تكفون ساعدوني

[يوم أقبلت]

قوه بنات انا مومتزوجه كل ماجاني احد راح يقولون علي نفس والي يقول عين المهم مشكلتي صاىي شهر لاركبت سيارتي مادري شنو يجيني شي يخليني امسك بريك فجاه عشان ادعم هذي جديده صايره معاي قبل كنت حريفة سواقه والحين اسوق تقول توني ماخذه الليسن مادري شنو قاعد يصير معاي نفسيتي تعبت ماني عارفه وسوسه ولا شنو ون فيدوني لااي تعبتنتكف

 

[يوم أقبلت]

اسمحولي على البدليات لااي اكتب بسرعه ومضايقه على وضعي

 

[الأميرة جوري]

حاولي تقرين عند شيخ وتشربين ماي مقري فيه ...ولاتفكرين وايد لان راح تتعبين واقري قران وكثري من الدعاء

 

[شـمـوخ..!]

اقري على نفسج انتي سورة البقره والرقيه الشرعيه
ودايماا قولي الاذكار والله يبعد عنج العين ويشافيج​

 

[ريووفة]

صحيح مثل ما قالو البنات اقري سورة البقره كثيييير
لان اعرف ناااس كثير استفادو منها وللعلم القرآن فيه كل الشفا
الله يحفظج ويبعد عنج الشر ​

 

[يوم أقبلت]

مشكورين بنات ماقصرتوا الله يجزاكم خر مع ان قرى علي شيخ بس مادري للحين نفس ما انا

 

[عبدا شكورا]

يا اختي ياحبيبتي

اغلب البنات اللي مو جايها نصيب او ماحملت او عندها مشاكل عندها نفس السبب
وهذولا تقريبا ثلثين اناث الكويت , يعني يامعيونة يامسحورة ياممسوسة ؟؟؟؟؟؟؟

سمعتوا غير هالسبب خاصة في منتدى كويتيات ؟؟؟؟؟؟؟؟؟؟؟؟


وين قضاء وقدر الانسان ؟؟؟؟؟؟؟ وين النصيييييب ؟؟؟؟؟؟؟؟؟
وين الابتلاء ؟؟؟؟؟؟؟؟ وين الحمد والشكر على كل ذلك ؟؟؟؟؟؟؟؟؟؟؟

اختي حبيبتي

راجعي طبيب وسوي فحوصات شاملة من الى .............

وراجعي نفسج في علاقتج مع ربج
كثفي العلاقة بينج وبينه عز وجل ( صلوات - دعاء - صدقات .......... )

قبل الرقية حافظي على الاذكار اليومية صباحية - مسائية - ماقبل النوم
خلي ذكر الله على لسانج بالاستغفار والسبحنة

صدقيني بترتاحين وابعدي فكرة العين وان كانت حقيقة لاتفكرين فيها


انتي صدقيني قلقة وعايشة هم العنوسة ........... بدليل بديت كلامج بانج مصابة بعين ومو اي عين بل عين الوالي

اطلعي من هالوهم وشوفي الاشياء الحلوة اللي حواليج

مرت علي حاااااااااالات كثيرة مثلج
اللي تستوعب الحقيقة فيهم صدقيني تكمل حياتها وتعيشها
واللي تبي تعيش الوهم فصدقيني تموت وهي حية


هذا قرارج انتي
حياة سعيدة وجميلة لو بدون زووووووووووج
او حياة تعيسة مزرية بحثا عن زوووووووووج

والله اعلم مني ومنج يمكن لو كان عندج هذا الزوج لكانت حيااااااتج كارثة !!!!!!!!!!!

 

[منيرة بنت حمد]

في شي شاغل بالج و مو مخليج تركزير بالسواقه

الوسواس القهري >>> على كيف ابوي

نصيحتي لج حاولي تريحين عمرج وادورين عن اي شي يونسج وسويه وبترتاحين :rerrerek:

الله يحفظج من كل شر

 

[يوم أقبلت]

عبدا شكورا ريحتيني الله يسعدج يارب بس الي ذابحني الحين وتفكير ذبحني ليش لما اسوق السياره يجيني مثل وسوسه يخليني وانا سارعه امسك برزيك فجاه صارلي شهر تعبت منه تخيلي لدرجه افكر احط سايق عشان ماسوق

 

[حبي لله اشد]

سمعي رقيه شرعيه ولا تملين منها غصبي نفسج لو ماحبيتيها
لانه في ناس يكونون فيهم شي مايحبون الرقيه يتمللون فـ انتي غصبي نفسج !
وروحي حق شيخ بس شيخ موثوق فيه لا تروحين حق اي شيخ
ترا في ناس يخرعون
واذا ماتبين تروحين عند شيخ تقدرين تخلين اي احد يقرا عليج
او انتي اقري بنفسج وسمعي رقيه شرعيه واقريها
وهم مسكي ماااي واقري عليه وشربي
يعني اذا خايفه من شيخ وجذي مو شرط صدقيني ..
أما اذا حاسه حالتج للأسوء ومو عارفه شتسوين
روحي عند شيخ
والله يشافيج يارب والله غفور رحيم ..