تكفون يا بنات معاي عروستين

[سارونا العنزي]

تكفون يابنات انا اول مره اشارك عروس جديده عرسي باذن الله 16-1-2013
مشكلتي ان معاي عرايس وكل وحده فيهم تعرف
كل شي اما انا للحين مولاقيه حتى الثوب الابيض
ومافي احد محسسني اني عروس خواتي متزوجات
وامي كبيره ومحد معطيني وجه
كارثه والمصيبه اني خايفه ومستحيه من جسمي خصوصا
ان اهل زوجي يعيبون على جسمي مهما اضعف ماقاعد
تضعف زنودي والعرايس الي معاي اضعااف وماقاعد يشد
جمسي تكفون ساعدوني والله بدعي لكم بظهر الغيب??

 

[قطوووة]

سوي رياضة الزنود

وخلج واثقة

خاطبينج ويعيبون !!

 

[دلال. الحلوة]

سـارونا العنزي

؛؛

حياتي انتي مابقي شي على عرسك بس ولايهمك ولاتدقين خبر لحد

كوني واثقه من نفسك ..

وزي ماتفضلت اختي قطوووة سوي رياضيه ..

يمديك الحين تدخلين نادي وتسوين رياضيه وتنحفين لو على الاقل خلال هالشهر والنص 5 كيلو ..

روحي قسم التغذيه . في قروبات للسمنة اشتركي وشدي العزم

//

بدلة الزواج

يابننت الحلال تعوذي من ابليس وجهزي من بكرة روحي دوري لك بدلة الوقت يركض وماعاد باقي شي ..

انا للحين ماتحدد عرسي ونفسيتي يوم فوق ويوم تحت خايفه بس يتحدد ويطير قلبي لني ماجهزت تصميم الفستان ..

بس سهالات وكل البنات هنا بالمنتدي وربي مثل خوات لي ولك

موفقه يالغاااليه

وسوري على الأطاااله ​

 

[شموخ داري]

حياتي خلج واثقه من نفسج واهم شي الثقه وبعد اهم شي زوجج يعجب فيج مو مهم اهل زوجج اهم شي ان ربي يوفقج ولاتفكرين بشي وادخلي نادي سهلاااات وانا اختج
الله يوفقج ويتمم عليج علي خير يارب

 

[شموخ داري]

حياتي خلج واثقه من نفسج واهم شي الثقه وبعد اهم شي زوجج يعجب فيج مو مهم اهل زوجج اهم شي ان ربي يوفقج ولاتفكرين بشي وادخلي نادي سهلاااات وانا اختج
الله يوفقج ويتمم عليج علي خير يارب

 

[سارونا العنزي]

ياقلبي حياااتي ماقصرتواا ع الردود بس عن جد محتااره ويناروح وشنو اسوي خصوصا بعد احباط الي انا فيه
حتى زوجة حمااي تقول انا ستار الحفله غصب عن
الكل وقعدت كل يوم مسويها بنفسها شي
وزياده عن هذا قااعد اسمر بشكل موطبيعي العرايس يبيضون
وانا اسمر
اروح حق منو للنفنوف الابيض مابيه يكون دفش بس
قصته حلوه ع الجسم وبنفس الوقت كشخه

 

[اميره^_^بحلآها]

حبيبتي والله خليج ثقه اكثر اشفيج ..!~
و بعدين حتا لو معاج عرايس كل وحدهـ و لها شخصيتها و ذووقها ..~! و هاذي الي تقول انا ستار الحفله هـاذي عاد عندهـا ما عند جدتي والله ..~
نفنوف العرس افتري من اليوم شوفي اتيليه انجفه و بشرى العيدان و الاسطورهـ و الجسمي و البوشيه و المحل الي ب ٣٦٠ عندهم نفانيف عرايس
واحجزي صالون و المصوره اليوم مو باجر سمعتي و اشتركي ب برنامج عروس من الحين
و ما عليج من احد انتي انشاءالله قمر الحفله و خلي كلاام الناس ورا ظهرج سمعتي
والله يوفقج و يسهل امورج ي رب
و حبيبتي اذا تبين اساعدج بشغله او غيرهـا حياج عالخاص

