تكفون كلكم تعالوا قاعد ينزل علي دم

[امواج الكويت]

بنات انا بالشهر الرابع واليوم الصبح نزل علي دم فاتح ورحت على طول طوارئ الصباح سوالي سونار وقال البيبي والمشيمه وماي الجنين اوكي وانا مسويه ربط من اسبوع قلتله شنو سبب الدم يقول يمكن دم من الربط لان يوم سويته ما نزل دم عاد قال يمكن نزل الحين

ودقيت على عيادة دكتوري ناهض بالمواساه قالت الاستقبال ان الدكتور مشغول وعنده مرضى وايد قلت انا حاله طارئه قاعد ينزل علي دم قالت تعالي موعدج باجر يعني شلون بطت جبدي شكو يعني الدم يتاجل مثلاً

والحين الدم صار لونه مايل للبني وزاد شوي حطيت تحميله واكلت مثبت بس خايفه حدي تكفون قولولي عن دكتور زين مستعده اروح اي مكان بس علموني تكفون

 

[الحــــــلا كله]

امووواج حبيبتي هدي
اختي نفسج
الدم اذا غامج لونه مامنه خوف لانه قديم وساعات فعلا يكون موجود من العمليات الارجاع او من الربط ويمكن تحركتي شوي ينزل
الحين يبيلج راحه تامه دام كل شي سليم الحمدالله معناته خارجي ومو ماثر انسدحي اليوم
وشربي ماي مع نشا وخليج على ظهرج لين باجر موعدج

والله يحفظ لج جنينج ان شاء الله ويتمم حملج

 

[امواج الكويت]

عاد انا مريحه عالاخر صارلي اسبوع حدي من الصاله للغرفه والعكس

 

[أم عزيـز]

الله يثبت حملج ويتمم عليج حبيبتي


الحلا كله شنو فايدة الماي اللي مع نشا ؟

 

[دلع86]

انشاءالله ماكو الا العافيه دام بالسونار بين ان كل شي لاتحاتين اهم شي ماكو عوار

 

[سمسمة كويتية]

أمواج حبيبتي انشالله ماكو الا العافية
بس الصراحة لو أنا منج أروح دكتور ثاني أحسن من ما أتحسف بعدين سإلي عن دكتور زين و روحي

 

[SHD ..]

اموااج ي قلبي خليج عالدفستون المثبت واذا مانفعت الحبوب خل تعطيج الدكتوره ابر مثبته

الله يثبته ياااارب

 

[امواج الكويت]

سمسه انا قاعده اسال عن دكتور زين محد رد علي

 

[auoma]

الله يثبت حمالج
هذا اول بيبي ؟؟
ترى عادي بعد الربط هذا دم زايد من العمليه واذا صار بني مامنه خوف
طلعي صدقه واقري على بطنج ومافيج الا العافيه

 

[ام اغلى الناس]

الله يثبته ويحفظه
اتوقع مو زين سواء دم بني او احمر والله اعلم
انا بولدي نزل علي نزيف طلع انفصال مشيمه
جربي دكاتره ثانيه شوفي شيقولون
اذا انتي قريبه من الجهرا انصحج بماجد الشمري
متخصص ب امراض الدم للام والجنين وسوناره روعه
ممكن بالمره تسوين عنده الرباعي يجنن
ويطمنج عالبيبي

 

[:: Diva ::]

بالضبط مثل الي صار لي
تروحين الصباح
و يجيكون عليج و تنامين عندهم !!



و الرااااااااااااااااااحه التامه
و الحبوب تبدلينها بابر مثبته كل اسبوع

تعور دهن ثقيله بس تثبته ان شالله
على ولدي صرت مثلج و نمت بالصباح شهرين
و اخذت مجلس طبي هم شهرين


الله يثبته
و طمنينا عليج

 

[فاقده حنان ابوه]

حبيبتي ليش ماتروحين حق حيان الاحمد بالمواساه

الله يثبت حملج انشالله

 

[بعيدة الدار]

الله يثبته لج ان شاء الله ولايرويج مكروه

 

[سمسمة كويتية]

حبيبيتي لو أعرف دكتور زين جان قتلج بس ماعندي خبرة
سإلي أهلج رفيجاتج حاولي تلقين

 

[امواج الكويت]

الحمدلله نمت وقعدت ماكو دم ويوم دخلت الحمام هم ماكو دم بس لمن لبس الكوتيكس في مسحت دم احس انه في جرح داخل بس مادري وين لان لون الدم لون شي مجروح مادري والله
دقيت مره ثانيه على السستر مالت الدكتور تقول مادام بالسونار كل شي سليم يعني دم زايد من الربط والله اعلم

 

[روعة خيال]

قوه امواج شلونج حبيبتي

انا كنت معاج بتجمع مواليد اكتوبر 2010

حبيبتي انا سويت ربط في حمالي اللي طاف و نزل علي دم بس عادي من اثر الربط

و اخذت ابر لي نص الرابع و بيبي اسبرين

اللي اقولج عليه انه اذا كان بني فهذا على قولت الدكتوره دم عتيج يعني ما منه خوف بس انسدحي و رفعي ريولج

و اذا نزل احمر مخلوط بافرازات روحي جيكي يمكن الربط تحرك من مكانه

نصيحتي روحي لدكتوره خالده المجيبل

و ان شاء الله تقومين بالسلامه

 

[الحــــــلا كله]

الماي والنشا مثل المثبت ويوقف النزيف بس الماي مايكون حار لا عادي ماي الفلتر او بارد

حبيبتي ليش تلعوزين نفسج مع الدكاتره كل واحد يعطيج حجوه لااا خليج على دكتورج عارف حالتج شنو
والصباح صدقيني عطوج الخبر الاكيد

انا اختي نفسج انابيب وربط وكان ينززل عليها دم
اول مره كشفت دكتورتها قالت هذا متجمع بالرحم بعد عمليه السحب والترجيع
وثاني مره بعد الربط بجم يوم قالت هذا خارجي من الربط


دام انه بني مامنه خطر والوردي عادي
النزيف الاحمر مثل الدوره هذا الي تخافين منه والي يكون شوي ثقيل

 

[اخت خالتهم]

انسدحي ورفعي ريولج حتى لو على جنب حطي تحت ريولج مخدة
والله يثبته يارب
انا باجهاضي الاول الدم ما كان بني كان احمرررررررررر فـلا تحاتين حياتي
اذا بني يقولون عادي

 

[tbola]

دام كل شي اوكي الحمدالله تطمني انتي اهم شي خليج مرتاحه وان شاء الله مافيج الا العافيا

 

[امواج الكويت]

مشكورين بنات ما قصرتوا