تكفون شلون انسى ماضيه،واتاكد من صلاحه وحبه لي

[بنت مطير وتطرح الطير]

قوة بنات




بنات ساعدوني بمشكلتي وكل وحدة تحط روحها مكاني وتنصحني نصيحة اخت لاخت






انا صار لي سنة متزوجة والحمدلله لو اوصف لكم حياتي تقولون اقرب للمثالية

زوجي يحبني ومايرد لي طلب ابد ابد


ومن كثر ماهو مؤدب معاي وحيوي مع الحريم لدرجه انه يستحي يكلمني جدام اهله قلت زوجي نظيف وبريء




وطول هالسنة صورته حلوة ونظيفة في بالي








بس قبل جم يوم كنت افتش باغراض مخزن قديم

ولقيت فلاش ميموري وفتحته ولقيت محادثات ماسنجر فتحتها وليتني مافتحتها صحيح انها قديمة قبل سنتين من عرسي



بس متخيلين صورة زوجي النظيفة في راسي تحطمت ... الحين من ذاك اليوم ماطب شي بحلجي وكل مايقرب مني احس بلوعة


مو طايقته




صحيح من اخذته مو حاط باسوورد لتلفونه واللاب توب وهذا ريحني

بس يمكن يطلع اكبر نصاب ومايحبني صج

واللي غاثني رقمها اللي معطيه البنات قبل جم سنة ماغيره اهو نفسه معاه

بنات الشك ذابحني ... يمكن لالحين يخون ... مع انه انسان متغير قبل يسمع اغاني الحين لا وصار يصلي ويحفظ قران


صارحته ذاك اليوم بس ماقلت له بصريح العبارة اني شايفة الفلاش بس قعدت ابجي عنده ومنهارة قلت ماقدر اعيش وياك لازم نفترق انا ادري ان لك ماضي وموقادرة ابلعك ... قعد يبجي وياي ويبوسني ويلمني بس عشان ارضى قال لاتقولين هالكلام ويهدي فيني ومن هالكلام ... ويالاخير قلت له انا مو هامني الماضي بس اذا بغيت تخوني صولي قبلها عشان انا بعد اخونك قلتها من القهر





بس تعبت والله العظيم شلون انسى

لاني اذا مانسيت الموضوع ورجعت حياتي الحلوة قبل راح يشوفني اموت قدامه بالبطيء

لا اكل ولا نوم ولا راحة

 

[مصممهــ]

عندي نصيحه صغيرونه <<

لاتخلين زوجج كل حياتج خليه إضافه لحياتج قلبي

والماضي انسيه لانه بدج عليهم واخذج انتي

لو كان يخون كان ماتلاقينه متحملج تلاقينه متنرفز من كل شي عشان يطلع عليج عذرووب <<< اعوذ بالله من كلمة لو <<<

ربي يسخره لج ويهديه << اللهم امين

 

[caramella <3]

تعوذي من ابليس حبيبتي و استهدي بالله
كاج قلتيها بنفسج ان هالسالفة صارلها سنتين و انه حياته تغيرت للأفضل و قام يصلي و يحفظ القرآن ،، لا تخلين ابليس يوسوس لج و يهدم بيتج ،، حبيبتي في شغلة حطيها في بالج : ( ماكو ريااااال ما عنده ماضي حتى لو كان مجرد حب بريء ) الا ما رحم ربي طبعاً ،، و يوم انج صارحتيه و شفتي انه قام يبجي ف تأكدي انه كان طيش شباب و انه ماضي و عدا ،، طوفي حبييييييبتي طوفي اكو رياييل سوو العن منه ،، قولي الحمدالله زوجج شكله وايد نظيف و محترم ،، تمسكي فيه و بينييله ان الثقة مازالت موجودة و ما تزعزعت ،، لا تهدمين بيتج بسبة طيش و سالفة صارلها سنتين و عسى الله يسخره لج حبييييييبتي

 

[بنت مطير وتطرح الطير]

مصممه

اكبر غلط سويته اني خليته كل حياتي .. ويمكن هذا عقاب لي ان الله شوه صورته


كرميلا
مشكورة كلامج ريحني





انا مسامحته بس ابي انسى اللي قريته
وشلون اتاكد ان مايخون لالحين ؟؟

 

[mahawe]

أولا أنتي عليج من اليوم الي صرتي فية بذمتة يعني الماضي شي خاص فية أهوة ويعتبر من خصوصياتة عليج من الحاظر لو هالشي مسوية الحين جان أقولج لج حق بكل الي تسوينة بس هاذا من الماضي يعني ماله داعي الي قاعدة أتسوينة كلة وتخربين بيتج في أيدج وتردين أتحطين هالشي في بالة مرة ثانية .