 

[أحلى عروس 2012]

حبيبتي شوفي تره أحلي يوم بحياتج يوم عرسج
رتبي نفسج واتعبي علشانه
وربي يعينج

 

[TnaHed_2]

سسسسسهالااااااات لاتحاتين وكلي الله وكل شي بينحل سوي مثل ماقالو بنات وخلاص سوي برنامج عروس والابيض بتلقينه والله لو انه ناعم مع تسريحه ومكياج بتطلعين شي
موووووووفقه

 

[عادت ذكرياتي]

خليج واثقة بنفسج حييييييييييييييل ولا تعطين لأحد مجال يعيب عليج بينيلهم إنج راضية عن نفسج ...


بالنسبة لبدلة العرس البيضا :::


أنصحج بأنجفا حيييييييييييييييل ((( عند شارع المطاعم بالسالمية بعد دوار البدع على طول/// في عمارة ))


البدلة + الطرحة + الجوتي + الاكسسوارات من عندهم والحلو فيهم ما يستعيلون عليج ليما تردين البدلة وتاخذينها قبل العرس بجم يوم أما الإتيليهات الثانية حيل يستعيلون عليج ^_^


وإذا ما حصلتي عندهم دزيلي بالخاص وآنا أقولج عن مكان ثاني غيره .


عندج شروق سالمين ((( يم إتيليه أنجفا ممكن تفصلين عندهم بدلة الاستقبال ومن هالقبيل ))


اممممم


بالنسبة للونج حبيبتي سوي حمام مغربي + خلطات لشد الويه وتفتيحه .


وبالنسبة لجسمج رياضة المشي بإذن الله أتوقع تكفي لو عالأقل نص ساعة يوميا حلو


موووفقة

 

[sh_mashael]

عندج
اتيليه زياد انطوان ,, و نوره الحذران

بس لايقصون عليج و يأجرون لج شي قديم و ملبوس امية مره
و يفضل تأجرين من وحدهاهي مسويته لحسابها

و دشي نادي كل يوم نص ساعه و صدقيني بيتعدل جسمج


و يمديج باجي لج شهرين


بالتوفيق

 

[yam_yam]

لا تحاتين خلج واثقه من نفسج
و خلج عالمساجات و النادي و المشي بتضعفين

و التجهيزات انشالله تخلص عندج وقت

 

[*مطبخ الذواقة*]

لا تحاتين وان شالله سهالات


وخلج واثقة من نفسج دام خطبوج يعني عاجبتهم ..



والله يوفقج ويتمم لج على خير





​

 

[صلوا ع الرسول]

الثقه ثم الثقه ثم الثقه
خلي كلام الي يضايقونج كله ورى ضهرررج
وجهزي نفسج عدل
والاهم توكلـــــــــــــــــــــــــــــي على ربج
وادعي ان الله يسهل امووووووورج

 

[سارونا العنزي]

حبااايب قلبي خووواتي مااقصروتوانا اليوم العصر باذن الله بروح الفستان الابيض بشوف
انجفه وزياد وببلغكم شنو صاار معاااي لان انتو الوحدين
الي عطيتووني امل صج من كل قلبي يعطيكم العااافيه

 

[Shinexo]

حبوبه لاتخلين اي كلمه تأثر عليج لان ترى الكلمه تمرض بالعكس لاتسمحين ولا تاخذين وتعطين وياها سدي ااذنج عن كل الي يضايقج هاي ليلة عمر مفروض تقرب وانتي مستانسه مش متوّتره آنتي ستآر آلحفله غصبن عنهآ برضآهآ ولآ بدون , آلله يريح قلبج آنشآلله

 

[مدّهره !]

شووفي خيتوو أولاً نصيحه لووجه الله :eh_s(7):


عطي الكل إقنور = طااف = تطنيش = إذن من طين وإذن من عجين :eh_s(15):

لا تركزين لا بالعراايس واشكالهم ولا بزوجة حماك ولا بأي مخلووقه


...’

