تكفوون بنتـي ذبحهـا الأسهـال

[غـرامـي أنـت]

مسـاء الخييير ,,


بليييز بنـات بنتي عمرها سنه ونص ما أدري شفيهـا صارلها 12 يووم كله سهال قوووي

وريحته غررريبه وديتها الطبيب عطاني لها علاج ومحلوول ولا خف بالعكس زاد

وأمس وديتها طبيب ثانـي تخيلوو شنوو قالت لي ؟؟!!

تقوول بسراحه ما أدري شنو فيها << طيب أنا ليه جايبتها لك!!!!

وتقوول افطميها من الحلييب لمدة 3 ايـام ...

ومن امس ماعطيتها حليبهاا ,,

تـعـبـت مـعـهـا وحتـى هـي المسكينــه حيييييييييييييل ضعفت


قالولي منقوع الرز زين عطيتها قالولي نشا عطيتها قالولي تفاح عطيتها

قالولي زباادي عطيتهاا ,,,

بجد حييييييييييييل كاسررره خاطررري

شنوو أسووويلها ؟؟!

بلييييز ادعوولهااا الله يشافيهـاا ..




..​

 

[نسيم الشاطئ]

السلام عليكم ورحمة الله وبركاته
أختي أنصحك بالكمون والطريقة اغسلي الكمون وضعيه في كأس
وأغلي ماء وضعيها على الكمون وأضيفي القليل من السكر
وأنصحك بالشاي مع الليمون الأسود
أهم شي دفي البنوتة
الله يقومها بالسلامة ويخليهالك يارب امين​

 

[رجفة وهم]

الشاي مع الليمون الأسود أو حطيه مع الزبادي

الزبادي حلو بيخفف الأسهال

الله يشفيها

 

[جهراويه مووووت.]

السلام أختي خفي لها الحليب يعني اذا حطيني لها ماي خمس أرقام حطي اربع ملاعق حليب
عن تجربه والله يشفيها

 

[امووووما]

حبيبتي في فايرس بالجو لا لتسويه تجارب بالياهل حرام أنا بنتي جذي لما صار فيها جفاف ما صارت زينه الا لما سدحتها بالمستشفى ثلاث ايام وقفو الترجيع والسهال من كثر ما تعبت وتحسرت خاطري شلت مستشفى السلام على راسي من البجي خخخخخ قتلهم أنا يايه بفلوسي ما اطلع من أهني الا لما بإذن الله تصحا يبولي احسن دكاترتكم

 

[al6aylaaa]

انصحك بالشاي الاسووود
اوو القهووه وليموون

 

[بتبوتااا]

حبيبتي هذي نزله معويه حاده اذكر ولدي البجر جذي اسهال قوي ماااي كلش وريحته غريبه وفايحه كان وديته الطبيب وبعدين خذو منه تحاليلي ولعوزوه جان اخذه مستشفى خاص عطوني علاج

شوووفي لااازم تعطينها درب في بالصيدليه على برتقال ونوع ثاني وفي مثل مال الطبيب

عطيها منه لازم يعوض السوائل وخلها تاكل موز وروب

 

[بيباا]

يااحياتي ربي يعااااااااااااافيه الدكتور صرفلهااا كابتين شراب
الكابتين مره كويس للساهال واديهاا سفن اب لو مره في اليوم بجد كويس للاسهااال

 

[شكرا"يا كويت]

بلييييييييييييييز عطيها مشروب سفن أب 7up , وعليها العافيه ان شالله

 

[حظ من عنده انا]

دهني بطنها


بزيت زيتون وكركم دفيهم شوي

ودهنيها

والله يشفيها

 

[ناصر حياتي]

