تكفون.....والله أحاتي اللي تعرف عن هرمونfsh

[&&**الجادل**&&]

السلام عليكم


انا عندي بنت وولد حملت فيهم طبيعي الحمدلله ..........مافي مشاكل

لكن بعدها تعرضت لاجهاضين

ووقفت الحمل لمدة سنه ................ والحين مسويه تحاليل
الحمدلله كلها طلعت سليمه


لكن فيه شغله اللي هي هرمون fsh


طلع عندي هرمون fsh 6.37

وهرمونlh 12.24

والبرولاكتين 224



والدكتورة تقول المشكله في هرمون fsh

بس انا ما ادري هل هو مرتفع او منخفض

انا سويت التحليل في ثاني يوم من ايام الدورة

وانا من بعد الاجهاض دورتي تغيرت تتاخر احيانا اسبوعين واحيانا بالشهرين على ما تجيني



تكفون اللي عندها خبره تفيدني والله احااااااااتي وقريت عن هالهرمون انه يسبب الشيخوخه المبكره وضعف المبايض

 

[مواصله]

رد : تكفون.....والله أحاتي اللي تعرف عن هرمونfsh

علي حسب مقياس المختبر

لكن اغلبهم مقياسهم اذا تعدي ال5 وشوي يعني مرتفع واعتقد نسبةالارتفاع بسيطه

سويتي تحليل بروجستين اللي بيوم21الدوره لانه اهو اللي يلخبط الدوره

وان شاءالله البنات يفيدونك

 

[شموسة كيوت]

رد : تكفون.....والله أحاتي اللي تعرف عن هرمونfsh

واللة مدري بس ربي يطمن قلبك

ليش ماسالتي الدكتورة حبيبتي

 

[&&**الجادل**&&]

رد : تكفون.....والله أحاتي اللي تعرف عن هرمونfsh

مواصله مشكورة يا قلبي على الرد

بس شلون اسوي هالتحليل وانا دورتي مخربطه ما ادري متى يوم 21




شموسه كيوت
يا عمري مشكوره على الرد

وانا للحين باقي لي شوية تحاليل لازم اخذهم كلهم واروح الدكتور مرة وحده بعد ما تخلص تحاليلي

بس حبيت اعرف عن الهرمون من خبرتكم

 

[سها الوجدان]

ما ادري
بس اتوقع معاج خربطه بالهرمونات
وكثري ماي واكلي القسط الهندي وان شالله يفيدج انا كان عندي خربطه بالهرمونات واستمريت عليه والحمدلله راحت الخربطه
بس مشكلتي ضعف تبويض
والله كريم

 

[الكادي 2011]

حبيبتي عندج هرمون الحليب كلش مرتفع وهذا هو الي مسببلج خربطه بالهرمونات عالجي مرمون الحليب بالاول وكلشي راح يرجع لمكانه اني صارلي مثلج

اخذت دوستنكس مرتين بالاسبوع وكان عندي كسل بالمبايض وكسل بالغده الحمد لله تعالجت بس هرمون الحليب يلعب بالهرمونات ويخربطها

ادعيلي هالشهر اصير حامل

 

[&&**الجادل**&&]

رد : تكفون.....والله أحاتي اللي تعرف عن هرمونfsh

سها الوجدان مشكورة يا قلبي

والله ان شاء يشفيج ويرزقج من عنده الذريه الصالحه انه سميع الدعاء
ويرزق كل من تتمنى الذريه

 

[&&**الجادل**&&]

رد : تكفون.....والله أحاتي اللي تعرف عن هرمونfsh

الكادي جزاج اللهه خير عالرد

بس انا سويت تحليل هرمون الحليب من زمان من 3 سنين كان زين وحملت مرتين واجهضت

بس الحين صراحه ما سويته بس انتي شلون عرفتي انه مرتفع عندي؟؟؟؟؟؟؟؟

وانا مسويه تحليل الغده مرتين وطلعت سليمه عندي الحمدلله

والله يشفيج يا رب ويررزقج الذريه الصالحه وكل خواتي بأذن الله و يبشرونا بحملهم قريب يارب

