تكفون ساعدوني اكتشفت خيانتين لزوجي بيوم واحد حسبي الله

[: غلاتي غير :]

وربي اكتب ودموعي على خدي اليوم الصبح لقيت ميموري طايح في الممر وشغلته الا لقيت بلاوي وصور خلاعيه انا وربي منصدمه منه وصور اباحيه انا مو قادره اطالعها مااتوقع منه كل هذا وربي كرهته وصور بنات حسبي الله ونعم الوكيل وفليل لما رد قلت خل افتش تلفيوناته وربي انصدمت اكثر واكثر شفت مسجات ومراسلات مع وحده ياربي احس بضيقه مدري شسوي او شاقوله كرهته مو قادره اطالعه انا ملاحظه تغيره معاي الفتره هذي حيل مايقعد معاي ولايسال عني وربي احس قلبي بوقف من كثر البكي اخاف اصارحه بقولي انتي تفتشين وماتربيتي محتاره تكفووووون سلاعدوني الله يفتح عليكم

 

[Entisar]

90% خيانة الرجل اكثر من خيانة المرأه
منشان جذي قلتلكم مايمل عينهم غير تراب
لازم نتحملهمممممممممم، هاي الحل الوحيد
حتى لو نصحتيه مايفهموو ..
فأدعي ربك جلا وعلا ان يهديه

 

[غيمه ظميانه]

الله يلوم اللي يلووومج

وسعي صدرج وهدي بالج

ترا كلهم جذي اغلبيه عظمى

حتى المسكين والمدمغ واللي مايدري وين الله قاطه تلقين عنده بلاوي سمعنا وشفنا

خليها على الله

واذا كلمتيه انا ابصم لج مليون بالميه راح يقلبها عليج ويطلع نفسه شعره من العجين

فاحسن لج لا تحاجينه وسكتي ومع الايام شوووفيه اذا تاذيتي من طبعه حييل كلميه

اذا طبعه زين معاج بس يخربط خليه مرده لج فتررره ويمل

ونصيحه لاتنبشيييين نصحتج لان كثر ماتنبشين راح تنصدمين


وسلامتج لاتبجين يقلبي دمووعج ماتستاهل

 

[لمى الهاجري]

لحظة اهدي اهدي انا اقول لج شنو تسوين تحملي تصارحينه خلج طبيعية وشوفي شنو الي فيج قاصر عن هالبنت وحاولي تكلمين البنت وتفهمين منها السالفة لانها ممكن يكون هي الي تحرش فيه

 

[أنثى لاا تنسى]

حياتي انتي الله يعينك ويصبرك
لاتطلبين مننا احنا نساعدك احنا مابيدنا شي اطلبي من الله هو اللي يساعدك
قومي تعوذي من ابليس وتوضي وفرشي سجادتك وصلي صلاة استخاااااره وادعي ربك يدلك على احسن شي تسوينه لك وله
وبعدها اقري لك كم صفحه من المصحف واقعدي استغفررررري
الله يهديك ويمسح على قلبك يارب

 

[غنج اهلها]

الله يعينج الخيانه تعور القلب

 

[brettey]

لا بالعكس صارحيه خل يعرف انج مو غافله انا الصراحه انصدم من الي تطيح على زوجها وتسكت شي طبيعي بيتمادى بيقول هذه هبله وماتدري عن هوى دارها

 

[white haert]

لاااا لا تصاااارحينه بس اذا يا البيت ابجي وقولي حاسه بضيقه وحاسه ان فيك شي متغير وابليس قام يوسوسلي وانا المرا تحس بريلها اذا تغير وان شاءلله يطلع اللي في بالي جذب ووووبس راح يحس انج اتلاحظينه وحاسه وان شاءلله يتسنع بس اذا واجهتيه يمكن يتغثث لج ويحرج فيهم وانتي توج ما عرفتي طبعه عدددل وماعرفتي خيره من شره ومعقووووله بتروحين بيت اهلج وانتي توج بس قرصي اذونه بهالبجيه واذا ماتسنع عاد تصرفي بالطريقه اللي تبينها بس هذوول الرياييل مايتوبون من هالسوالف وتلقينه توا ماحس بالمسوؤليه او او او وانتي حاولي اتشوفين شنو السبب منج ولا منه وبعدين تصرفي

