تكفووون لحقوني همستراتي يتهاوشووون

[kuwaitya-frawla]

السلام عليكم


شلونكم حبيباتي



خل اقول لكم السالفه


انا عندي همستر بنوته تهبل و نوعه روسي و تقريبا من ثلاث اشهر اهي عندي و اليوم ضاق خلقي عليها قلت


اييب لها ريال يمكن يتزوجون و اييبون لي همسترات حلوين صغااار


بس اللي صاااار شى ثاني صارت معركه


اول شى طلعت البنت عل ارض و خليت الريال يمشي يمها ولا يتهاوشون ولا اوخرهم وارد البنت قفصها


و حطيت الريال معاها ولا يتهاوشووون حييييييييييييييييييييييييييييييييل مت من الخرعه قلت لا يذبحون بعض



جان اطلع الريال وعليه مسكين حطيته بروحه :0bee2e8d89:



شسوي ؟؟ليش جذي يتهاوشووون؟معقوله مو عاجبها عاد اهي بيضه واهو اسود يهبل :0bee2e8d89:




:dddds: مفروض تغنيله اسمر سلبني الروووووح :dddds: :krkrkr:



بس عفيه اللي تعرف ليش تهاوشو ولا عندها فكره يا ريت تساعدووني :0bee2e8d89:



بانتظاااركم حبيباتي

 

[xXBountyXx]

لا لا حبيبتي

فصليهم ابسرعه ألحين
قبل لا تاكله!!


فصليهم وانا اقولج شتسوين عقب!!

 

[xXBountyXx]

حبيبتي

توني انتبه على باقي كلامج انج فصلتيهم


زين اشوه


المهم

انا اقولج الغلط في وين


المفروض تدخلين النثيه في قفص الذكر

غلط تدخلين الذكر على قفص النثيه

راح تذبحه!!

اذا عندج بس قفص واحد


انا افضل تشترين قفص صغير احتياط

بس اذا ماتقدرين

مو مشكله

طلعي النثيه من القفص

نظفيه وغيري النشاره

ومسحي القفص بشوية ديتول مخفف بالماي

عشان تروح ريحة النثيه من القفص

عقب

حطي الذكر بالقفص

وخليه فيه فتره

يعني يومين الى ثلاث ايام

وعقب دخلي النثيه عليه

وان شاء الله ماكو مشاكل

بس ضروري

تراقبينهم

دخلي النثيه عليه وخلج حريصه

راقبيهم ترى ممكن النثيه ماتتقبل الذكر

اذا طاف عليهم ثلاث ايام واهما مع بعض ومافي مشاكل يعني الامور كلها تماااام

اهني خلاص ماله داعي تراقبين خلاص



ان شاء الله اكون قدمتلج ولو القليل من الفايده


تقبلي مروري
xXBountyXx

 

[kuwaitya-frawla]

اييي فصلتهم من اول ما تهاوشون وخرتهم خفت




شسوي الحين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[kuwaitya-frawla]

اووووووووووكيييييييييييي




خل اقووووم اغسل قفصهااااااااااااااااااااااااااااااااااا ههههههههههههههههههههههه يالله ابي عياال ابي اصير يده



هههههههههههههههه



مشكوره حياتي عل مساعده

 

[جارة القمر1]

والله وناسة ودي همستر شوقتيني ويلا مبروك مقدما ياليده لووول وكلام باونتي صح انشاالله يتفاهمون بس يمكن مو عاجبها يعني اشلون لووول

وانشااالله الامور اتكون اوكي

 

[xXBountyXx]

حياج يا قلبي بأي وقت




تحياتي
xXBountyXx

 

[مدام فاشن]

ههههههههههههههه

والله ضحكتيني الله يخليلج عيالج


ذكرتيني بالقطوه الي عندنا يوم يبنالها الريل ماعجبها وذبحته تكفخ وطول اليوم يتهاوشون ويوم راح صارت تبيه قامت تسوي حركات قرعه

 

[daloo3ah]

كنت بقولج مثل ما قالت باونتي .. الاكيد انها تهاوشت معاه لانه دششتي الذكر عليها بالقفص والمفروض العكس ..

وديري بالج لا تكون اكبر منه ! ماراح يتزاوجون .......