جسمك لاتضيعين ووقت إشتركي في أقرب ناادي وبعد النادي رووحي المحلات


اللي البناات إمدحوهااا لك ..’


خواتك وأمك مو فااضيين مع صديقااتك إطلعي شوفي وحده منهم فااضيه ورووحي معااهاا



بس عاد إنتبهي لاتطيرين الفلووس ومااتحسبينهاا عدل بالطلعه !!!!!


أو خالاااتك أو من بناتهم إلا ماتلقين نااس تحبك وممكن تتفرغ لك من أهلك ( لأن أدري البعض ماايموون )


...’


الخلطات للجسم قسم البشره عندك وعني أرشح لك خلطة شالسالفه = بيااض الثلج

وخلطة أنل فيتامين سي وبعد لاتنسين برنامج العرووس وسووي حمامات مغررربيه


...’


وأكلي خضاار وفووواكه بشكل كبيرر وسلطاااااااااااااات ووسووي موية ورد في بخااخ

شوية موية وورد على مووويه في علبه بخاخ وحطيها بالثلااجه ووع طوول راايحه جاايه بخي ع ووجهك


...’


إبتسممممميي ع طوول لأن هالشيء يعطي ووجهك قبووول ومللللللللللللللللح :eh_s(22):


...,

وصدقيني رااح تطلعين قمممممممممر بس لاتشيلين همهم ترى طول مـ أنتِ مركزه معاهم


راح يزيد ووضعك سوووء ...~

لاتقولين هم قاعدين يزيدون بيااض وأناا اسسمممممر لأن نفسياااا رااح تتحطمين


وتصيرين سمممراااا ويمكن سوداا بعد :rgewrg:


...’


ونامي بددددري ...’





...’




لاتضيعين وووووقت إبدددددددي من الليله يااعرووووس :eh_s(7):

 

[عشرآويه]

الله يسهلج موضوعج وعرسج وتغدين احلاااهم ..

اولا : البدله البيضا مايمديج تفصلين روحي حق لطيفه الي اسمها يم يم وراده عليج عندها بدل تهبل وروعه .. واسعارها مناسبه
ثانيا : روحي سجلي بنادي واشتركي بدايت كير او اشتري من الاطباق الي ينزلونها بالجمعيات راح تكون لج اوفر بالنسبه للاسعار
ثالثا : الاسمرار ~> في صالون اسمه بيوتي تك عندهم رش نفس التان بس ابيض ويبيضج لمدة اسبوعين الجلسه ب٤٥ .. وهذا رقمهم ؛
25722260


وموفقه ، واذا فدناج ادعيلنا وان شاء الله تصكين عليهم ي عروسسس

 

[الحــور]

الله يوفقج
تبين بدله تصير ستار العرس والكل يتكلم عنج وجنج اميره راسليني

 

[سارونا العنزي]

عشااااان تعرفووون شلوووون حظي صااايررررحت حق انجفه بعد معاناه وتعب ودوخه وتبارك
الرحمن المطر
وكل شوي سياره يمين يسار المهم تاليتها
وصلت نزلت طبعا من السياره للعماره عبااتي
كلها مااي وقلت انشاءالله بعد الصبر
فرج لقيتهم عافسين الدنيا ع عروس
قاعد تقيي بدلتها وقعدت تبجي تقول مواعيدهم مومضبوطه
والنفنوف مو مثل ماتبي وبعد باجر عرسها
والعروس مسكينه منهاره
اخذت نفسي شوي شوي وطلعت قلت مايسوى
المعاناه قلت انشاءالله خير رحت زياد
اول مااشاافتني تفضلي عاادي طبعا مساحتهم
كبيره وكل نفنوف تحت كشاف فساتينهم قديمه شايفه
عرايس وايد لابستهم قلت لها ابي شي جديد قالت
ينزلون ع شهر12قلت
لها مايمد انا عرسي شهر واحد وقت ماافي قالت ماينفع
اوريج اياهم ينزلون ع شهر12
وهذي كانت معانااتي اليوم بالله عليكم شسوي
??????????