تكفون ساعدوني بقيمة الادخار

[غـ روحي ـلا]

يالله ياكريم اسالك يالله الواحد الاحد الفرد الصمد ان ترزق من ترد على رسالتي من حيث لاتحتسب

تكفووووووون خواتي برنامجي الاذاعي المدرسي يوم الاحد 4/5 ومطلوب مني اسوي مشهد باللغة الانجليزية عن قيمة الادخار عطوني افكاركم لاني والله العظيم قاعده اجهز وماعندي وقت تكفوون رجيتكم مارجيت رخوم عادي لو بالعربي وانا اترجمه

 

[ام حنااين]

كتبي كلمة عن فايدة الادخار واهميته بحياة الفردوالمجتمع
وسوي مسابقات ووزعي الهدية حصالات الي عند بو مية

 

[دنيا العتب]

اب اب اب لعيوونج

 

[CrystalQ8]

مدرستي كانو عارضين أغنية البنك الوطني اذا تعرفينها هلا هلا زينه. ومشهد تمثيلي عليها

 

[غـ روحي ـلا]

كرستاله شلون كان المشهد

 

[طالبة1990]

تقدرين من هالاسبوع تجهزين له

يعني مثلا تحطين حصالة بالساحة وتطلبين من البنات يحطون فيها فلوس بس بشرط ما يتعدا ال ١٠٠ فلس

واذا تقدرين من باجر حطيها

وبعد اسبوع بيوم البرنامج الاذاعي

سوي مشهد عن بنتين يتحاورون عن الحصالة اللي محطوطة بمدرستهم

ووحدة من البنات تكون مستهينة بالمبلغ لان بس ١٠٠ فلس

والثانية ترد عليها ان ١٠٠ مع ال ١٠٠ ممكن تكون مبلغ كبير

وتفتح الحصالة وتكونون من قبل عادين المبلغ

وعادي ألفوا لكم رقم حلو


وقرروا ان هالمبلغ تتصدقون فيه واجره يعود لكل البنات اللي حطوا فلوس بالحصالة


وفعلا تصدقوا بهالمبلغ ب ماي مثلا للعاملات

او وزعوا المبلغ ع عاملات المدرسة


بس مثل ماقلت لج اذا اعجبتج الفكرة فحاولي من باجر تحطين الحصالة

وحطي فوقها لوحة بالانجلش ان المبلغ مايتعدا ١٠٠ فلس

يعني ممنوع الورق ارباع وانصاص وغيره

ومو شرط تكتبينها حرفيا

ممكن تحطينها ب اشارات

يعني اكس ع الربع والنص وان بس الكوينز هو المسموح


وانشالله اكون فدتج حتى لو بفكرة او فكرتين


بس ياليت الهدف من الحصالة يكون مبهم

يعني مايعرفون السبب الا بيوم برنامجج الاذاعي

 

[Angel_store]

اب اب اب