هذا على حسب معلومـــــــــاتي ..

وموفقه

 

[kuwaitya-frawla]

ههههه قووووه



و عدت اليكم من جديد






غسلت القفص و حطيت الاسمراني فيه و شلت خالتي قماشه و حطيتها بالقفص الثاني



بس والله شى يبت لها ريال اسمر شحلاته تتهاوش معاه صج ما عندها نظر ههههههههههههههههههههههههههههههههههههههه



وشحلاته يهبل بس تصدقون والله مادري جنه اصغر منها الريال ((وي فشله يصير مثل نوال الكويتيه و العروج)) كااااك




والله غير سالفه هذي اذا مو عاجبها الريال من يلي اليمعه باخذها معاي واخليها اهي تختار لها واحد و تفكني

الظاهر تبيه ابيض مثلها هههههههههههههههههههههههه



و مشكورين حبيباتي على كل كلمه حطيتوها والله لا يحرمني منكم يسلمي راااسكوووووم








وراح انقل لكم الاحداث اول بأول....ويارب اصير يده عن قرييييييييب ههههههههههههههه ترى عمري 20 مو 80 ههههههههههه




اشوفكم على خير حبيباتي

 

[AmOoNa-]

حبيبتي النثيه اذا كبيره صعب جدا انها تتقبل ذكر مالج الا تبدلينها اهي بكبرها وتيبين زوجين صغار

 

[kuwaitya-frawla]

بجرب مثل ما علمتوني عقب يومين بدخلها عليه و كتب كتابهم ههههههههه بس انشالله عاد يكون عرس و فرح مو حرررب


و يسوون لي كونفووو

 

[بنت رؤس القبايل]

خرعتينى على اللى عندى عمرهم ماتهاوشوووو

 

[kuwaitya-frawla]

مادري غريبييين الضاهر مو عاجبها بو سمره خخخخخخخخخخخخخخخخخخخخخخخخخخخخخخخخخخ




خل ننطر هل يومين ودخلها عليه و يارب ما يتهاوشوووون

 

[Saroon]

looooooool

شوقتيني جان صورتيهم وهم يتهاوشوووون احسهم يضحكوون لووول

الصراحة ما عندي خبرة في عالم الهامسترات خبرتي كلها بالقطاوة

تكفين قوليلنا شصااار تزوجوا ولا لا؟

 

[kuwaitya-frawla]

بعد لي الحين ما دخلتها عليه باجر بدخلها و نشوف شيصير


ولما تهاوشو خرعوني طارو شوي بالهوا و يكافخون بعض ههههههههههههههههههههههه

 

[dady's girl]

ترا رفيجتي كان عندها اثنين جذي قامت الصبح لقت الهامستر الذكر عاض راس النثيه وذابحها ;\

 

[kuwaitya-frawla]

ها؟ ها؟ ذابحها؟؟؟؟؟؟؟؟؟؟؟؟؟؟؟؟شنوووووووووووووو






لا يبا لا كتب كتاب ولا شى يالله ماكو عرس كل واحد فبيته يبيها يدق عليها تلفون غير جذي ما عندي




خرعتيني

 

[SaD FaCe]

باونتي ما قصرت

وها بشرينا ..؟

 

[xXBountyXx]

لا تخافين حبيبتي


في كل مره الهامستر ياكل او يذبح هامستر ثاني

لازم في سبب

وأحنا حاليا ماشين فالسليم معاج ومع همستراتج


بالنسبه للعمر

مافي مشكله

جايز ماتتقبله بس مو مستحيل تتقبله

أنا عندي ذكر عمره شهرين زاوجته مع هامستر عمرها 6 شهور

ومافي اي مشااااااكل نهائي

وللعلم مو اول مره ازاوج ذكر صغير بنثيه كبيره

عموما احنا معاج لي باجر

وان شاء الله يكون خير


بس مثل ماقتلج

دخليها وراقبيهم

لا تخلينهم بروحهم


لي تحسين أنه الوضع يطمن اشوي


بس للعلم عمليه الحرص والمراقبه راح تستمر لي 3 ايام

وبعدها تنتهي مرحلة الخطر << هههههههههههههههههه




تحياتي
xXBountyXx