تكفون يللي رحتوا النمسا أدخلو

[ريماس الحلوه]

قوة بنات

بإختصار ناوية انا وزوجي وولدي نروح التمسا بس مادري اروح المانيا او فرنسا ابي الاقرب وابي الوفر والاحلى

ابي تكلمون عن احلى المناطق بالنمسا_03ba:

 

[أمانيQ8]

والله احنا نحسبها من ناحية التوفير وخلصنا بنروح انشاله شهر سبعه اوفرلج واسهل لج نزلي بألمانيا وروحي النمسا واقرب لج من فينا عالنمسا ....بس مادري اشقصتج بتأجرون سياره او شنو نظامكم؟؟ عشان اعرف ارد عليج

 

[ريماس الحلوه]

هلا أماني شكرا

أنا بخاطري فيينا وزلمسي بس قالو روحي لألمانيا وناس قالو فرنسا أحلى

أنا مو عارفة ابي الاحلى والاونس خصوصا معاي طفل عمرة سنتين ونص

 

[أمانيQ8]

والله فرنسا قوليلي شنو فبها؟؟ غير السوق الغالي ويورو ديزني والباجي قطيه وفوق هذا ناااااااار غاليه

سوي مثلي نزلي بألمانيا .. وروحي منها لزلمسي وفيينا ماتسوا اكثر من يوم عندج سالزبورغ وكابرون وزلمسي وسوسيرا انترلاكن يومين بنقعد فيها

بس فهميني زوجج بيأجر سياره يسوووق اهناك ولا شنو ؟؟

 

[أمانيQ8]

تبين اتضبطين رحلتج معانا يعني نفس المسار ؟؟ قوليلي اذا تبون عشان اعطيج التفاصيل
انا معاي زوجي وبناتي 3وام زوجي وابو زوجي

 

[ريماس الحلوه]

لا طبعا اكيد تكاسي

ياريت أماني شنو مسار رحلتج وانا طفلي عمرة 3 سنوات وانا من النوع اللى اموت بالتسوق
وودي اونس زوجي وطفلي

 

[ظلال القرآن]

انا حاطه موضوع شامل عن النمسا شوفيه

 

[أمانيQ8]

اسفه عالتأخير مسار رحلتي يالغاليه كويت المانيا(ميونخ)يوم وعقبها أنأجر سياره خاصه ارخص وواوفر من التكاسي ترا ينهبونج محد ياخذ تكاسي الحين ..عقبها نطلع من ميونخ بنروح بإذن الله النمسا بنستقر فيها وبعدها نروح ايطاليا سويسرا ويمكن بلجيكا ونرجع النمسا لان راح نكون مأجرين بيت فيها من اول مانزلناها بس نروح ونرجع له
البيت ارخص لج او الشقه من الفندق التكاسي وخري عنهم واهناك بتلاقين كل شي جدامج الرحلات للثلج اللي بمنطقة كابرون الزحلاقيه الصيفيه شلالات الكارميل البحيره النهر ووايد اشياء

اذا بتأجرون سياره خل زوجج يطلع اجازه دوليه
ولاتنسين اذا نويتي الحين قدمي على الفيزا احنمال اطول وترا الفيزا لازم صورة زوجج بدون غتره واعقال مكشوف الراس واي استفسار حاااضر حبي انا اذا تأخرت عليج دزي لي عالخاص

 

[جورية كويتية]

النمسا اتينن اتينن
احنا الصيف اللي طاف سوينا مثل اماني
نزلنا بميونخ ومنها رحنا النمسا
قعدنا بفلاخو قريه ريفيه صغيره بس وايد حلوه


و من ميونخ munich لي زلمسي zell am see
ساعتين بالسياره
اذا ناويه تقعدين فيها


​

 

[الوردة^البيضاء]

وانشالله اذا الله اراد نفس رحلتج "اماني"
بس حبيت الج شنو سالفة الفيزا ليش تاخذ وقت
وادري بتعبج وياي:tomato2:
اشلون سوقت المانيا
وفينا جم ليلة نقعد فيها قالوا وايد غاليية
وتسلمين يا قلبي وكل البنات :tek:

 

[أمانيQ8]

جووووريه انتي حبي...احس قريبه مني مادري ليش

الورده البيضاء
الفيزا الله يعلم اشقصتهم متشددين يطولون فإذا ناويه صج قدمي الحين
بالنسبه لفيينا بمرها مرور ماني قاعده فيها لانها مافيها شي ونااار عالفاضي
المانيا سوقها حلو خصوصا ميونخ وايد مجمعاتها حلوه
فيينا قلت لج لا تقعدين فيها قضي نهار كامل استكشفيها بس وايد عليها

ولا تعبتيني ولا شي حبي حيااااكم كلكم بأي وقت

 

[موت الحمر]

و الله انا رحت النمسا قعدت بزلمسي و سالسبورج و رحت من فينا لين ايطاليا 5 ساعات بالتاكسي


تعب




بس



ونااااااااااااااااااسة


سفرة الاحلام


و عقبها رحت فرنسا رحت يوري ديزني حلوة علشان انتي معاج بيبي يستانس