تكفوون يابنات قولوا لي " مستشقى الجهراء "

[محترفة خلطات]

السلام عليكم ،، هلا بنات بغيت اسالكم انا كنت يصراحه افكر اولد بالخاص او الصباح لانهم يمدحون الصباح كثير بس الخاص من كثر ماشقت الاراء في المنتديات تخوفت منهم ،،والصباح انا ماني محسوبه عالمنطقه فالمستوصف نقلوني على الجهراء وللحين ماخذيت موعد بس قالوا ارجع يوم الثلاثاء باذن الله اخذ موعد وبغيت اسال شلون الدكارتره هناك والممرضات انا ما ابي دكتور رجل اقدر يعني اطلب دكتوره وتعاملهم والعنايه شلون انا ماعمري دخلت المستشفى ولاشفته وبغيت اطمن وارتاح نفسيا ،،كل اللي تاعبني هو التوليد يكون عن طريق دكتور رجل ابي دكتوره فالله يخليكم لاتبخلون علي فيدوني الله يسهل عليكم ويهون يارب ​

 

[محترفة خلطات]

15 مشاهده ولارد واحد شدعوه
على الاقل ارفعو الموضوع بدعوه

 

[سندريللا بطه]

اللي اعرفة بمستشفي الجهراء ماتقدرين تختارين دكتور ةلا دكتور
والله يقومج بالسلامة

 

[♥aמŘa]

الله يقومج بسلامه

حبيبتي الخاص احسن لج من الحكومي

 

[دارسين]

انا ولدت عند دكتور شعباان روعععه

 

[@رنوده@]

بنت خالتي تولد فيه وتمدحه حيل

ولما نزورها نلاقي الممرضات عندها

 

[قمورة الكويت]

حبيبتي ابوي يشتغل هناك .. بس مو بالولاده..

انتي الحين تقدرين تراجعين عند دكتوره طول فترة حملج بس حزت الولاده الكل يطل عليج الرجاجيل والحريم ..

احسن دكتوره بالجهرا سألت لج ابوي يقول دكتوره شيرين هنديه ضعيفه شاطره هاذي ..

وفي دكتوره خاااااايسه قطيعه مصريه اسمها هند على ما اعتقد ..

هو ترا احسن الدكاااااتره بالحكومي بس للاسف اسوأ الاجهزه واقدمها عندهم عشان جذي كل شي مو حلو بالحكومي اما الخاص فيه احسن الاجهزه والادويه والعنايه مع دكاتره مو ذاك الزود ..

شوفي مستشفى العرف حلوو وعنايتهم فوووق الروعه ..

 

[عرووسة ضااري:$]

الخاص احسن لج الجهرا ماعمري سمعت احد مدحهم

 

[عبير الكويت%%]

استخيري
احسن

 

[محترفة خلطات]

الله يجزاكم خير يالغاليات ماقصرتو ،، والله الخاص من كثر ماشفت اراء الاخوات عنهم في المنتديات خوفوني
كانهم يتاجرون بصحة الناس استغفر الله ،، انا باول حملي كنت متابعه بمستشفى الاهلي الخاص بالسعوديه
عند دكتوره مصريه عسل وربي تحطها عالجرح يطيب ،، والحين خلاص ملفي حولوه عالجهراء ،، وباذن الله استخير ربي واتوكل عليه ،، واشوف الدكتوره شيرين الهنديه اللي قالت الاخت قمورة الكويت ويارب يسهلهل لي ولجميع المسلمات​

 

[بحر الذكريات]

الله يهون عليج يارب بس مايصير تختارين الدكاتره لان مو بكيفج الا اذا بواسطه

 

[الشيخه11]

اختي تولد عندهم وتمدحه بس صج اجهزتهم قديم حتى ابرة ظهر للحين ما وصلت عندهم


الله يقومج بالسلامه حبيبتي ويسهل عليج

 

[محترفة خلطات]

الله يهون عليج يارب بس مايصير تختارين الدكاتره لان مو بكيفج الا اذا بواسطه

امين الله يجزاك خير يالغاليه ،، اذا عالواسطه في موجوده،،الحمد لله​

 

[محترفة خلطات]

اختي تولد عندهم وتمدحه بس صج اجهزتهم قديم حتى ابرة ظهر للحين ما وصلت عندهم


الله يقومج بالسلامه حبيبتي ويسهل عليج

امين ربي يسلمك يالغاليه ،، وابرة الظهر مايصير اشتريها من الصيدليه وهما يحطوها لي​

 

[ديانا سبنسر]

اذا انتي طبيعي وانتي مغمضة خاااص
واذا عملية لاوالله الجهرا زين عن تجربة

 

[دنيتى زوجي M]

ماعندي فكره

بس ربي يسهل عليج وتولدين بالسلامه

 

[حياتي زوجي&ولدي]

الله يسهل عليج

ويقومج بالسلامه

 

[الشموخ~~]

يقول المثل قط فلوسك بالشمس واقعد بالظلال ................. مقصب الجهرا اشهر مقصب فالكويت يوم ناسين مقص ويوم ناسين شاش والمرة الجاية بتلقينهم ناسين ممرضة داخل بالغلط ................ اشجب كل من يراجع هناك حتي لو فيهم فلونزا والله ماروح هالمستشفي لا ادارة لا موضفات لا سسترات كلة اكس اكس اكس وبعد اخر سالفة صارت لهم اللي بيولدونها وقطعو راس البيبي لا والدكتورة للحين موجودة بعرف شنو هالعالم ماقول الا ديري بالج تروحين والله ثم والله ناس ما تخاف الله هذا اللي بقولة

 

[محترفة خلطات]

اذا انتي طبيعي وانتي مغمضة خاااص
واذا عملية لاوالله الجهرا زين عن تجربة

والله للحين ما اعرف طبيعي والا قيصري ماقالوا لي شيء

ويجزاك الله خير اختي ​

 

[محترفة خلطات]

ماعندي فكره

بس ربي يسهل عليج وتولدين بالسلامه

امين يارب ،، الله يجزاك خير يالغاليه​

الله يسهل عليج

ويقومج بالسلامه

امين يارب ،، الله يجزاك خير ويسلمك حبيبتي ​