تكفون هرمون الحمل زاد ثم نقص ثم رجع زاد

[ام سلوومي]

السلام عليكم بنات انا على اساس اني حامل بالاسبوع الثامن بس ماكو جنين وكان هرمون الحمل قاعد يزيد كل يومين وفجاه نقص شوي وعقب يومين سويت تحليل هرموني رجع زاد ,,,,منو صار معاها نفسى وشنو معناته هل الحمل انتهى؟؟ ومدام انهتى الحمل وماكو جنين ليش رجع زاد الهرمون بليز لاتبخلون على بردودكم الله يبرد جبودكم

 

[yasmin10]

روحي الطبيب خل يسوون لج سونار خارجي علشان تتأكدين بنفسج

الله يطمن قلبج و يرزقج بالذرية الصالحة

 

[Om_RaYomaH]

يا حياتي الله يعينج

ماعندي معلومة عن هالموضوع

ان شاءالله البنات يفيدونج

انا امي قعدت شهرين يقولون لها في جنين

واهي متاكدة انه ميت احساسها سبحان الله

راحت لجدتي الله يرحمها
قالت اكلي محلب

اذا في حمل يرتفع ويوقف النزيف

واذا لا تنزله
والله المستعان

 

[ام سلوومي]

جزاكم الله خير

 

[om Firas]

الله يرزقج باللي تتمنينه

 

[بحرينيه كوول21]

مادري حبيبتي
اب لعيونج

 

[iLLuMinaTion]

للرفع

 

[Vip qatar]

حبيبتي نصيحة لاتعورين راسج بسالفه الهرمون احنا عندنا في قطر مايعترفون بسالفه الهرمون لانه يقولون النسبة تفرق على حسب المواد المستخدمة في التحليل وتختلف من مختبر لين الثاني واذا ماينزل عليج بني ودم يعني كل شي اوكي انا الدكتور قالي لو الطفل كان مو طبيعي الجسم يرفضة قبل لايكمل الشهرين انا اجهضت مرتين وسبحان الله نمو البيبي كان يوقف مايزيد وتبدا تنزل علي افرازات بنية وعقبها دم واجهض ودايمن هاي الشي يصير في الشهر الثاني حته مادخل الثالث وفي حملتي في بنتي كان ينزل علي بني بس بدون دم والحمدلله ثبت وحطي شي في بالج لو البيبي طبيعي سبحان الله الحمل يستمر بس لو كان البيبي مو طبيعي الرحم يرفضة واعرفي دايمن انه خيره لج والله يثبته لج يارب عليج بالاستغفار وطنشي سالفه تحليل الهرمون نصيحة لانه يلعب بالاعصاب

 

[rachaaa]

هلا جبيبتي انا نفسج بس كم كان وكم صار​

 

[((غلاي))]

مالج دخل بنسبة التحليل
اهم شي السونار
و لاتوسوسين وايد
الله يثبته ان شاء الله
و ان شاء الله ماكو الا العافيه

 

[العز انا]

1. صار لي نفسج وتم الحمل وولدت بالسلامه

 

[RADEN]

ما ابي اخوفج صار معاي نفس الشي وكان حمل خارج الرحم
بس ان شاء الله مايصير وياج اللي صار معاي

 

[ام سلوومي]

مشكورين عالردود ,,,انا مشكلتي انه فيه كيس داخل الرحم بس ماكو جنين والهرمون كان 9500 بعديومين صار 9300 وعقب يومين رجع زاد صار 11400