تكفوون اللي مسويه ليزر حق وجهها تدش تكفووون

[بيـاض الثلج]

هاي بنات
بصراحة انا ودي اسوي ليزر حق الشعر اللي بوجهي بس واايد خوفوني وقالولي يطلع حبوب بعد الليزر ويشوه الوجه
وانا مادري شالحل يعني وجهي في شعر وودي اشيله والناس تقول راح يطلعلج حبوب ويشوه وجهج
تكفووووون بنات اللي جربت عياده زينه حق الليزر تفيدني تكفووون

 

[فدوووش]

بالعكس الليزر مايطلع حبوب بوجهك الا اذا بشرتك حساسه وتحطين بعد الجلسه كريم الحساسيه لمده ثلاث ايام وتختفي مثل ماصار مع اختي

نصيحه مني سويه بالشتاء عشان الشمس اذا عندك دوام

وان شاء الله البنات يفيدونك انا مب من الكويت

 

[ماجين]

اب اب اب
إن شاء الله البنات يفيدونج

 

[كويتية 222]

أهلين

لا طبعا هالكلام غير صحيح لا يطلع حبوب و لا يشوه الوجه

بس الشعر اللي بوجهج أسود و الا خفيف؟
عن تجربة
الليزرما يشيل الا الشعر الثقيل الاسود
أما الخفيف راح تتعبين بالجلسات ما راح تخلصين

تقدرين تسوين ليزر لنص وجهج مو شرط الوجه كامل
أقصد النص اللي تحت منطقة الشارب و الذقن

انا جربت رويال حياة
في البداية راح يسوولج اختبار اذا عندج حساسية من الليزر و الا لا
و اذا ما طلع عندج راح تبتدين بالجلسات
ممنوع تشيلين الشعر بالخيط او الشمع
راح تشيلينه بالشفرة
و بعدين ورا الجلسة تحطين كريم ميبو لمدة يومين
و لو تنطرين لما يبرد الجو أفضل لا تبلشين من الحين
و موفقة ان شاء الله

 

[ام عبد العزيز م]

للرفع

 

[Sarouni-]

اب لعيوونج
و عن تجربه شخصيه لا كلش بس اول يومين خاصه بأول جم جلسه و للعلم انا عمري ما شلت شعر ويهي حييل خفيف بس خف
و هم بعد حطي ببالج ليزر الويه مو نفس الجسم يعني اذاا بلشتي بعيادة كملي الجلسات كلها عندهم لان يعرفون على اي رقم كانوا حاينه بالجلسه اللي قبل
و الرقم يقل مع كل جلسه
توكلي و لا تحاتين
واذا كلش كلش تبين ترتاحين لان وايد بنات الليرز يأثر على اجسامهم تكون حساسه سووي فحص هرمونات تسويها لج اي دكتوره بالعياده
و موفقه يارب

 

[مدّهره !]

أناا أسووي بالعكس الحمد لله لكن تطلع لي حبوب ويحمر بعد الجلسه


لأن بشرتي حسااسه بس يومين ثلاثه أحط الكريم وأموري تمام


وطبعاً تبتعدييييين نهاائي عن الشمس لأن ممكن يبقع لج أسود

 

[sverige]

اختي مالنصحج بليزر الوجه الا في حال كان الشعر خشن جدااا يعني بالعامي عندك لحيه رجالي
اني عندي كم شعره سود طالعيلي وحسيت شعر وجهي كثيف رحت اريد اسوي ليزر عند العياده الي تسويلي رجليا
قالولي ابدااااا مننصح لانو يصير اسوء
وعن تجربه استعملي شرايح الواكس شبيهه الڤيت ماانصح بهذه الماركه معجبتني
بس الفكره نفسها للوجه وامسحي بالزيت الي يجي معاها هالشي ابدا ميحبب ولايخشن
بالعكس حسيت الشعر خف وتحسن

 

[@أم يوســـف@]

[انا اسوي ليزر بوجهي عند الدكتوره دلال التركيت وماشاء الله لا حبوب ولا احمرار

 

[حنانو 89]

اذا شعر الوجه مو كثيف واسود لاتسوينه مثل ماقالوا البنات لان بشره الوجه حساسه اكثر من الجسم وماينفع اذا شعرج خفيف او فاتح

 

[بيـاض الثلج]

حبايبي مشكووووورين وااايد عالردود وإن شاء الله بجرب نصايحكم :eh_s(7)::eh_s(7):