج
ويعيننا ويواجرنا ع تربيتهم
شكرا حبيبتي

 

[متفائله بلا حظ]

هلا ام عبودي
ولدي ينام معاي ومتأذيه من هالسالفه لويحس اني مو جنبه مستحيل ينام
والله يعيني مالي الا الدعاء الله يهديه ولايشقيني معاه

 

[ام مهاوش]

ولدج نفس بنتي بالضبط وانا داشه هني بكتب موضوع
بنتي كانت لي سنتين تنام ثلاث ساعات او اربع وتقعد بالليل تبي تلعب وتبي ابطل الليت وتبي تلفزيون وتخيلي انا وراي دوام يعني كل يوم اروح الدوام وانا مونايمه الا ساعتين بالكثير
والحين بنتي عمرها سنتين وسبع اشهر اشويه تعدلت قامت تنام ثلاث او اربع ساعات بعدين تقوم تشرب حليب وترد مره ثاانيه تنام ساعتين وترد تقوم بعد تعبت منها الله يهديها ودي يوم تنام نومه متواصله والله تعور قلبي على حالتها هذي حتى بقطع الحليب عنها ماني قادره
صج تعبت الله يهدي عيالنا ويصلحهم تكفون بنات اللي عندها حل لاتبخل علينا الله يجزاها خير

 

[^DanaH^]

حبيبتي الله يعينج .... اعرفي مصدر هالبجي يعني ليش يبجي !!! متخربط نومه او جوعان او شي يعوره ... حاولي تعدلين نومه ... او سوي تحاليل شامله يمكن في شي ... والله يخليه لج يارب