تكفون ساعدوني

[روز 777]

مساء الخير محتارة حيل ومخنوقة ودي اصيح بأعلي صوتي انا متزوجة صار لي 6سنين من رابع شهر من عرسي اكتشفت ان زوجي يخوني وانة علي علاقة مع وحدة وكلة ينكر ونزعل ونتهاوش ويحلف انة خلاص وانة انتهي كل شي وكلمتها وانكرت وهددتها اني بفضحها وانا ما عندي الا الحكي ويحلف ويوريني انة حاط ارقامها بلوك بس عندي احساس انة كذاب نفس كل مرة علي فكرة انا عندي 3 اطفال ومستحل اروح بيت اهلي لانهم ما يتحملون الصغار ورفيجتة عندها ولد مدري مطلقة او متزوجة

 

[شادن33]

يلا خربي بيتج عشان شك وماشك!!!!!!!!
حياتي لاتخلين لها ادني فرصه تستغلها هذا ريلج انتي ملزومه اتدافعين عن بيتج
شوفي اللي يبعدج عنه ويخليه ينجذب لها
سواء في الاسلوب في المعامله اكيد في غلط منج

 

[روز 777]

وشلون غلط مني اهو يعرفها من قبل لا يتزوجني

 

[الأميرة جوري]

عطي الموضووووووووووووووووع طااااااااااااااااف مادام علاقته معاج زين مرده بيمل ويطردهاااااااااااااا

 

[شهد بنت صغيره]

خلييج شاااطره ودااافعي عن مملكتج بكل الطرق والوساائل المباااحه اهم شي لاتكلمينهااا اهي مالج شغل فيها
انتي حطي ريلج هدف لج توصلين له عديه حبيبج وصديقج وعامليه على هالاسااس وراح انتي حتى تستمتعين بهالعلاقه حب فرفشه وناسه وقطي الشك ورى ظهرج الزم ماعليج نفسج وسعادتج ونفسية عيالج وهو حاولي تسحبينه صوبج ومايمنع من فتره لي فتره مسج دعوي حلو فيه نصيحه وطااعه علشان تذكرينه بربه واتمنى لج كل التوفيق ياقلبي

 

[yasooo]

وانا من راي اختي شهد والحلووو بان زوجج محترمج ومو حاب يزعلج فطنشي عالموضوع ولا تخربين بيتج بالشك

 

[i'm so happy]

الله يعينج بس لا تخربين بيتج عشان وحده جذي بسمحين لها تدخل بيتج بكل سهوووولة

 

[قلب طفـــله]

لاتسكتين كلميه تفاهمي معاه خيريه قوليله ياانا وعيالك يااهي !

والله يعينج

 

[روز 777]

هددتة كم مرة بس كلة يقول هذاك خبال وراح وانتي الكل بالكل واحبج بس مو قادرة اصدقة من كثر كذبة وحلفانة

 

[غدووور الكويت]

الله يسخره لج

 

[انثى عاشقة]

حياتي الشك هذا من الشيطان يوسوس لج عشان تخربين بيتج
كثر الدق يفك اللحام اذا كل شوية بتقولين له علاقتك وجذي
احتمال يرجع لها صج
خلج واثقة من نفسج ومنه
ودايما ادعي اللهم اني استودعتك زوجي سمعه وبصره وقلبه وفرجه يامن لاتضيع ودائعك
لاتشتتين بيتج وعيالج ع وحدة ماتخاف ربها ..​

 

[Beyoncee]

هذا بيتج ومملكتج اذا انتى ماتدافعين وتحافظين عليه منو بيحافظ عليه
شيلى فكرة الطلاق من راسج
وعطيه شوي ثقه
صدقيه عشان ترتاحين

 

[الريمـ اللعوبـ]

اول شي الله يعينج ويصبر قلبج
ثاني شي خليج انتي رفيجته وحبيبته وزوجته لاتحرمينه من شي خليه
يفكر بس فيج اول مايدش البيت عطيه الابتسامه وزهبيله الاكل
قوليله حبيبي عازمتك علي عشا اليوم سويله جو رومانسي اشغلي وقته لاتخلينه يفكر باحد
جددي حياتج شيلي الضيقه وصدقيني راح يتغير كل شي
لكن اذا تميتي تفكرين فيها وانها ماراح تخليه وانه راح من بين ايدينج صدقيني صج راح يروح

 

[ام كوثر2007]

ابليس راكبج يا قلبي ..

