تكفون لا تخلوني

[نكهة التوت]

1. :eh_s(2):يابنات وربي اني تعبت انا لي قريبات ما احتكيت فيهم الا من سنتين تقريبا وفالفترة الحالية مالي احد اقعد واسولف معاه الا هم بس يابنات احيانا وانا قاعدة اسولف معاهم يضحكون من غير سبب ويستمرون بالضحك بقوة واقول لهم وش فيكم ولا يردون ويسكتون ونكمل اللقاء وكان ماصار شي بس من داخلي نار وارجع للبيت وافكر ليه اضحكوا علي مالقى جواب كلامي عادي جدا شكلي مايدعوا للضحك حتى شفت نفسي بالمراية مافيني شي هالموقف ماصار معاي مرة وحدة صار عدة مرات منهم \هم مجموعة بنات وحتى مرة كنت عند بعضهم ودخل ولد اخوي الصغير قلت هلا وبسته وشفتهم يضحكون ويخفون ضحكهم عني وضحكم فيه سخرية واحيانا يستمرون بالضحك لاحد مااحس اني تفشلت ووجهي تلون واللي زاد الطين بلة وخلاني اكتب اختي اليوم قلت وريني فستان بنتك اللي تقولين حلوو عليها وعجب صديقاتك وقامت تضحك بقوة واقول وش فيك تقول مافيني شي واستمرت تضحك تركتها وجيت اكتب لكم وانا ابكي ياناس فالفترة الاخيرة بسببهم صرت ارتبك اذا جيت اتكلم واتلعثم واحيانا اسكت مااتكلم مع العلم اني اعلى شهادة منهم كلهم واكثر ثقافة بكل شي ومع العلم ان المواقف اللي يضحكون فيها اكون اتكلم عادي مثل كلامهم تكفون يابنات ردوا علي من خلال المواقف اللي قلتها فيه شي يضحك قولوا بنات والله ماازعل ولا انجرح بس فهموني ليش يضحكون لاتخلوني على عماي وربي اللي ترد لدعي لها بقيام الليل بنات انا خلاص افكر انطوي على نفسي ولا اكلم احد وشكرا لكم​

 

[نكهة التوت]

ليش مااحد رد علي شكلي باتم طول عمري مااعرف ليش الناس يضحكون علي عموما شكرا

 

[لمى الهاجري]

انتي بعد ضحكي عليهم واضغطيهم وتطنزي عليم ما عليج منهم غيرانين منج

 

[لوفيه]

الحين شكو الشهاده والثقافه وانج اعلى منهم

ترى هالشي ماله شغل وقولي الحمدلله محد اعلى من احد الا بتقواه

وطنشي اذا ضحكوا خليج واثقه من نفسج

وثقي انهم سخيفات ومافي داعي للضحك

يقولج يا مثقفه واااثق الخطوه يمشي ملك

موفقه

 

[جنون العاطفه]

خلك واثقه من نفسج والثقافه مو بس بالشهاده الشخص يفرض احترامه وشخصه بتعامله
واخلاقه واسلوبه
وخل يضحكون عادي دامك ما سويتي شي ​

 

[حكاية رحيل]

أولا من الأفضل ان لا نرد عليهم
قال تعالي في عباد الرحمن { وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا }

السبب يكون هو رغبتهم في استفزازك حيث أن هذا الأالسبب يكون هو رغبتهم في استفزازك حيث أن هذا الأمر يجعل منهم ظرفاء أمام الآخرين



من جد خليك واثقه من نفسسسسك

ولا عليك منهم طنشيهم ولاتردين عليهم

 

[قمر بيت أبوها]

شكلهن مريضات مالقن شي غير الضحك
انتي اقطعي عنهن لين تقدرين تسوين مثلهن
تدرين لو مكانك اقلب الضحك عليهن
واجيب عدد اكبر من عددهن وهن يضحكن
لو ثلاث اعزميهن واعزمي معاهن ست واقلبي المجلس ضحك سويها مرتين ثلاث تلاقيهن معاكي سيده علي الخط المستقيم

 

[ربي رجوتك]

