تكفون لا تردوني

[داعيه بإذن الله]

بسم الله الرحمن الرحيم

وافضل الصلاة والسلام على سيد المرسلين على نبينا محمد صلى الله عليه وسلم وعلى آله وصحبه اجمعين

اما بعد

السلام عليكم ورحمة الله وبركاته

اخواتي الكريمات عندي طلب واتمنى ماتردوني

ابي اصباغ لغرف نوم واستكرات وورق جدران واشياء حلوه لغرف النوم وفي نفس الوقت تكون ناعمه وبسيطه

وديكورات وجلسات صالات كبيره وصبغات وارضيات لغرف النوم والصالات

وابي شوركم سلم بيتي ضيق وابي يخلي مضهره وسيع ويكون شكله حلو

اتمنى اللي عندها صور ونموذج ماتبخل علي

ومشكورين وفي ميزان حسناتكم

والسلام عليكم ورحمة الله وبركاته

 

[αησмα]

رد : تكفون لا تردوني

ابصرااحه ماعندي خبره << صغنونه هههه ماتعرف شي

حبيت ارفعلج الموضوع فديتج

اتمنى يستفيدونج البنات

 

[داعيه بإذن الله]

رد : تكفون لا تردوني

مشكوره حبيبتي ولا هنتي

 

[ريتااال]

فيه قسم بالمنتدى اسمه قسم الديكور

فيه البنات حاطين محلات تبيع ستيكرات و فيه بعد ارقام صباغين
وكل شي يخطر على بالج و بعد اذا تحطين صور لبيتج يفيدونج و يساعدونج بالالوان و التنسيق واي شي تبينه

 

[{هتًان}]

رد : تكفون لا تردوني

ماادري انتي بدوحتنا ولا دوحه قطر

اذا بالكويت

قبل لاتشتغلين روحي " أبيات " ورق الجدران وسيراميك ارضيات وحائط .. روعه + الأثاث ...

اللي ماانصج تاخذينه منهم الثريات لأن في مثلهم بره وبمجمع الرحاب والضجيج وأررررخص ..

" الغانم + بنتا " القعدات وغرف النوم .. انا ماحبيت غرف النوم الجاهزه احس مومال استعمال

" ميداس + سنتربوينت + بنتا " اكسسوارات البيت

الصباغين شوفي قسم الأثاث حاطين البنات بالصور والأرقام

وبخصوص الإستكرات شوفي هالموضوع

تفضلي


والله يعطيج العافية :tek:ويعينج على الحوسه

 

[قمر الكويتية]

رد : تكفون لا تردوني

في محلات تبيع ورق جدران بحولي مقابل كناري أول ما تدخلين حولي من جهة الجابرية

وسمعت عن أبيات يقولون حلو بس أنا مارحت له

و إذا تبين رسام يرسم لك على الحوائط عندي رسام راسم بيت وحده بصراحة عجيب ماشاء الله

إهي سلم بيتها ضيق ورسمت فيه مناظر طبيعية صار شكله حلو
والله يوفقك

 

[q8 83]

اب اب

 

[om deaj]

وابي شوركم سلم بيتي ضيق وابي يخلي مضهره وسيع ويكون شكله حلو

حطي المرايا واشتغلي على الاضاء تعطي وسع

والباجي البنات ماقصروا معاج

 

[الفـــوز]

رد : تكفون لا تردوني

اب اب اب اب


ماعرف والله بس ان شاء الله البنات يفيدونــــــج

 

[@فطفوووطه@]

فوووووووووووق لعيووونج

 

[Dalal.al3tibi]

رد : تكفون لا تردوني

درجج ضيج لبسي طوفة الدرج مرايا تعطي للمكان وسع

 

[~احلامي~]

لاحول ولاقوة إلا بالله

بنسبة لدرج البيت انا شايفة انج تخلين السلم لونه فاااتح وطوفة السلم يكون لونهاا غامج
بجذيه يبرز السلم عندج ويصير شكله اوسع!!

مادري اناا شايفه جذيه اذا اقتنعتي بالفكره .. دعواتج يالغاليه لي ..

 

[حوية 2]

رفع لعيونج

 

[داعيه بإذن الله]

رد : تكفون لا تردوني

مشكورين وجزاكم الله الف خير


ولا هنتوا

يابعد قلبي

لا حبيبتي انا من دوحة قطر وياليت اللي عندها اشياء وافكار حلوه خاصة لغرف النوم

اقدر اكلمها وطرش لي صور

 

[{هتًان}]

رد : تكفون لا تردوني

بخصوص المرايا اذا تبين رخاص وحلوين

" ايكيا - بنتا "

اتوقع موجوده هالمعارض بقطر

وبخصوص الصور جيكي على الخاص

بس شنو تعطيني

:080402ask_prv:

 

[داعيه بإذن الله]

رد : تكفون لا تردوني

مشكورين وماقصرتوا ومب غريبه على اهل الكويت