 

[ام تركي 1]

راقبيه من دون مايحس

وادعي له ولا تبعدين عنه الريال يحبج لا تخربين بيتج ومنو أصلا ما كلم زوجي يقولها علنا كلمت هع عادي بس اهم شي من دخلتي حياته إذا صدتي عليه شي اعطيج الضوء الأخضر تقطينه. من سابع دور

 

[زوجة عزيز]

الله يعينج عاد اشقريتي ماقلتي لنا ؟؟؟ اذا كلام عادي طوفي واذا السالفه فيها شي واهو تعذر وحلف سامحيه ولا تغفلين عنه

 

[بنت مطير وتطرح الطير]

ماقريت وايد


بس الاغلب كان سوالف عادية ومن بينها ان يسولف ويقول امس طلعت مع وحدة

ومن بين المحادثات

يعطي البنت رقمه ويكلمها واللي غاثني رقمه ماغيره هو نفسه


وفي محادثة قههرتني وحدة متزوجة تقول له احب اسمك ولدي الثاني بسميه عليك


لا وتقوله لو اطلب منك اني احمل منك ترضى ابي شي يذكرني فيك



هو منصصصدم طبعا

استغفر الله وحسبي الله على بنات الحرام

 

[mrs.abk]

أختي انتي ليش تحاسبينه أساسا على ماضيه ؟

ما كنتي موجودة بالماضي ولا تتوقعينه قعد ينتظر يلتقي بج علشان يعرف عالم الحريم

ترا مافيه ريال جيه الحينه

اختي علشان تكملين حياتج بسعادة انسي وتعلمي شيء اسمه التغافل اي شيء موب مهم اتركيه وراج والماضي وراااج لا تقولين رقمه ما غيره .. دام غير قلبه رقمه موب مهم يتغير

 

[انا لحبيبي .]

ماضي وانتي ما كنتي موجوده فيه ، الانسان مو معصوم من الغلط ، غلط وتاب وصار منيح

واذا على رقمه انه لسه نفسه ، هاد دليل انه زوجك الحمدلله عندو اراده ، لاتخلي الشيطان يلعب براسك ويهدم حياتك

اذا ماضي اجت على محادثات ماسنجر ، احسن من طلعات وروحات وسكر وخمر اللهم عافيناا

لاتهدمي بيتك حبيبتي ، ماعندك سبب مقنع ابدا لانه ماكان يعمل هالشغلات وانتي موجوده بحياته

 

[شادن33]

ابليس بفرق بينكم اعوذ بالله منه

يابنت الحلال ريلج شكله تااااااب مايسمع اغاني ويحفظ قران حافظي على توبته ولاتخلينه ينتكس !!!!!

تعوذي من ابليس والفات مات

الماضي ملكه اهو بس

 

[Artq8]

اذا استمريتي جذيه راح يطلقج الريال متزوج عشان يستقر مو عشان يعيش بنكد كل الشباب وقموا و غازلو و دشو جات ايام العزوبيه باسلوبج هذا راح تخلينه يطالع برة شنو منهارة ما منهارة حزتها انتي مو زوجته اعقلي اعقلي اعقلي بس هذا الي اقدر اقوله

 

[امـ خــزامـى]

بااااااااااااااااالغتي


منهاره عشان مااضي !!!!!!11

اجل لو حاضر ولا مستقبل اتوقع تنتحرين

انا مع البنات
اعقلي ترى الرجال تاااب والله غفووور رحيم
لاتنكدين عليه وتقولين له وتذكرينه بمماااضيه ترى بيرجع له
وليش مقهووره ان رقمه هو هو ماغيره

بالعكس هذا شي جميل وهالرقم هو اللي بيثبت لك انه ترك عنه المغازل
وبيريح باااالك

لان على قولتك هو الرقم اللي يرقم فيه
واللحين معه ومافي باسوورد وطبعا اكيد مفتشته انت وكل شي بالسليم
خلااااص ارتاااحي ولاتخلين الشيطان يوسوس لك

الله يسخرلك ويهديك

 

[M!$_ $heme]

شوفي حبيبتي اكثر مني وحده تشك وتغار مافي بالدنيا هذي كلهااااااااااااااااااااااااااااااااا

لكن بقولج نصيحه واذا انتي شاطره بتخلينه مايقرب صوب اي بنت او حتى يفكر يطالعها او يخش عنج بطريقتج اقولج شلوووووووووون؟؟؟

اولا الماض راح وانا اعرف ماضي زوجي كله والله العظيم خليته يقولي من غير ما اسئله تدرين شلون ؟؟ قتله اول ماشفته وقعدنا بروحنا قلتله مابي اعرف ولا شي عن ماضيك لانك شي وايد راقي بداخلي وحتى لو عندك اي شي انا واثقه ما اخترتني الا لاني الافضل .

والله العظيم بروووووحه يا وقالي انا بقولج كل شي عشان حتى لو ماتبين تعرفين عشان مابي اخسرج ومع الوقت من غير ما انبش عرفت بالصدفه ان كلامه كله صحيح وزادة ثقتي فيه.

