تكفون موقادرة انام:(

[الضاميه]

مرحبا خواتي



احنا بيتنا على الشارع العام ومع الشتا وبدون المكيفات صار الازعاج وصوت السيارات لايطاق خاصه العصاري ومع صوت عيال جيرانا بحديقتهم صرت مااقدر انام نهائيا واحس بتوتر وتعب بعيوني لاني من النوع اللي نومي خفيف حده وكل صوت يزعجني قبل المكيف تغطي على الصوت الحين موووووووووووووقادره وحدي تعبانه



اللي عندها حل تساعدني

 

[الضاميه]

ترى الموضوع مهم وحدي تعبانه

 

[مزيونه وشقره]

والله ما ادري شقولج السيارات ازعاجهم ما تقدرين تتحكمين فيه

واعيال الجيران لازم احد يكلمهم لانهم بيستمرون على عالوضع اذا ما ااحد كلمهم

مع تحياتي يا حياتي

مزيونه وشقره​

 

[Maneena Manaana]

مافي غرفة ثانيه غير اللي انتي فيها .. مو عالشارع ؟؟ نامي فيها نومة الليل
او
اشتري سدادات الاذن وحطييهم واستمتعي بالنوومه

وسلاامتج

 

[b6o6a]

ماكو الا سدادات الاذن ...

احنا كان عندنا دياجه مزعجين ييرانا قالو مايقدرون ينامون بسبتهم ووزعناهم...

بس اهما يوم الخميس يزعجوني الصبح لانه دريشة داري تطل على حوشهم فسوالفهم كلها عندي لوول

والله يعينج على صوت السيارات انا صوت السيكل والجلب ينرفزني خاصه لما اكون نايمه

 

[زلابيا]

الله يعينج

شتسوين بهالأشياء اللي ما تقدرين تتحكمين فيها !!!

لا من السيارات ولا من عيال الجيران...

ماكو الا تدورينلج غرفه ثانيه بالبيت تقزرين فيها نومة الظهر ..

الله يعينج

 

[اعييز]

بطوطه ! لايكون هذا بيت يدي لووول احنا نهب فتره اذا الجو حلو نحط لنا كراسي وطاوله ونقعد بالحووش





ياحبيباي يالضاميه عسى الله يعينج ! قولي اذكارج وحطي راسج وحاولي تنامين وتعلمي فن التغافل .. بمعنى اخر لا يهمج الصوت وتجاهليه تجاهل تام

 

[أغلى حبيبه]

في بلوازم العائله شريط او لزاق عشان يخفف الصوت حطيه على الشباك
عشان الازعاج يخف

والله يكون بعونج

 

[الضاميه]

مشكورين بنات وماقصرتوا


صج السالفه متعبتني وفي ناس قالوا حطي شتر مال الدرايش ؟ صج يخفف الازعاج او لا

 

[الضاميه]

في بلوازم العائله شريط او لزاق عشان يخفف الصوت حطيه على الشباك
عشان الازعاج يخف

والله يكون بعونج

مشكوره اختي بس شسمه اللزاق وشلون شكله عشان اشتريه

 

[بطاطا]

لا الشتر عادي ما يسوي شي الا انه يروح الضوووووء


و الله يعينج​

 

[الضاميه]

تسلمون خواتي

 

[لموية العسولة]

ماشاءالله واللي بيتهم على ثلاث شوارع شتسوي .... والله نفس المشكلة جان زين ألقى حل

 

[ArEEj]

حطى سدادات الاذن الاسفنجيه
نفس ملوت عمال النفط يعطونهم عن الازعاج
انا مجربتهم يهبلوووووووون
اصلا ما انام الظهر بدون ما البسهم ​

 

[الضاميه]

حطى سدادات الاذن الاسفنجيه
نفس ملوت عمال النفط يعطونهم عن الازعاج
انا مجربتهم يهبلوووووووون
اصلا ما انام الظهر بدون ما البسهم ​

تكفين قوليلي من وين اشتريهم وادعيلج ليل نهار:eh_s(17):

 

[سبائك]

الله يعينج صاجه الازعاج يملل

انا من عمر الدنيا احط على راسي مخده علشان انام سواء صيف ولا شتا وايد اريح

 

[شجرة الدور]

عندي حل امثل للمشكلة بس راح يكلف


وتوقع انو مستحيل وراح تضحكي علي

قضو بيتكم







الواح العازل الحرري الامثل

عازل للصوت وللحرايق

دعاية للبناء معليش



انا مثلك تصادفني هذي المشكلة لما اروح لاهلي

وش اسوي اجيب منديل وبرمة و دخله اذني وسدها ولا عاد

اسمع صوت

 

[أم فرووحة]

تكفين قوليلي من وين اشتريهم وادعيلج ليل نهار:eh_s(17):

الضامية انا بقولج من وين تشترين السدادات بس هااااااا لا تنسين تدعيلي ليل و نهار ان ربي يسهل علي ولادتي و يشافيني ان شاء الله..


شوفي حبيبتي روحي تروفاليو صوب المسامير والمناشير و المطرقه و الوايرات هالقسم..

بتلاقينهم اهناك لونهم برتقالي.. و رخاص حيييل يمكن ربع او 150 ناسيه بالضبط..


انا شاريتهم لاني ساكنه بشقه و الله لا يراويكم الشقه اللي فوقنا الله يسامحهم ازززعاج مو طبيعي..

حتى بالليل يطقون مسامير بالطوفه حزة النوم..

غير ان عندهم يهال كله صياح و يحركون الكراسي و يركضون.. و الصوت كله عندنا طبعا..


الله كريم

 

[الضاميه]

الضامية انا بقولج من وين تشترين السدادات بس هااااااا لا تنسين تدعيلي ليل و نهار ان ربي يسهل علي ولادتي و يشافيني ان شاء الله..


شوفي حبيبتي روحي تروفاليو صوب المسامير والمناشير و المطرقه و الوايرات هالقسم..

بتلاقينهم اهناك لونهم برتقالي.. و رخاص حيييل يمكن ربع او 150 ناسيه بالضبط..


انا شاريتهم لاني ساكنه بشقه و الله لا يراويكم الشقه اللي فوقنا الله يسامحهم ازززعاج مو طبيعي..

حتى بالليل يطقون مسامير بالطوفه حزة النوم..

غير ان عندهم يهال كله صياح و يحركون الكراسي و يركضون.. و الصوت كله عندنا طبعا..


الله كريم

الله يسهل عليج ولادتج ويرزقج بالذرية الصالحه ياااااااااارب اللهم امين وتسلمين ياعمري


بس وين تروفاليو تراني ماادل شي واشلون شكلهم

 

[b6o6a]

بطوطه ! لايكون هذا بيت يدي لووول احنا نهب فتره اذا الجو حلو نحط لنا كراسي وطاوله ونقعد بالحووش

لوووول يمكن :eh_s(13):

:eh_s(6):