تكفون شسوي مع عيون الناس اللي ما ترحم

[وحدة من الناس *]

قوه

شخباركم :eh_s(6):

مبارك عليكم الشهر

اليوم بقول لكم سالفتي

انا صار لي سنه ونص من تزوجت وعندي بنت وكنت ببيت حمولتي ساكنه

عقب صارت هوشه بيني وبين ريلي بسبت اهله فتطلقنا ورفع علي قضيه لان كان يبي ياخذ بنتي مني

وقبل ما تخلص العده رجعنا لبعض بعد ما تفاهمنا على كل شي

وسافرنا على قولتهم شهر عسل يديد

قبل جم يوم رحت حللت وطلعت حامل وبشر اهله عاد مرت اخوه قالت مسرع توكم رادين لبعض مسرع ما حملتي

وانا من يومها ومو مترقعه

بنات صج استعيلت بالحمال؟ خاصه وان احنا تونا شهر من رجعنا لبعض؟

وشسوي مع عيون الناس اللي ما ترحم؟

وانا مو اول واخر وحده حملت بالدنيا عشان اغبي؟

 

[فرفوقه]

الله يعينج صج عيون الناس ماترحم
بس انتي ارقي روحج واقري اية الكرسي ونشالله الله بيحفضج

 

[شنشووونه]

حبيبتي اقري الرقيه الشرعيه

واذكار الصباح والمساء لا تهملينهم

وان شاء الله ماعليج شر

الله يتمم لج على خير وتقومين بالسلامه ان شاء الله

 

[الا يامطول صبري]

رد : تكفون شسوي مع عيون الناس اللي ما ترحم

يمه منها
اقرى على بطنج دااااااااايما والاذكار والله يثبته وتولدين بالسلامه

 

[غمزة خجل]

رد : تكفون شسوي مع عيون الناس اللي ما ترحم

لاحول ولاقوة الابالله

بعد انتي مب كيفج الله كاتب لج

ماعليج منهم اهتمي بنفسجي بالرقيه والاذكار

والله بيحفض لج طفلج يارب

 

[Loutes]

رد : تكفون شسوي مع عيون الناس اللي ما ترحم

عليك بالرقيا حبيبتي

 

[أيام السراب]

حبيبي انصحج بـإذكار الصباح والمساء والرقيه والله يكفيج شر العين يارب
ويخلي زوجج وبنتج ويحفظ الي ابطنج يارب ويسعدكم ويبعد عنكم عيون الناس آميييييييييييييييييييييييين

 

[دلولي]

مشاالله تبارك الرحمن عمى بعينها اهي وش عليها حملتي ماحملتي شكو بتوكله ولا تشربه ارقي نفسك واذكري اذكار الصباح والمساء واذا شفتيها حاولي تاخذين من بعدها من غير ماتحس ورشي على نفسك

 

[miss-winter]

الله يعينج كثر ماتحاتين العيون والعيون لا يصير فيج شي من تفكيرج

 

[وحدة من الناس *]

مشكورين بنات ما قصرتو جزاكم الله خير

 

[هدوء العالم]

الله يكون بعونج

حبيبتي أقرأ كل يوم الرقية الشرعية والأذكار المسائية والصباحية

وحافظي على القرآن الكريم

والله يبعد عنا وعنج وعن كل مسلم شر العيون والنفوس الشينة

 

[يوآش يوآش]

رد : تكفون شسوي مع عيون الناس اللي ما ترحم

اقري المعوذات ..

والله يعينج ..

 

[بيبي بدر]

الله يرزقج ويفرح قلبج بس اهم شي الرقيه الشرعيه ترا عيونهم ماترحم

 

[خوآطر خفوقي]

مبروك رجعتج حبيبتي ..

وعسى الله يتمم عليج حملج .. وتقر عينج بشوفته

الناس ماتعطي خير .. ارقي عمرج وبنتج

 

[كرز حالي.]

رد : تكفون شسوي مع عيون الناس اللي ما ترحم

واللللللللللللله هاذي ماتستحي
اشكره جذي عيني عينك؟؟
فشليها قوليلها ذكري ربج
وانتي ارقي نفسج والله يعينج حبيبتي

 

[أنفاسي دخون]

" قل اعوذ برب الفلق "

الله يسخركم لبعض ويكفيكم شر عيون خلق الله

التزمي بسورة البقرة والمعوذات والرقيه الشرعيه وعسى الله يفرح قلبش بشوفة جنينش

 

[زهراء الركابي]

رد : تكفون شسوي مع عيون الناس اللي ما ترحم

مبروك الله يبته في بطنج وتولدين وتقومين بالف سلاااااامه
دايما اقري بوجه اللي حاستها حاسدتج (((((((((( سبحان الله وماشاء الله ولا حول ولا قوة الا بالله )))))) ثلاث مرات

 

[*سحآبة*]

رد : تكفون شسوي مع عيون الناس اللي ما ترحم

كش ..!

جان كشيتي بوجهها ..

شهالناس



يبا اثنين وبين بعضهم هي شدخلها !

 

[Sama Kuwait]

رد : تكفون شسوي مع عيون الناس اللي ما ترحم




الله يعينج عليهم


وهذي حال الدنيا

 

[أم قـمبر]

دااايمن ذكرووا الله مو تنطرون احد يحسدكم بعديين تذكرونه
و الحمدلله انكم رديتوا حق بعض وفرح قلب بنتج
وانتي لا استعيلتي ولاا شي بعد الله كاتب
والله يهنيكم ويوفقكم مع بنتج والياهل الثاني