تكفوون ساعدوني عشان اخوي

[Pokerface]

السلام عليكم
بنات ابي ابلش على طول
انا عندي اخوي توه متخرج وتوظف وامي صارلها سنة تحن عليه وتبي تزوجه بنت من الديرة تقول حق اخوي كل شوي خلني اشوفلك وهو قافل مو راظي قاعد يقول اغسلوا ايدكم اتزوج من ديرتي هو تعقد بس المصيبة مو جذي بس المصيبة انه مايبي وحدة عربية كلش قاعد يقول انه يبي ياخذله وحده بريطانية واحنا عارفين انه عنيييد حيل يعني اتوقع لو جبتوا واحد يقرأ عليه ما راح يغير الي براسه والمصيبة انه قلبه طيب حيل وحبوب لو خذته الاجنبية راح نخسره
شنو تقترحون علي اني اسوي عشان اغير الي براسه

 

[JaDeL]

طيب اهو متعقد من بنات ديرته ليش؟

شنو السبب

 

[غلآة امي]

:s walllah ma adry shaguulich:s

allah yahdeeh inshallah

 

[غلآة امي]

:s walllah ma adry shaguulich:s

allah yahdeeh inshallah

 

[Tulips]

اذا مقتنع ماتقدرون تغصبونه و تظلمون بنت الناس معاه.

 

[Pokerface]

رد : تكفوون ساعدوني عشان اخوي

ايه مو المصيبة احنا خايفين عليه من الاجنبية انها تاخذه ديرتهم ومانشوفه ومادري هو ليش متعقد من بنات ديرته مع انه بصراحة ولا مرة شفته يكلم وحدة تليفونه اكثر من مرة مسكته ما شفت رقم وحدة فيه ولا اسم ولا حتى مسج احنا بس نبي نغير فكرته ما تقدرون الله يخليكم وحدة تعرف بس تقولي

 

[nona kwt]

اقولج شي قوليله هالكلام وشوفي قوليله الاجنبيه ماتدري عنها وترا عندهم النومه فراش حلال ع الاقل بنات الديره الله ساتر عليهم موياخذها مفتوحه(غير عذراء) والصراحه ياخي يابنات الكويت وانا منكم ياخي طلباتكم ووايد وزادت وصايرين تتشرطون و مو احديعجبكم تستاهلون يوم انا يروحون برا فالاحسن خفوا طلباتكم ومهركم ارضوا بالاربعه وغيره فلاتلمون لمايروحون برا واسفه ع الالفاظ الجريئه

 

[مـِړجـِۄۅجـِۃ]

زين يمكن يحب البريطانيه

الله يهديه وخلوا احد من عائلتكم يقنعه يعني يكون واحد كبير وفاهم

وان شاء الله تبشرينا بزواجه من كويييييتيه

 

[FdeT LmoSa]

صح يمكن يحب له بنت بريطانيه
بس طيعوني لا تتسرعون وتزوجنه
نطروو عليه شويه يمكن يغير رايه

 

[ترانيم القصيم]

قولي له /

" و لا تنكحوا المشركات حتى يؤمن و لأمة مؤمنة خير من مشركة و لو أعجبتكم "

 

[^مرايم^]

الله يهديه ..

 

[كتكوته ورديه]

اسحقه حارقه اعصابك اقوليه باجر اذا اعرست علي غير عربيه وجبت منها بنت اولد وقولي فرضا بنت وتتطلقوا تاخذذ البنت وتربيها بديرتها قصب عليه خل يحط احتمالات عديده بعدين ماتقدر تعيش الافتره وتنعاش مايبون عيشتنا واذا سمع كلامي ادعيلي

 

[يوآش يوآش]

الله يهديه


بس دام قال بريطانيه معناته يحب له وحده

عيل شمعنى بريطانيه ..؟؟

وبعدين ترا اهوا اللي راح يرتبط فيهاا

واذا يحبها خلووو كيفه ..

وان شالله ما يأخذ الا اللي انتوا تبونها

 

[Pokerface]

رد : تكفوون ساعدوني عشان اخوي

اشكركم بنات على نصايحكم يله شنسوي بعد

 

[cuteya1986]

اختارووله بنت كويتية بملامح او ستايل اجنبي واقنعووووه بهالفكرة

 

[Q8.4U]

اكيد يحبله وحده من بره ويبي يمهدلكم الموضوع

 

[Pokerface]

رد : رد: تكفوون ساعدوني عشان اخوي

اختارووله بنت كويتية بملامح او ستايل اجنبي واقنعووووه بهالفكرة

ما نلاقي
هو نقوله خنشوفلك يقول ما عندي مانع بس تكون شقرة وعيونها زرق يقول يبي عياله يطلعون انشالله شقر وعيون زرق

 

[Pokerface]

رد : رد: تكفوون ساعدوني عشان اخوي

اكيد يحبله وحده من بره ويبي يمهدلكم الموضوع

شلون يحبله من بره هو ولا مرة سافر بلد اجنبية توه متخرج وعمره حتى ما دخل 21

 

[ThEQuEEn]

مو شرط .. يمكن متعرف عليهآ بالنت .. الله يهديه

 

[noorq8]

شكلي باشتغل خطابه قوليله تقول لك نور عندنا بمدرسة بناتي وحده مزيوووووونه امها انجليزيه بس ابوها كويتي اشراااايك تخطبها لك :eh_s(1): جد شوفوله وحده جذيه