تكفون ساعدوني حدي تعبانه

[روتانا الكويت]

قوة حبايبي اشلونكم شخباركم

بقولكم عن مشكلتي

الصراحة أنا ويا إختي مو مرتاحيييين كلش عوار بالريووول وتونا صغار وظهورنا بنموت منها وحرقة بعينونا واجسامنا تقب حبوب وحساسية ولوعة جبد وصداع مو طبيعي وكل مانروح نسوي فحص ونراجع مافينا ولا شي .. قمته مو طبيعية من عوار ريلي مرات اقعد على الفراش وانزل راسي للقاع وارفع ريلي واهزها حيل عشان إطق

 

[*دبدوووبه*]

حبيبتي لازم تسوين تحليل هرمونات والغدد شامل
وتشوفين انزيمات الكبد
والكلى
ونسبه الدهون بالجسم


لازم تشوفون دكتور شاطر ومتخصص في هالسوالف
ماتروحون عند اي دكتور

والله يعينكم ويشفيكم ياقلبي
واي شي انا حاضره

 

[روتانا الكويت]

تسلمييييييين ياقلبي والله يعينا يارب ويشفينا بسس إنه اكيد فيه شي تخيلي نحس بنفس العوار وبنفس المكان ونفس المعاناة

 

[*سكون*]

حبيبتي .. جنج تتكلمين عن معاناتي

تخيلي أمشي 5 دقايق أتعب .. ما اقدر أوقف وايد .. أي مجهود بسيط يتعبني .. ما نقول الا الله يرزقنا العافيه والحمدلله على كل حال

 

[حوري2004]

كثري من قرائة القران والله يبعد عنكم كل شر ان شاء الله

 

[روتانا الكويت]

مشكورين على الرد اي والله الله يشافينا ويشافي كل مريض

 

[*دبدوووبه*]

حبيبتي سبحان الله
شوفي يمكن حسد وعين

بس همن لا تسكتين
شوفي الي تقدرين عليه سويه

والله يبعدكم عن كل مكروه

 

[فتونة الكويت]

هلا حبيبتى اولا ما تشوفين شر وانصحج تسوين حجامة لانها عن كل شى كل الامراض وشوفى لج احد زين وربى يشافيج ويعافيج ويشافى جميع المسلمين

 

[الدانه77]

انا اعرف وحده نفس سالفتج دايم ريولها تعورها وصداع لدرجة بعض المرات ماتمشي نهائي وماخلت دكتور بالكويت وبره الكويت وكل شي عندها سليم آخر شي راحت عند شيخ يقرا عليها ويعطيها زيت مقري فيه والحمد لله الحين احسن بوايد

انصحج روحي حق شيخ معروف يقرا عليج انتي واختج والله يشافيكم ويشافي كل مريض