 

[سكر فتافيت]

ادعيله حبوبه الله يعينك

 

[sanyoretaQ8]

الله يعينج الخيانه تعور القلب

 

[فديت من سماني]

لا تواجهينه ترا الرجال ما يحب الي يعدد اغلاطه و بيقلبها عليك


استخدمي الحيله معه لا تواجهينه اهم شي الين يتعدل و ادعي ان الله يصرف الحرام عنه و يسخره لك


الله يكون بعونك و يصبرك

 

[lovely life]

حسبي الله ونعم الوكيل فيه
كل الرجال هيك

 

[بنت الاحلام]

الله يكون بعونج يا قلبي

 

[STAR FAR]

الله يصبر قلبج أختي هوني على نفسج تذكري ان المصيبة مهما كانت اليوم عظيمة باجر تصبح ذكرى والله سبحانه وتعالى خلقنا للعبادة وإعمار الارض ولابد ان نمتحن على الارض

 

[قمر كويتي]

الله يعينج والله يبعد بنات الحرام عن ريلج ويسخره لج يارب ويهدي كل الرياييل ل زوجاتهم بس انا عندي المفروض ماتسكتين وتشوفين ليش متغير؟؟؟؟
دامج ملاحظه ان متغير كلميه سولفي معاه

 

[صدى الجروح]

حبيبتي الله يصبرج ويعينج نصيحة لا تحاجينة لان بيقول كيفي واسوي اللي ابيه انا حر وبعدين ما الومج شي يعور القلب انتي مصدومة اذا تقدرين باتي عند اهلج جم يوم كل ماحسيتي بضيقة وتالي جمعي افكارج عشان تعرفين شتقولين وشلون تتصرفين وترا اسلوبج وتعاملج اهو اللي بميزج عن الخرابيط اللي يشوفها واذا ع الافلام الخلاعية كلهم يشوفون مو معناته اهم صح بس شنسوي اهم شي انه ما يكلم وهذيج تجذبة خلج ع قولتهم الزين عندج والشين حوااليج وتضلين انتي الطاهرة باخلاقج وتربيتج وتفكيرج وتعاملج واهما مجرد زباله باعو نفسهم برخيص لجل دنيا فانية ودايما ادعي ربج وبسهلها عليج انشالله

 

[الـفـجـر الـبـعـيـد]

لا تواجهينه ولا تفتحين معاه الموضوع ماراح تستفيدين شي

اقولج سالفة وحده يمكن العيب منج ما تشبعينه زوجها يخونها

اخذت رقم البنت وقابلتها وكلمتها وعرفت اهو ليش على علاقه معاها

قالت لها انا حتى اصابع ريوله ابوسهم تخيلي وان زوجها قايلها ان

يستحي منها وعلاقته معاها عاديه بالفراش روتينيه يعني وراحت طبقت

على زوجها كل اللي قالته لها هذيك البنت والله ان زوجها ترك البنت اللي

يعرفها وصار خاااتم باصبعها يعني لازم تعرفين زوجج شنو يبي ما اقولج

روحي كلميها بوسي ريوله لا بس خليج شااااطره وخفيفه بالفراش قطي

الحيا ورا ظهرج تاخذين عقله الحين للاسف الرياييل تفكيرهم بـ............ وبس

احنا تربينا على كل شي عيب ومايصير لما صرنا باردين مع ازواجنا والدنيا

كلها فتن وبنات اللهم ياكافي والله يهديه لج ادعيله

 

[((shoOoshoOo))]

الخيانه تعور القلب !!
فمادري شقولج
الله يصبر قلبج !
حتى لو واجهتيه رااااح تدشين في متاهه مالها اول ومالها تالي وبتدشين بدائره الشك !

واذا ماواجهتيه بيتمادى !

فاتمنى ان الله يهديه لج

 

[&&&&&&&&]

ما اصاب من مصيبه فمن الله اصبري وربي يعينك يا قلبي

ودي وتقديري​

 

[love u 4 ever]

كلنا مرينا بموقفك مافيه احد عاقل الامن رحم ربي

نصيحتي تواجهينه ولاتقهرين نفسك وتخلينها بقلببك علميه بغلطه وان شاء الله يستحي على وجهه ويتغييرر