ثانيا:قتله انا مابي اكون زوجتك اذا انت تبيني زوجه وبس دور غيري انا ما راح انفع زوجه فقط

ابي اكون(حبيبتك+رفيجك الي بالدوام+رفيجك الي قريب من قلبك+نفسك الي اذا مالقيت احد تلجألها)

يعني لو صار اي موقف خليه يلجألج مو يخاف يقولج وتتهاوشين معاه حتى لو شي يقثج لاتخلينه يقول بسويه من دون ماتدري
لا خليه يقول بقولها عشان توثق فيني وتشاركني فيك ولو زعلتي زعلي بدلع وقربيه صوبج مو تطفشينه من البيت وهواش ومابيك

وتخلينه يقول انا زين وماخون وتقول مابيك خل اخون عشان لي قالت مابيك عندي الي تبيني

حبيبتي فكري عدل ولاتخلينه لغيرج وكلمة مابيك تهز رجولته قوليله انا الي اخترتها وانا الي فوق كل البنات ولاتخسرينه واقري قران كل يوم من تذكرين السالفه وبعدي الوسواس عنج..

 

[بنت مطير وتطرح الطير]

بنات كلامكم ريحني وخلاني انسى اللي صار

حسيت اني صج غثيثة ياليتني مطنشة

انا ماهمني الماضي اللي خايفة منه لالحين مستمر او لا

بس خلاص ماعاد يهمني


اذا بيترك الغلط ابيه يتركه لله مو لي


مس شيمي بعد عمري مشكورة


انا قعدت افكر دام اني مرتاحة معاه وحياتنا زينة ليش نبشت من وراه


بس الشيطان موجود استغفر الله






الحمدلله اليوم راضيته عن الكلام اللي قلته امس

ورجعت الامور طبيعية




ما اقول الا الله يسخر ازواجنا وييعدهم عن عيال وبنات الحرام

 

[M!$_ $heme]

بنات كلامكم ريحني وخلاني انسى اللي صار

حسيت اني صج غثيثة ياليتني مطنشة

انا ماهمني الماضي اللي خايفة منه لالحين مستمر او لا

بس خلاص ماعاد يهمني


اذا بيترك الغلط ابيه يتركه لله مو لي


مس شيمي بعد عمري مشكورة


انا قعدت افكر دام اني مرتاحة معاه وحياتنا زينة ليش نبشت من وراه


بس الشيطان موجود استغفر الله






الحمدلله اليوم راضيته عن الكلام اللي قلته امس

ورجعت الامور طبيعية




ما اقول الا الله يسخر ازواجنا وييعدهم عن عيال وبنات الحرام

عفيه عليج الله يثبتج عالايمان ويسخره لج ولا يغيره ويسخرلي ريلي

وكثر ماتقدرين ريحيه وقربه صوبج لان كلنا نغلط ومدام اهو معاج وماسوى الغلط لا تخلينه يسويه وتشكين

كل مايلقى الراحه عندج بتضلين انتي نور عينه ويقول بنت الحلال ماتستاهل..

 

[jooosy]

الشيطان مهنته الاولى يفرق بين الازواج
الشيطان لعب ابراسج وقص عليج وانتي صدقتيه
اوكي شي يحر وانصدمتي
بس انتي قلتيها من قبل لا اتزوج
واكبرررررر غلط يوم قلتيله ماقدر اعيش معاك
لو مهما صار ترا كل شي يتصلح ومايصير اتحسسين. انج عادي ابأي وقت تنهين علاقتج معاه
هذا زواج مولعبه
وين بتحصلين واحد جذي ابنفس اخلاق زوجج لي تطلقتي شايفه انتي شباب هالوقت اشلون صايرين
حتا لو الله لااايقوله يوم من الايام دريتي عنده شي في شي اسمه تفاهم الامور ماتنحل بالطلاق


انا اشوف انج كبرتي واااااااايد الموضوع على ولا شي

 

[~ بنت الغوالي ~]

فقد روى الإمام مسلم في صحيحه من حديث جابر قال: قال رسول الله صلى الله عليه وسلم: "إن إبليس يضع عرشه على الماء ثم يبعث سراياه، فأدناهم منه منزلة أعظمهم فتنة. يجيء أحدهم فيقول : فعلت كذا وكذا . فيقول : ما صنعت شيئا . قال ثم يجيء أحدهم فيقول : ما تركته حتى فرقت بينه وبين امرأته . قال فيدنيه منه ويقول : نعم أنت "

 

[الجادل الطرقا]

تعوذي بالله من الشيطان الرجيم ولا تخربين حياتج بايدج!
محد خالي من الذنوب والحمدلله إنه زوجج تغير وكل اللي شفتيه منه محادثات بمسن من سنتين!
ترى حريم غيرج رياجيلهم يخونون و ينامون مع حريم وبالطقاق مرته وعياله!
احمدي ربج على النعمة اللي انتي فيها ولا تنبشين بالماضي اللي مو من حقج تحاسبين زوجج عليه أصلا!
ولو انا مكانج جان سترت عليه ولا صارحته ولا نزلت موضوع لأنه زين معاي ويحبني وما يردلي أي طلب!
ومادام يصلي ويحفظ قرآن ليش أخرب عليه وأذكره بهالسوالف!

 

[الجادل الطرقا]

وأحب أطمنج من كلامج عنه حسيت إنه ماكو غيرج بحياته وهالسوالف مو بباله
فماله داعي تشكين ولا تحاولين تراقبينه
عيشو حياتكم بسعادة والله يتمم عليكم ويهنيكم