واعتقد الغده ما لها دخل بالحمل انا اختي عندها كسل بالغده
وما شاء الله عندها ثلاثه الله يخليهم لها .بس مستمره على علاج الغده ما تخليه

 

[الكادي 2011]

رد: رد : تكفون.....والله أحاتي اللي تعرف عن هرمونfsh

الكادي جزاج اللهه خير عالرد

بس انا سويت تحليل هرمون الحليب من زمان من 3 سنين كان زين وحملت مرتين واجهضت

بس الحين صراحه ما سويته بس انتي شلون عرفتي انه مرتفع عندي؟؟؟؟؟؟؟؟

وانا مسويه تحليل الغده مرتين وطلعت سليمه عندي الحمدلله

والله يشفيج يا رب ويررزقج الذريه الصالحه وكل خواتي بأذن الله و يبشرونا بحملهم قريب يارب

واعتقد الغده ما لها دخل بالحمل انا اختي عندها كسل بالغده
وما شاء الله عندها ثلاثه الله يخليهم لها .بس مستمره على علاج الغده ما تخليه

هلا حبيبتي المفروض ال اف اس اج ضعف lh اوكي اذا صار ال اج اكثر يعني عندج تكيس والتكيس يسبب هرمون حليب هرمون الحليب لازم ما يتعدى 25

 

[&&**الجادل**&&]

رد : تكفون.....والله أحاتي اللي تعرف عن هرمونfsh

مشكورة الكادي على الرد

وفعلا انا عندي تكيس ........... بس الغريب ان كنت مسويه تحليل هرمون الحليب وكان عندي تكيس قبل ثلاث سنين

وكان الهرمون طبيعي

بس راح اسوي تحليل هرمون الحليب مره ثانيه و أتأكد

 

[حياويه حيل]

رد : تكفون.....والله أحاتي اللي تعرف عن هرمونfsh

بالحمل الجاي ان شاء الله سألي الدكتور عن حبوب بيبي اسبرين لانها تسوي سيوله فيوصل الدم للبيبي من دون تجلطات ..
اخذي قبل الحمل فوليك اسيد .. و بالحمل خليه يوصفلك مثبتات دوفاستون .. موفقه يارب

اي صح سوي فحوصات داء القطط .. و فحوصات الاجسام المضاده لان يمكن ماخذتي الابره مالت الطفل القادم عشان جذي يتم مهاجمه الطفل من قبل جسمج لانه يعتبره جسم غريب .. سألي الدكتوره عن الابره

 

[&&**الجادل**&&]

رد : تكفون.....والله أحاتي اللي تعرف عن هرمونfsh

هلا حياويه مشكوره يا عمري

كل التحاليل اللي للاجهاض سويتها منها داء القطط والاجسام المضاده وتقريبا 8 تحاليل كلها سليمه

وهم خذيت اسبرين في الاجهاض الثاني بس ما كتب الله ونزل على ثلاث اسابيع تقريبا

والابره اللي تكلمين عنها هذي للي فصيلة دمهم سالبه ....... وياخذونها من اول حمل يعني يبين عندهم

اما انا فكان اول حمل وثاني حمل الحمدلله طبيعي من فضل ربي عندي بنت وولد .................. بس مشكلة الاجهاضات جتني مع الحمل الثالث والرابع

وانا بصراحه في الحملين هذولي تعبت تعب مو طبيعي لدرجه اني ما كل جسمي يعورني

والله بعدها سويت اشعة رنين اربع فحوصات رنين مغناطيسي

لدرجة اني كنت اشك عند مكان في جسمي في تجلط احس الدم ما يمشي بجسمي ................. واطرافي تعورني الم مو طبيعي

الم لا يحتمل.............. هذا وقت الحمل بس وبعد الحمل بفتره تدريجيه يروح عني ...........................

