- إنضم
- 17 أبريل 2009
- المشاركات
- 105
- مستوى التفاعل
- 0
- النقاط
- 0
بنات صباح الخير ... انا مو قادره انام .. المشكلة اني بغربه ادرس .. وتعرفون الغربه نار بيوف المتغرب ... انا بنات ادرس برا اكمل دراسات عليا وساكنه وياي رفيجتي ... ومابي ابالغ اذا قلت لكم اني شايلتها شيل وحايفتها حوف وربي يشهد علي بغربتي .. شكثر مرت بمشاكل اول مايت هني .. صارت لها مشكله تعرضت للضرب وانا وقفت معاها بكل مافيني حتى اني وكلت لها محامي يتابع موضوعها واراكض معاها مراكض ... طبعا ماخليتها تتحمل مصاريف المحامي من غبائي لاني استحيت ... غير كل ما اروح السوق اتنقص لها اغراض واحنا بغربه وغير المناسبات وغير وغير ... وشكثر غطيت عليها مشاكل عن اهلها لا يدرون وصرت انا بويه المدفع ... تخيلوا الطامه الكبرى ... اسمع بأذوني بالليل تقرض فيني وتقول كلام يمس شرفي حق بنات كويتيات هني ... واي قاعده اكتب وابجي حيل منصدمه ... انا ماعندي خوات واعتبرتها اختي ، تخيلوا حتى امي لما تيينا تسألها اهي شنو ودها تاكل ، تطبخ لها حتى الاكل تنجب لها قبلي ، وبعيد ميلادها امي تدز لها هدايا من الكويت ، واقسم بالله عيد ميلادي ماذكرتني بشي ، انا والله العظيم مو مترجيه منها شي ، بس ليش ليش ليش انا شسويت لها وربي شايلتها بكفوف الراحه ، والله اعاملها جنها بنتي واختي، والله العظيم انا ادري اني مو كامله ، وفيني اعصاب، الغربه والمشاكل ، بس ياربي مواقفي تشهد لي اني ماقصرت ،، تقول اني اتعاطى مخدرات ومنشطات لاني من الاوائل على الدفعه ، واختاروني امثل جامعتي على مستوى الديره اللي انا فيها بامتحان تقييم الجماعات ويختارون فيه احسن طالب بالجامعه ،، تخيلوا باليوم اللي حشت فيني فيه او بالاصح طعنتني فيه كنت مصفره تلفونها لانه مفصول ، وبالليل تدق على رفيجاتها تقرظ فيني !!!! وغير الاشباء الكثيره اللي سويتها لها ، ادري بتقولون اني ابالغ بس جد والله عساني اتنتف بمكاني اذا بالغت !! ليش تسوي جذي ليش!!! تكفون شسوي ؟ اواجهها ؟ ولا اسكت !! المشكله قاعده اسمع حجي وايد من برا يوصل لي انها تقرظ فيني بس ما اصدق لما انصدمت وسمعت باذني !! اهي الله يهديها عيبها حيل حيل تهذر وتحب الحش ونوعها تتبلى !!! شسوى ؟ انا هالكورس واخلص ... شنو تنصحوني تكفون لا تحقرون لاني بموت بمكاني من القهر
:eh_s(2):
