تكفون ساعدوني 0000 مالي الاانتم ياخواتي

[ام فارس الراشدي]

السلام عليكم ياكويتيات


بدخل بالموضوع على طول وأبي رايكم وتساعدوني شسوي شوروا علي

تزاعلت انا وزوجي وصارلي عند اهلي أسبوعين
ومشكلتنا تافهة وبسيطة بس ريلي من النوع اللي حيل يزعل علي اتفه الاسباب مايبيني اروح كثير عند أهلي يبيني بس مرابطه بالبيت بروحي حتى لو أنه مو بالبيت وشكله ناوي على الطلاق وانا صراحه ماأبي الطلاق علشان مااضيع مستقبل أعيالي والله العظيم نظرات امي ذبحتني وأخوي همن نظراته لي ذبحتني جنهم يقولون الله يعينه عليها باجر بتصير مطلقة وتطيح بجبدنا وانا والله اموت بزوجي حيل واطرشله مسج اعتذار ومو راضي يرد علي شسوي ابي تساعدوني وتقولولي شسوي خاطري ادزله رساله بس شقول فيها ساعدوني الله يخليكم ماابي تدش وحده وتجرحني بالكلام كافي اللي فيني :eh_s(11):

 

[ام شووووق]

رد : تكفون ساعدوني 0000 مالي الاانتم ياخواتي

ليش تزعلين دامج مو قد الزعل وتروحين ببيت اهلج؟؟؟

المرا شاطرة هي اللي تزعل وترضى ببيتها ومحد يدري عنها

نصيحتي لا تدزين له شي خله يقفدج شوي شفايده زعلتي وخليتي الكل يدري وعقب تدزين له مسجات اعتذار

الله يهديلج الحال

 

[zanobita]

الله يهدي بالكم و يصلح بينكم انشالله .. كثري من الأستغفار عسى ربي يفرج عنج بس لاتعيدينها اذا رديتي المره و الريال زعلهم و رضاهم داخل بيتهم و بس ..

 

[زينبو]

رد : رد: تكفون ساعدوني 0000 مالي الاانتم ياخواتي

ان شاءالله يرضى وتردين بيتج.. واذا على اهلج مريهم بالاسبوع مرة وباجي الايام دقي على امج وكلميها لو عشر دقايق تتطمنين عليها

وبجذي ترضين الاثنين وترتاحين

 

[zanobita]

جيكي الخاص حبيبتي ..

 

[* بنت المطر *]

تعوديها لازعلتي لاتطلعين من بيتج دامج تحبينه وتبينه واذا قالج قولي مااطلع من بيتي الا اذا ورقتي بيدي

غلطانه اللي تزعل وتروح بيت اهلها واهيا عندها عيال خليهم يتعودون عليه ويتعود عليهم دامج تحبينه تعذري فيهم قولي اذوني


يسالون عنك يبجون بيردون بيتهم يبون العابهم ومن هالكلام ..


انا اقول حاولي بهالمسج اليوم وشوفي


قوليله :: بجهز نفسي بعد العشا ياليت تمرنا الجهال اذوني عليك وووبس لاتكملين كلام

والساعه 8 دزيله ترا جاهزين وننطرك جم يبيلك ؟؟

واذا مارد خلي احد من اخوانج يوديج بيتج ونامي عند عيالج ولاتعطينه وجه وسوي روحج ان ضحيتي عشان عيالج واستقرارهم

وووبس والله يصلح مابينكم

 

[اميره1980]

الله يصلح ما بينكم ان شاء الله

خلي احد من عيالج يكلمه و يقوله ان مشتاقله و يبيه و يبي يشوفه و كثر الدق يفج اللحام و ان شاء الله ترجع المياه لمجاريها و كثري الاستغفار و الدعاء

 

[كماشه]

تعوديها لازعلتي لاتطلعين من بيتج دامج تحبينه وتبينه واذا قالج قولي مااطلع من بيتي الا اذا ورقتي بيدي

غلطانه اللي تزعل وتروح بيت اهلها واهيا عندها عيال خليهم يتعودون عليه ويتعود عليهم دامج تحبينه تعذري فيهم قولي اذوني


يسالون عنك يبجون بيردون بيتهم يبون العابهم ومن هالكلام ..


انا اقول حاولي بهالمسج اليوم وشوفي


قوليله :: بجهز نفسي بعد العشا ياليت تمرنا الجهال اذوني عليك وووبس لاتكملين كلام

والساعه 8 دزيله ترا جاهزين وننطرك جم يبيلك ؟؟

واذا مارد خلي احد من اخوانج يوديج بيتج ونامي عند عيالج ولاتعطينه وجه وسوي روحج ان ضحيتي عشان عيالج واستقرارهم

وووبس والله يصلح مابينكم

صح كلامه سوي جذي والله يهديكم لبعض مره ثانيه ازعلي في بيتج

 

[๓ίşś зśŏłả..!]

رد : تكفون ساعدوني 0000 مالي الاانتم ياخواتي

اذا كنتي زعلانه وللحين عند اهلج
وخايفه من الطلاق وللحين مايه وراضاج .!!
ماكو الا انتي تروحين بيتج وتحاولين تراضينه
لا تقولين مااقدر تحملي عشان ريلج ابو عيالج
والله يهديكم

 

[لسووعه]

رد : تكفون ساعدوني 0000 مالي الاانتم ياخواتي

الله يردكم لبعض ويسسعدج ويووفقج ...