 

[قاهره عذالي]

رد : تكفون.....والله أحاتي اللي تعرف عن هرمونfsh

في عسل عند المرشد
ينظم الهرمونات
اسمه عسل المراه
وفي البردقوش على شكل اكياس شاي من العويد العلبه ب650 فلس

جربي هالاشياء
لانها تنظم الهرمونات

ووحدي ربج اللي كاتبه الله يصير
وترا عندج هرمون lh
مرتفع
ومعروف ان كان هالهرمون مرتفع يسبب اجهاض مبكر
فحبيبتي نظمي هرموناتج باشياء
انا جربتها شخصيا وخلت هرموناتي طبيعيه
هم كان عندي fsh مرتفع نفس درجة ارتفاعج

انا شاكه على تحليل هرموناتج ان معاج تكيس مبايض
سوي سونار داخلي باليوم الـ14 من الدوره
هو هذا اليوم اللي يبين فيهم اذا في تكيس ع المبايض

 

[&&**الجادل**&&]

رد : تكفون.....والله أحاتي اللي تعرف عن هرمونfsh

قاهره عذالي الله يجزاج خير طمنتيني

وانا فعلا عندي تكيس بالمبايض

وبصراحه ما عالجته يقولون يروح بروحه

اكياس صغيره على المبيض على كلام الدكتورة وتقول اغلب الحريم فيهم جذي
يعني التكيس يسبب اجهاض او يمنع الحمل؟؟؟؟؟؟؟؟؟؟؟

 

[قاهره عذالي]

رد : تكفون.....والله أحاتي اللي تعرف عن هرمونfsh

هو ما يمنع الحمل
يأخره
وممكن يسبب اجهاض بسبب لخبطة الهرمونات وارتفاع هرمون الـ lh
بالعموم ان ارتفع عند الحامل سبب لها اجهاض
فهالشي يحلونه بالمثبتات اعتقد

هرموناتج لخبطتهم تنحل ان شاء الله

انا كنت مثلج واستمرت على العسل المراه من المرشد ع الاقل 40 يوم + عشبة البردقوش اللي على شكل اكياس من العويد العلبه فيها 25 كيس شاي بـ650 فلس
ومعروف الرسول اللهم صلي وسلم عليه وصى بالبردقوش
لان ينظم الهرمونات وابحثي عن فوائده كثيره
واقري على نفسج
ما تدرين يمكن عين او يمكن مس شيطاني
حاولي ارقي نفسج وعليج بسورة البقره يوميا
مع اخذ الاسباب
انا هذا اللي عالج هرموناتي وخلاهم طبيعين
ان شاء الله انه يفيدج
ويمكن اختي الرحم عندج البطانه ضعيفه
فعليج بحمض الفوليك اسيد حبه يوميا بعد الغدا او حبوب بريغنا بلان مكتوب عليهم يهيئون بطانة الرحم للحمل
خليها من برنامجج اليومي
يمكن الاسقاط بسبب جنين مشوهه
الفوليك اسيد يمنع تشوهات الجنين وينصح فيه قبل الحمل وخلاله
وبعد لاتنسين نفسج وقت الدوره اهتمي واعتبريه جنه نفاس ولا تجوعين نفسج وبعدي عن المسكنات والمايونيز وقت الدوره والوجبات والممنوعات كلها
واهتمي لهوم وشاي الغوري ومردود واشربي اعشاب تلقينها على شكل كراتين الشاي بالجمعيه زنجبيل دارسين كمون زعتر شمر نعناع اكليل الجبل (روز ماري) وبابونج
والابتعاد عن : الملوخيه الموز المعكرونه السبانخ وقت الدوره لان تسبب رخاوه بالرحم + الحمضيات بعدي عنها من عصاير من فواكه حامضه من طماط وموز ولبن وروب

 

[&&**الجادل**&&]

رد : تكفون.....والله أحاتي اللي تعرف عن هرمونfsh

قاهرة عذالي

جزاج الله خير ومشكورة على المعلومات

وانا اغلب اللي قلتيه اسويه اقرا على نفسي ومهتمه بنفسي بالدورة
بس عسل المرشد ما استخدمته من قبل

استخدمت عسل طبيعي من السعوديه بس

بس راح اجرب المردقوش بإذن الله

 

[قاهره عذالي]

رد : تكفون.....والله أحاتي اللي تعرف عن هرمونfsh

لا عسل المراه من المرشد ينظم هرموناتج بس استمري عليه وظلي 40 يوم عقب حللي هرموناتج تلقينها تغيرت
خالطين معاه 12 عشبه تفيد المراه وصحتها وهرموناتها