انتي مو مجبوره تجلسين مع هالنوعيه من الناس يا انك اذا اضحكوا تضحكين من قلب وتقولين الحمد لله والشكر ويا انك تطالعين فيهم واذا خلصوا ضحك تقولين الحمد لله على السلامه كنت اظن بضطر ادق على مستشفى المجانين او انك وهم يضحكون تحبين يدك وتحطينها على راسك وتقولين الحمد لله والشكر الله لا يبلانا وخليهم يسمعون ويا انك اذا عزموك تقولين اسفه مو مضطره اجاري جنونكم واتحمله بالعربي اذا هم يلمحون لانهم جباء انتي كوني واضحه معهم اللى مايحترم نفسه منتي مضطره تجاملينه وتتحملينه وتتلفين اعصابك , وجيبي وحده من صديقاتك اذا مضطره لهم واذا بدوا يضحكون لفي صوبها واحكي معها حقريهم , وابحثي عن الصالح من اقاربك وتواصلى معهم افضل
الله يحفظك ليتني معك كان

 

[ر-وح الجوري-]

بجد قليلات أدب وسخيفات أكره هالنوعيه

 

[CôôlஜŚŦяάwbĕrяy]

الحقران يقطع المصران
حبيبتي خلج واثقة من نفسج انتي عبالج اول وحده يصير لها موقف جذي والله بنات يسون جذي فيني وانا اسوي نفس ما يسوون
واخليهم ينقدون على روحهم وافشلهم جدام الناس عشان مره ثانية ما يكررون الحركة لان هذي النوعية ما تنعطى وجه
وتعرفي على ناس ثانين مو معقولة ما في احد

 

[@ كويتيه @]

ياحرآم شكلهم ميتين من الحرررره

ماعليـج دامج احسن بكل شي صدقيني هذي غيـره واهم شي ماتشككين ثقتـج بنفسج.~

 

[روح مغليهاM]

الله يكون بعونك
البنات هنا ماقصروا

 

[ميسو44]

سخيفات لاتعطينهم وجه ولاتحتكين فيهم واجدوالله اني في منطقه مااقابل الناس الالاسفرت لاهلي وعادي مولازم اشغلي نفسك بزوجك وعيالك صح ساعات ملل بس الناس الزمن ذامايبغون احديجيهم

 

[aem...]

مرو علي وايد من هالنوعية ماعليج إلا تحقرينهم وتسوين نفسهم ضحكي بستهزاء وحريهم واذا سألوج ليش تضحكين حقريهم خل يموتون بغيضهم
والله يعينج حبيبتي:*

 

[نكهة التوت]

شكرا لكل اللي ردوا وصدقوني انا ماقدرت افتح هالموضوع الا معاكم حتى امي ماقدرت افتح معاها هالموضوع لاني ادري اجابتها بتقول لي انتي خبلة ومهبولة شعليك منهم اكيد مايقصدونك عن جد انتم اللي وقت الضيق مو الصديق الله يوفقكم وصدقوني انا عند وعدي بادعي لكم وعن جد عطيتوني افكار كانت غايبة عني بس اللي يقولون انقطعي عنهم انا ودي اكون اجتماعية عشان اعرف اتعامل مع الناس يعني هم يعزمونا واهلي يعزموهم بس اذا انقطعت احس بالوحدة واحس اني مستحيل اتعامل مع اي احد بتعرف عليه بالمستقبل يعني تعرفون اللي ينقطع عن الناس وش يصير له مايدري وش يصير حواليه واحيانا اقول بنفسي اطوي على نفسي احسن بس خلاص بطبق كلام اللي يقولون خليك واثقة واسولف مع وحدة ثانية جنبي اذا ضحكوا لانهم شلة معينة اللي يضحكون وبالمجلس يكون غيرهم ناس

 

[سفيره الكويت]

ثقتي بنفسي هي سلاحي فان فقدت ثقتي بنفسي سينالون مني كما لو كنت ضحيه وافترسوها.. وان ضحكوا الناس عليج ليهزوا ثقتك فهذا اختبار لذاتك

صديييييييييييهم وكأنه وجودهم وعدمه واحد..!

والله يوفقج

 

[!! دلوعته !!]

اب اب

 

[ربي رجوتك]

الجامعه افضل مجتمع لصقل الشخصيه بنظري واذا انتى متخرجه ادخلى دورات وبتعرفين شريحه متنوعه من البشر احس الاقارب اذا من هالنوع يبغالهم الشخص يكون رسمي
الله يعينك الصراحه

 

[كويتية وافتخر3]

حسسيهم انج مضاايقة من ضحكهم وشوووفي شللوون راح يحسون علي دمهم مامن عداوة الابعد محبة الله يعينج حبوووبة

 

[ملامح اوروبيه]

تبين نصيحيتي غيري نفسج لا تعطين الناس ويه مشيهم بنعال ايوون مثل الجلاب