مخليج مو راضيه تردين الثقه بريلج مره ثانيه ..

حبيبتي محد معصوم عن الغلط . كلنا نغلط ونحتاج احد يعطينا الثقه مره ثانيه ..

هذا ريلج بو عيالج غصب طيب وثقي فيه مالج غير هالشي

واذا بتعيشين بالطريقه هذى .. عمرج ما راح ترتاحين .. واذا ما ارتحتي بتنكدين علي نفسج وعليه . واذا نكدتي علي نفسج وعليه .. بتعطينه فرصه يلجأ لغيرج

لانه بالعربي الريال ما يحب اللى تحن وترن وكل اشوي اتحلطم واتذمر من ولا شي .

 

[روز 777]

مشكورييين حبايبي واللة يجزيكم كل خير

 

[ElN00R]

غلللط غلط غلط كل شي سوتيه غلط

عند الخيانه. لا تتم المواجهه هذا تمسك فيج وجذب عليج ميخالف لو نفرض قالج كيفي شبتسوين؟ منتي برايحه بيت هلج ولا شيء فلا تفشلين عمرج
ثاني شغله لا تتصلينلها لا تنزلين نفسج وتهينين نفسج وحده طايحه بجبد عمرها ولصقت بريلج و الرياييل مخوخهم طايره شتسوين؟ تراقبينه وتلاحقينه وتنكدين عليه وتحلفينه على جذب وتتمشكلين مع حبيبته وتطلعين بالشينه ولا تخططين لشي احسن؟
ترى محد متعب روحه غيرج وهم لو كلامج صحيح ترى مجذبين عليج و مبسوطين
طيب شالحل انا اقولج
اولا هي مرا اللي عندج عندها الفرق هو ريلج وانتي تبينه وهي ولا شي لو كفو جان خذاها وماخلاها تقزيره بس جذي
انتي ظبطي عمرج واهتمي بنفسج وتجاهلي موضوعها انتي اجذبيه لج انتي تواجهينه وتلاحقينه وتعصبين وتحرقين قلبج ونقول هي لو راح لها شلون ؟ تقوله انت تحبها اكثر مني وتناجر ولا منسيته مرته؟ انتي نسيه اياها لا تخلينه لها لا تخلين غلطه فيج من راسج لريلج اهتمي بكل شي دلعي روحج سوي نيو لوك تجاهليه فجي عنه لا تلاحقينه خلي هو يلحقج اشغلي نفسج بنفسج تدللي وتزيني وتعدلي وانبسطي واهتمي فيه خلاص من تقرين ردي اذا تبين مصلحتج لا تواجهينه بس اجذبيه لج خليه ينساها ريحيه يعني شالفرق بينج وبينها غير الاسلوب واكيد الشكل ؟ شوفي الريال اهم شي عنده الجسم وانتي ريحيه لا تستوين بس نجره اخذيه منها لا تخلينه لها قطيعه تقطعها

 

[روز 777]

واللة يا اختي مو مقصرة معة بشي اهتم بنفسي من ناحية الجسم واللبس بس عمرة ما مدحني بشي احس انة يبيني ام اعيال وبس تعبت معة كلة ينتقدني لما البس شي او اسوي لة جو فهمتي علي

 

[-_-Designer-_-]

انا رايي من راي ام كوثر و الله يسخرة لج