السلام عليكم
الله يشافي بنتج يارب ويخليها لج
انا ولدي كان نفس حاله بنتج
وقعد ٢٥ يوم وانا رايحه راده على الطبيب ويقولون الحمدلله مافيه جفاف والولد بغى يروح من ايدينا والمستشفى ينتظرون لما يصير فيه جفاف
وبالاخير تعب من المستشفيات وديته حريم وقالت المره عطيه ملعقه صغيره كمون وملعقه صغيره محلب في كاسه ماى
وحطى على خشمه خوجوا
وعطتني له صعوط احط له الصبح والمغرب وانا استمريت على العيش المصري الجزر والروب وعصير التفاح
وثلاث ايام وصار زين ومافيه ولا شي والحمدلله
واسفه انا طولت بس حبيت انقل تجربتي لج ولا تنسين دفيه لان الايام هذي برد

 

[AVE.NJ]

انه هم ولدي ثاني اسبوع جذيه
بس قالو لي من التسنين علشان جذيه مو قلقه

 

[غـرامـي أنـت]

يعطيكم العافييه

صارلي يوومين وقفت الحليب عنها مثل ما قالت الدكتوره

وفعلا الحمدلله صحيح معها اسهال بس اخف من قبل بكثيير

الحييين بس مرتين باليووم

بس استغربت شدخل الحليب

مع العلم حليبها يمكن من 6 شهور تستخدمه و ولا ضرهاا؟؟!

 

[رهـوم]

صارت فبنتي مرتين مت من الاطبه وادويتهم مامنهم فايده

مافادها الا حليب نوفولاك حق الاسهال تلقينه بالجمعيات يومين ثلاثه الا وبنتج مافيها الا العافيه ان شاء الله

وهذي صورته

ماتشوف شر ان شاء الله ​

 

[المكسيكيه]

الله يشافيها ان شاء الله

 

[أم حورية]

في وحدة نومو بنتها بالمستشفى كان فيها اسهال وجربو كل شي ما فاد نصحتها وحدة بالطزيقة وتقول وقف

تلقين عند الحواي چثوح اهو صاير مثل البودر اخذي منه شوي وحطيه بمكان الخروج وانتي بكرامة يعني اخذي منه بصبعين ودخليه مكان الخروج شوي شوي وان شالله يوقف بس يبيله كذا مرة تحطين

والله يشفيها يااارب*

 

[مها2000]

شوفي حبيبتي
1-انصحك انك ما تعطينها شي ابد الا وقت الحاجه يعني عشان تريحين بطنها شوي لان الحين البطن متهيجه
2- بعدين بس تبدين معاها ماي العيش شوي شوي وحطي معاه قفشه صغييييره نشاء وعطيه اياه بالمميه
ممتاز
عن تجربه
وما تشوف شر ان شاء الله

 

[برميتا]

حبيبتي لا كمون ولا بطيخ
لا تلعبين بالبنت وديها الطبيب
12 يوم يعني اسهال قوي
وديها لازم يحطون عليها درب والا يحوشها جفاف
ترى الاسهال خطر

وفيه حليب خاص للاسهال ووقفي حليبها هذي أول خطوة
عطيها تفاح خليه يسود شوي يتغير لونه وعطيها
الجزر ووايد مفيد مهروس مبشور عصير المهم وايد زين
موز اخضر
عيش مع روب خالي الدسم
وكثري سوائل (سفن-عصير تفاح-ماي)

 

[الـفـجـر الـبـعـيـد]

الله يشافيها ان شالله

انا ولدي بعد اسهال بس خفيف مو قوي اتوقع تسنين عشان جذي مو خايفه

اعطيه روب وخضار مهروسه بطاط مع جزر وكوسا وقرع وعيش

 

[dimple]

حرام 12 يوم اسهال ترا مو شوية يهد حيلها حبيبتي صغيرة

لازم تستخدميلها حليب مخصص للاسهال و بعدين لازم مغذي لانه كثرة الاسهال تسبب جفاف او شربيها سفن اب على طول

و وديها المستشفى مرة ثانية و لادكتور اطفال يمكن لا سمح الله عندها حساسية من القمح و لا اي شي ثاني او فايرس بالمعدة

لازم تسويلها تحاليل و فحوصات

و الله يشافيها انشالله