السلام عليكم ورحمة الله
صباح الخير والفرح يا احلى واطيب خوات بالدنيا
بنات انا عندي موضوع وايد متعبني واحس محد فاهمني ولا داير لي بال
الموضوع اني ما اهتم بنفسي ابدا ابدا ابدا بمعنى كلمة ابدا بس مو من ناحية النظافه الشخصية لا الحمدلله بس اللي اقصده من الناحية النفسيه والشكل ككل بنات انا بقوللكم عن اللي قاعده اسويه بروحي وما ادري ليش قاعده اسوي جذي بنفسي :eh_s(11): وانا راضيه بكل اللي بأي انتقاد توجهونه لي حتى لو كان جارح انا راضيه عادي بالعكس عشان تأثر فيني حجوه من اللي بتقولولنه لي وانقرص واتعلم ... اولا عشان اوضح لكم الصوره انا عمري توني دشيت الثلاثين ومتزوجه من 3 سنوات وماعندي عيال الله كريم والله عمري ما يبين عليه اني بهالعمر وكل شي فيني حلو مو مدح بالعكس حالي حالكم بنات والله بس وايد حارمه نفسي احس في شي يقيدني ما يخليني البس ولا اهتم بشكلي والله اشتري بدل الدنيا وقمصان طلعه ولفات وتكرمون شوزات الدنيا عندي ولا البسهم تصدقون اني على كثر الشوزات اللي عندي مو لابسه منهم ولا واحد واللي الحين لابسته وانتو بكرامه قديم ومقطع ويفشل ولبسي اي شي مع ان عندي لبس الدنيا بالكبت وجنطتي منقطعه سلسلتها اللي تنشال عالجتف والحين قاعده امسكها بيدي وعندي جناط الدنيا وين ما اروح اخمط ودي اروح الدوام ببجامه وطبعا لا كحل يدش عيني ولا لفتي مثل الاوادم ما ادري ليش ... والله نفسيتي صفر ومتنت واااااااااايد حتى قاعده اقول حق نفسي يمكن من المتنه بس والله اللي اشوفه في امتن مني بواااايد قاعد يكشخون بكل ثقه ما ادري دايما اتحسف على روحي اني البس يديد وكشخه واقول حق نفسي يمعوده اشحقه تكشخين منو بيشوفج والا وين بتروجين كلها فره بمجمع والا سوق والا جمعيه وبتردين مع ان كل شي عندي حتى ميك اب ترس الدرج ولما افكر اني احط منه اتحسف على نفسي بنات والله وايد ابجي من داخلي اقول اذا ما كشخت الحين وفرحت بلبس متى بلبس وافرح لما يصير عمري 50 ؟ حتى زوجي يقول لي يعورني قلبي لما اشوف بنات قدج يلبسون ويكشخون وانتي معجزه بعمرج مع ان انتي احلى تكفون قولولي شسوي بعمري احس في شي مربط ايدي والله احس بغامت على صدري حتى صايره وايد عصبيه وشايله هم الدنيا وكله احاتي حتى نفسي مو مهتمه فيها انسى نفسي ورضاها وراحتها انسى اني اريح هالنفس اللي الله سبحانه وهبها لي تكفون ساعدوني والله كتبت من حرقة قلبي احس تثقل ايدي احس جنها مكلبجه لما اكون ابي اكشخ والا ابطل الكبت واطالع هدومي اللي من المحل للكبت احس بضيقة وجزع اعوذ بالله
صباح الخير والفرح يا احلى واطيب خوات بالدنيا
بنات انا عندي موضوع وايد متعبني واحس محد فاهمني ولا داير لي بال
الموضوع اني ما اهتم بنفسي ابدا ابدا ابدا بمعنى كلمة ابدا بس مو من ناحية النظافه الشخصية لا الحمدلله بس اللي اقصده من الناحية النفسيه والشكل ككل بنات انا بقوللكم عن اللي قاعده اسويه بروحي وما ادري ليش قاعده اسوي جذي بنفسي :eh_s(11): وانا راضيه بكل اللي بأي انتقاد توجهونه لي حتى لو كان جارح انا راضيه عادي بالعكس عشان تأثر فيني حجوه من اللي بتقولولنه لي وانقرص واتعلم ... اولا عشان اوضح لكم الصوره انا عمري توني دشيت الثلاثين ومتزوجه من 3 سنوات وماعندي عيال الله كريم والله عمري ما يبين عليه اني بهالعمر وكل شي فيني حلو مو مدح بالعكس حالي حالكم بنات والله بس وايد حارمه نفسي احس في شي يقيدني ما يخليني البس ولا اهتم بشكلي والله اشتري بدل الدنيا وقمصان طلعه ولفات وتكرمون شوزات الدنيا عندي ولا البسهم تصدقون اني على كثر الشوزات اللي عندي مو لابسه منهم ولا واحد واللي الحين لابسته وانتو بكرامه قديم ومقطع ويفشل ولبسي اي شي مع ان عندي لبس الدنيا بالكبت وجنطتي منقطعه سلسلتها اللي تنشال عالجتف والحين قاعده امسكها بيدي وعندي جناط الدنيا وين ما اروح اخمط ودي اروح الدوام ببجامه وطبعا لا كحل يدش عيني ولا لفتي مثل الاوادم ما ادري ليش ... والله نفسيتي صفر ومتنت واااااااااايد حتى قاعده اقول حق نفسي يمكن من المتنه بس والله اللي اشوفه في امتن مني بواااايد قاعد يكشخون بكل ثقه ما ادري دايما اتحسف على روحي اني البس يديد وكشخه واقول حق نفسي يمعوده اشحقه تكشخين منو بيشوفج والا وين بتروجين كلها فره بمجمع والا سوق والا جمعيه وبتردين مع ان كل شي عندي حتى ميك اب ترس الدرج ولما افكر اني احط منه اتحسف على نفسي بنات والله وايد ابجي من داخلي اقول اذا ما كشخت الحين وفرحت بلبس متى بلبس وافرح لما يصير عمري 50 ؟ حتى زوجي يقول لي يعورني قلبي لما اشوف بنات قدج يلبسون ويكشخون وانتي معجزه بعمرج مع ان انتي احلى تكفون قولولي شسوي بعمري احس في شي مربط ايدي والله احس بغامت على صدري حتى صايره وايد عصبيه وشايله هم الدنيا وكله احاتي حتى نفسي مو مهتمه فيها انسى نفسي ورضاها وراحتها انسى اني اريح هالنفس اللي الله سبحانه وهبها لي تكفون ساعدوني والله كتبت من حرقة قلبي احس تثقل ايدي احس جنها مكلبجه لما اكون ابي اكشخ والا ابطل الكبت واطالع هدومي اللي من المحل للكبت احس بضيقة وجزع اعوذ بالله
