تكفون علموني! ترا بيننوني :(

[زهر الرمان]

هاي بنوتات
شخباركم؟


بقولكم سالفة صارتلي من جم يوم
ياني عميل يايب معاه ورقة من المجلس الاعلى للمعاقين مكتوب فيها انه يعاني اعاقة حركية شديدة ودائم؟
انا لما قريت العبارة قلت يمكن اللي ياني اخو هالشخص لانه العبارة اتبين انه الشخص يا على ويل جير
او عالاقل عكاز حلو؟


بس الغريب انه الشخص اللي ياني يمشي بريله هالورقة اتخصة واقول حق اللي وياي يقولولي يمكن اعاقة خفية وله
طاب الريال :eh_s(1):

بيننوني قوليلي كلامي صح؟ انه هالعبارة (اعاقة حركية شديدة ودائمة) تنطبق على المقعدين او على العكاز؟ وله كلامهم
صح انه في اعاقات خفية؟
وهل تصرفي صح؟
انا عن نفسي رفضت اسويله شغله وحولته على احد ثاني لاني حسيت انه في شي غلط و مو مضبوط:0bee2e8d89:

وهم ابي اعرف منو المعاق الصج واللي يقدر ياخذ هوية الاعاقة فعليا بدون تزوير وسالفة المعاقين الاصحاء

 

[HearT ChocolaTe]

الله يعطيج العافيه وكلامج صح وما سويتي شيء غلط
والإعاقة الشديدة مثل ما قلتي على ويل جير وحتى مو عكاز
لكن زمن كثرت فيه النفوس الدنيه

 

[الصابرة المحتسبة]

هلا يالغالية

تصرفج سليم 100\100بس شتقولين عن التزوير الله يسامحهم.

 

[سمسومه الحبوبه]

الله لايعاقبه عمى يتفاول على نفسه ليش
بسم الله عليك من الجنون وتصرفك سليم والله اني أقول لأبو جود طلع بطاقه معاق مروريه عشان جودي يقول لا ما ماأحس أني أحتاجها أقدر أشيل بنتي وأدفها

 

[زهر الرمان]

ياعمري الله يبرد قلبكم يارب مثل مابردتوا قلبي ماقصرتوا
انا حتى المدير زفني بسبة المعاملة قالي انتي مالج شغل معاق مو معاق انتي شكو
اوراقه كامله سووي معاملته قلتله ما اسوي تزوير حرام
وياخذ معاش كل شهر من مجلس المعاقين 475 يعني موظف حكومي بالدرجة الرابعة لاء ومبطل شركة بعد
حسبي الله ونعم الوكيل لي هالدرجة نفسهم دنيه لا يجللون وله يحرمون

 

[@شمس الضحى@]

كل هذا حب للفلوووووووس يالله المستعان
انتي بريتي ذمتج وهو الله حسيبه ياكل بالحرام..

 

[مباركيه]

حسبي الله ونعم الوكيل

اللهم أعوذ بك من منكرات الأخلاق والأعمال والأهواء

جزاج الله خير يالطيبة علي سويتيه والله يجعله بميزان حسناتج

واللي سويتي عين العقل

 

[أم عبووووود]

لا حول ولا قوة الا بالله

الله يهديهم ويصلحم

التزوير بلوة الله يكافينا شره

 

[الصابرة المحتسبة]

ياعمري الله يبرد قلبكم يارب مثل مابردتوا قلبي ماقصرتوا
انا حتى المدير زفني بسبة المعاملة قالي انتي مالج شغل معاق مو معاق انتي شكو
اوراقه كامله سووي معاملته قلتله ما اسوي تزوير حرام
وياخذ معاش كل شهر من مجلس المعاقين 475 يعني موظف حكومي بالدرجة الرابعة لاء ومبطل شركة بعد
حسبي الله ونعم الوكيل لي هالدرجة نفسهم دنيه لا يجللون وله يحرمون

شلون يوكل عياله من فلوس............................:0bee2e8d89:

 

[الصابرة المحتسبة]

رد : تكفون علموني! ترا بيننوني

للعبرة

 

[قناعتي]

الله يسامحة

 

[Miss Cherry]

عادي حبيبتي اعرف وحده جذي مسويه لها شهادة اعاقة حركية وتقول حسافه ماخليتها اعاقة شديدة

ناس ماتخاف ربها ياجعل ربي يبليهم عشان يعرفون شنو الاعاقة